Կարդացին Մանկական հագուստը տարբերվում է վառ գույներով, հետաքրքրաշարժ պատկերներով և նախշերով, իսկ յուրաքանչյուր մայրիկ փորձում է ընտրել փոքրիկի համար առավել հարմար և գեղեցիկ տարբերակները:
Խանութներում կարելի է գտնել նորածինների և երեխաների ներքնազգեստերի, բոդիների, շապիկների մեծ տեսականի: Սակայն նման բազմազանության մեջ կողնորոշվելն ու ընտրություն կատարելը շատ դժվար է, բայց ոչ Ubimarket-ի հետ: Մենք կօգնենք ձեզ կազմել փոքրիկի համար իդեալական զգեստապահարան:
Շապիկ, թե բոդի
Լավագույն տարբերակը բոդին է: Բոդիների հիմնական առավելությունն այն է, որ դրանք չեն ոլորվում և չեն բարձրանում հետևից, ինչպես օրինակ շապիկները կամ բլուզները: Բոդի ընտրելիս ուշադրություն դարձրեք, որ կոճակները պարանոցից դեպի ոտքեր՝ այսինքն ամբողջ երկարությամբ արձակել լինի: Այս տարբերակը ավելի հեշտ է հագցնել փոքրիկին:
Իսկ եթե որոշել եք գնել մանկական շապիկ, ընտրեք այն տարբերակները, որոնց կոճակներն ուսերին են կպչում: Այդպես երեխային ավելի հարմար կլինի, քանի որ նա չի պառկի կոճակների վրա:
Նորածնի հագուստի չափսերը
Նորածին երեխայի համար հագուստ ընտրելիս մի գնեք ամենափոքր՝ 56-րդ չափի շատ իրեր: Մի քանի շաբաթում երեխան մեծանում է: Հետևաբար, գնեք 56-րդ չափի 2-3 բոդիներ, իսկ մնացած հագուստները`62 և մեծ չափերի:
Ինչպես որոշել հագուստի չափը
Երեխայի համար հագուստ ընտրելիս հիշեք, որ այն պետք է լինի բավականաչափ ազատ, չսահմանափակի երեխայի շարժումները: Հագուստի տակ գտնվող տակդիրը նույնպես պետք է լինի ազատ: Սակայն դա չի նշանակում, որ պետք է ընտրել շատ ընդարձակ հագուստ, քանի որ մեծ հագուստը նույնպես կարող է անհարմարություններ առաջացնել՝ թեքվելով, ծալվելով և հավաքվելով:
Ինչով ծածկել փոքրիկին
Եթե բնակարանը տաք է (22 աստիճանից բարձր), արթուն երեխային կարող եք ընդհանրապես չծածկել, կամ ծածկել բարակ սավանով: Երբ երեխան քնած է, ծածկեք նրան թեթև ծածկոցով կամ բամբակյա վերմակով: Եթե փոքրիկը բացվում է անընդհատ, նրա համար գնեք հատուկ քնապարկ:
Ինչպիսի ճարմանդներ ընտրել
Մանկական հագուստը կարող է կոճկվել ճարմանդներով, կոճակներներով և ժապավեններով: Կարևորը, որ դրանք անվտանգ լինեն՝ չքերծեն, չծակեն և չսեղմեն: Եթե խոսքը նորածինների հագուստի մասին է, ապա ավելի լավ է, որ այդ դետալները լինեն ուսերին: Բլուզներն ու շապիկները, որոնք ամրացվում են կողքից, նույնպես շատ հարմար են: Փորձեք խուսափել այն մանկական հագուստից, որ պետք է հագցնել երեխային գլխի վրայով:
Ինչպիսի մանկական գուլպաներ ընտրել
Գուլպաներն ու զուգագուլպաները չպետք է նեղ լինեն: Դրանց մեջ երեխան պետք է ազատ շարժի իր մատները, ինչը կնպաստի նրան, որ երեխան ավելի արագ կսովորի կանգնել և քայլել: Եվ ցանկալի է, որ գուլպաները պատրաստված լինեն բնական գործվածքներից. դրանց մեջ ոտքը կշնչի և ավելի քիչ կքրտնի:
Արդյո՞ք բոլոր իրերը պետք է բնական լինեն
Ներքնազգեստը, միանշանակ, պետք է բնական նյութից լինի: Բլուզներն ու տաբատները, որոնք ուղղակիորեն չեն դիպչում մարմնին, կարող են ունենալ 20%-ից ոչ ավելի սինթետիկ հավելումներ (սինթետիկ հավելումների շնորհիվ՝ լվանալուց հետո հագուստը չի լայնանում և չի կորցնում իր տեսքը):
Խուսափեք թավշյա հագուստից. այն թույլ չի տալիս, որ օդ անցնի, և թավշյա հագուստով երեխան կարող է քրտնել:
Գլխարկ, թե կապիշոն
Երեխային և նորածնին տանը գլխարկ պետք է հագցնել միայն լողանալուց հետո: Իսկ դրում զբոսնելիս՝ գլխարկն անհրաժեշտություն է: Ձմռանը միայն բաճկոնի կապիշոնը, միանշանակ, բավարար չէ, ուստի երեխային անհրաժեշտ է գլխարկ: Այն չպետք է շատ ձիգ լինի: Կարևորը, որ գլխարկը ծածկի ականջները:
Ինչ հագցնել շարժուն երեխային
Իդեալական տարբերակն են զուգագուլպաները և շապիկները: Դրանցով երեխային շատ ավելի հարմար կլինի, քան բոդիներով, քանի որ զուգագուլպաները բավականին ամուր գրկում են ոտքերը և չեն պտտվում:
Բաճկոն, թե կոմբինիզոն
Նորածնի հետ զբոսանքի գնալիս ավելի լավ է ընտրել կամ կոմբինիզոն, կամ քնապարկ, որ երեխան չկարողանա բացվել: Կոմբինիզոնն իդեալական տարբերակ է նաև այն երեխաների համար, ովքեր արդեն քայլում են: Ի վերջո, երեխան անընդհատ վազում և ցատկոտում է, իսկ նման ինտենսիվ շարժման մեջ կարևոր է, որ նրա մեջքը ապահով ծածկված լինի հագուստով: Իսկ ահա բաճկոնով և տաբատով՝ երեխայի մեջքը կարող է բացվել: