Կարդացին Փոքրիկի համար մանկասայլակ ընտրելը ծնողների համար կարևոր և բարդ հարց է: Այնքան մեծ է տեսականին, այնքան շատ են մոդելներն ու հնարավորությունները, որ ընտրություն կատարելը, մեղմ ասած, դժվար է: Եթե դուք էլ եք մանկասայլակ փնտրում, խորհուրդ ենք տալիս ուշադրություն դարձնել այնպիսի ապրանքանիշերի, ինչպիսիք են ՝ CAM, Peg Prego, Inglesina, Mikrus, Zippy, Camarelo, Adamex, Riko: Այս բոլոր ապրանքանիշները ներկայացնում են տարբեր մանկասայլակների լայն տեսականի և հասկանալու համար, թե ինչպես ընտրել մանկասայլակ, ներկայացնում ենք մանկասայլակների տեսակներն ու առավելությունները:
Մանկասայլակների տեսակները
1. Դասական մանկասայլակ
Այս սայլակը հիանալի տարբերակ է նորածինների համար` մինչև 6-8 ամսական: Այս մոդելները տարբերվում են լայն և հարմարավետ օրորոցով:
Սովորաբար, նման մոդելները տեղադրվում են փչովի անիվների վրա:
Առավելություններից են գերազանց անցանելիությունն ու ամորտիզացիան:
Թերություններից են օգտագործման ոչ այդքան երկար ժամանակը, քանի որ, ինչպես արդեն նշեցինք, դասական մանկական սայլակները կարելի է օգտագործել առավելագույնը 6-8 ամիս՝ մինչ այն պահը, երբ երեխան սովորում է նստել:
2. Մոդուլյար սիստեմի մանկասայլակ
Մոդուլյար սիստեմի մանկասայլակները նախատեսված են դասական մանկասայլակների թերությունները շտկելու համար: Նորածինների համար նախատեսված մոդելների շարքում ներկայացված են
- 2-ը 1-ում մոդելներ, որոնք ներառում են օրորոց + զբոսանքի համար նախատեսված նստարան,
- 3-ը-1-ում մոդելներ, որոնք ներառում են օրորոց + զբոսանքի համար նախատեսված նստարան + մեքենայի նստատեղը (carseat):
Մանկասայլակների հենց այս տարբերակն են նախընտրում հոգատար ծնողները:
Առավելություններից է շարժողականությունը, թերություններից` մեծ չափսերը, որի պատճառով ոչ միշտ է հարմար տանը պահելու համար:
3. Տրանսֆորմեր մանկասայլակ
Տրանսֆորմեր մանկասայլակները հեշտությամբ կարելի է վերափոխել զբոսանքի համար նստարանի: Շատ ծնողներ խուսափում են տրանսֆորմեր մանկասայլակներից՝ դրանց փափուկ ներքևի մասի պատճառով (այլ մոդելների դեպքում այն պինդ է): Բայց այս հարցը կարելի է լուծել ամուր ներքնակի միջոցով:
Առավելություններից են կոմպակտ չափերը և մատչելի գինը:
Մանկասայլակների չափերը
Բացի մանկասայլակների տեսակներից, անհրաժեշտ է հաշվի առնել նաև սայլակների չափերն ու քաշը: Իհարկե դժվար է գտնել այնպիսի մանկասայլակ, որ կլինի միաժամանակ փոքր չափերի (որպեսզի հեշտ տեղավորվի վերելակի մեջ), թեթև, կոկիկ, կոմպակտ և բազմաֆունկցիոնալ:
Նորածինների համար նախատեսված մանկասայլակները պետք է լինեն ամենակարևորը հուսալի և անվտանգ, իսկ դրա համար անհրաժեշտ է ճիշտ կառուցվածքն ու հուսալի անիվները: Իսկ նման մանկասայլակները կշռում են 13-14 կգ:
Մանկասայլակի անիվները
