Կարդացին Խաղալիքներն ունեն շատ կարևոր դեր երեխայի զարգացման զարգացման հարցում: Խաղալիքները ոչ միայն զվարճանալու միջոց են, այլև նոր բաներ սովորելու, շրջակա աշխարհը ճանաչելու, մանր մոտորիկան և մտավոր ունակությունները զարգացնելու հիանալի տարբերակ:
Անդրադառնանք խաղալիքների վերաբերյալ հիմնական հարցերին, որպեսզի օգնենք ձեզ ընտրել լավագույն խաղալիքները ձեր փոքրիկների համար:
Որ տարիքում ինչ խաղալիքներ գնել
0-6 ամսական (նորածիններ)
Այս տարիքում երեխան նոր է սկսում ծանոթանալ աշխարհին: Նա կարող է ուշադիր նայել որոշ առարկաների, իսկ 2-3 ամսականում երեխան սկսում է բռնել դրանք: Երեխաներն ուզում են բռնել, թափահարել, տեղափոխել այն ամենն, ինչին հասնում են նրանց փոքրիկ թաթիկները:
Այս ամիսներին իդեալական խաղալիքներ են
• Երաժշտական խաղալիքներ
• Զարգացնող գորգերը
• Չխկչխկան խաղալիքներ և մանկական տիկնիկներ
• Մոբիլներ
• Էլեկտրոնային ճոճաթոռ
6-12 ամսական
Այս ժամանակահատվածում երեխայի ձեռքերն ու ոտքերն արդեն բավականին ամուր են և նա կարող է ինքնուրույն վերցնել իր նախընտրած խաղալիքը: Հենց որ սկսեն դուրս գալ առաջին ատամիկները, դուք կտեսնեք, որ երեխան փորձում է կծել այն ամենն, ինչ նա դնում է իր բերանի մեջ, այդ պատճառով փոքրիկի զարգացման այս փուլում անհրաժեշտ է պատասխանատու մոտեցում ցուցաբերել խաղալիքների ընտրության հարցում:
Անհրաժեշտ է ձեռք բերել.
• Մեծ խորանարդներ, ֆորմաներ
• Ռետինե խաղալիքներ
• Ատամծակիչներ
• Խաղալիքներ լոգանքի համար
• Կերակրման աթոռ
12-24 ամսական
Երեխան սկսում է կանգնել և ակտիվ շարժվել: Ընտրեք այնպիսի խաղալիքներ, որոնք թույլ կտան երեխային ավելի լավ ճանաչել աշխարհը և զարգացնել երևակայությունը:
Կարելի է ընտրել՝
• Քայլակներ
• Կառուցողական խաղալիքներ
• Գնդակներ
• Դերային խաղեր
• Անվասայլակներ
Ինչպե՞ս ընտրել լավ խաղալիք
Խաղալիքները գնեք միայն վստահելի խանութներից, որոնք երաշխավորում են ապրանքների որակը: Հիշեք, որ խաղալիք ընտրելը պատասխանատու գործ է, հատկապես, երբ երեխան շատ փոքր է: Ավելի լավ է ընտրություն կատարելիս նախապատվություն տալ այն արտադրողներին, որոնք վաղուց արդեն հայտնի են խաղալիքների շուկայում:
Դրանք կարող են լինել այնպիսի հանրաճանաչ ապրանքանիշերի խաղալիքներ, ինչպիսիք են.
- Tiny Love
- Melissa & Doug
- Hasbro
- Mattel
- Lego
- Mega Blocks
Լավագույն խաղալիքների խանութներն ու մանկական խաղալիքները ներկայացված են Ubimarket-ում:
Օգտակար խորհուրդներ խաղալիքներ ընտրելիս
• Միշտ ստուգեք, որ խաղալիքները համապատասխան լինեն երեխայի տարիքին: Մի տվեք 3 տարեկան երեխայի համար նախատեսված խաղալիքները նորածնին և հակառակը:
• Խաղալիքները հեռու պահեք բաց կրակից, քանի որ դրանք կարող են բոցավառվել:
• Ձեր երեխային փափուկ խաղալիքներ տալուց առաջ հեռացրեք պիտակներն ու ժապավենները:
• Համոզվեք, որ խաղալիքները էկոլոգիապես մաքուր և հիպոալերգեն են:
• Մի տվեք մազոտ կամ այլ մանրաթելեր ունեցող խաղալիքներ 12 ամսականից ցածր երեխաներին:
• Մի թողեք օրորոցում փոքր փափուկ խաղալիքներ երեխայի քնի ժամանակ:
• Մի անտասեք ձեր երեխային խաղալիքներով խաղալու ժամանակ:
• Մի տվեք ձեր երեխային մանր դետալներով խաղալիքներ, որպեսզի նրանք պատահաբար կուլ չտան դրանք:
Կարդացեք նաև՝
Ինչպես ընտրել նորածնի և մանկական հագուստ: Թոփ 10 կանոնները