Անիվների ընտրությանն ուշադրություն են դարձնում հիմնականում հայրիկները, և ճիշտ էլ անում են, քանի որ դրանք նույնպես շատ կարևոր են:
Ի՞նչ է պետք իմանալ:
Նորածնի մանկասայլակն ունի ընդամենը 4 անիվ: Դասական մոդելների դեպքում բոլոր անիվները նույն չափի են՝ սովորաբար շատ մեծ: Եվ ամենակարևորը` որքան մեծ է մանկասայլակի անիվների տրամագիծը, այնքան ավելի սահուն է այն շարժվում և ճանապարհի անհարթությունը քիչ է զգացվում:
Առջևի պտտվող անիվների առկայությունն ու մանևրելու հնարավորությունը հեշտացնում են սայլակը տեղաշարժելը:
Անիվները կարող են լինել՝ փչովի և ռետինե: Փչովի անիվների դեպքում տեղաշարժն ավելի մեղմ է, սակայն դրանք պետք է փչել և հետևել, որ չծակվեն: Ռետինե անիվներով մանկասայլակների ժամանակակից մոդելների անիվների վրա լրացուցիչ բարձիկներ են ավելացնում, ինչը թույլ է տալիս փափկացնել երթը:
Ամորտիզացիա
Ինչ վերաբերում է մանկասայլակների ամորտիզացիային, այժմ ներկայացվում է 2 տարբերակ՝ զսպանակավոր և գոտիով: Հատկապես անհարթ ճանապարհների դեպքում ճիշտ ամորտիզացիան օգնում է մեղմացնել ցնցումներն ընթացքի ժամանակ:
Այս դեպքում կարող ենք մի խորհուրդ տալ. Մանկասայլակ գնելիս ճոճեք այն: Այն պետք է սահուն շարժվի: Կարող եք խնդրել և մի քանի րոպե դրսում քշել այն, տեսնելու համար ինչպես է այն շարժվում փողոցում:
Բռնակի բարձրությունը կարգավորելու հնարավորությունը նույնպես կարևոր է օրինակ վերելակից օգտվելիս կարող եք բարձրացնել բռակը, որպեսզի դռները հեշտ պակվեն:
Ուշադրություն դարձրեք մանկասայլակի փակվելու ձևին. այն փակելու համար պետք չէ տղամարդկային ուժ ունենալ: Եթե մանկասայլակը կոմպակտ է, այն հեշտությամբ կարող եք տեղավորել մեքենայի բեռնախցիկում:
Արտաքին տեսք
Իսկ ահա անվասայլակի արտաքին տեսքին և երեսպատմանն ուշադրություն են դարձնում մայրիկները: Այս դեպքում կա ընտրության 2 հիմանական տարբերակ՝ գործվածք և էկո-կաշի: Կարևոր է, որ ընտրված արտաքին մասի նյութը ջրակայուն լինի և հեշտ լինի խնամքը: Ներսի համար օգտագործվում են հիմնականում բնական նյութեր՝սովորաբար բամբակ:
Նախորդ 2019 թվականին նորածինների համար ամենանախընտրելի անվասայլակների ցանկում եղել են տրանսֆորմեր (2-ը 1-ում և 3-ը 1-ում) մոդելները:
Ահա նաև հայտնի արտադրող երկրների և արտադրանքի առավելությունների ցանկը՝
- Գերմանական անվասայլակներ: Հայտնի են օգտագործվող նյութերի բարձր որակով և մեխանիզմների աշխատանքով:
- Անգլիական անվասայլակներ: Հայտնի են իրենց պրակտիկությամբ և ոճով:
- Լեհական անվասայլակներ: Հայտնի են իրենց բարձր որակով և մատչելի գնով:
- Իտալական անվասայլակներ: Հայտնի են իրենց էլեգանտությամբ և հարմարավետությամբ:
- Չինական անվասայլակներ: Հայտնի են իրենց բազմաթիվ նորարարական լուծումներով և մատչելի գներով:
Հուսով ենք, որ այս հոդվածն ընթերցելուց հետո դուք կկարողանաք ճիշտ ընտրություն կատարել և ընտրել լավագույն մանկասայլակը ձեր փոքրիկի համար: