Տեղեկատվական անվտանգությունը չափազանց կարևոր է պատերազմական իրավիճակում: Այն ծրագրերը, որոնք կան մեր հեռախոսի մեջ կարող են օգնել նաև թշնամուն ստանալ կարևոր ինֆորմացիա: Այսպիսով, որ ծրագրերն է պետք ջնջել հեռախոսից և որը՝ ոչ պատերազմի ժամանակ: Այս մասին տեղեկատվական անվտանգության մասնագետ, մեդիա փորձագետ Սամվել Մարտիրոսյանի հետ զրուցել է վիդեոբլոգեր, յութուբեր Ագնես Խերանյանը:
Որ հավելվածներն են անվտանգ
Ադրբեջանն ու Թուրքիան հնարավորություն ունեն մեզ գախտնալսելու նաև Երևանում, այնպես որ մեսինջերներն առավել ապահով են կարևոր զրույցների համար: Իսկ ձայնային զրույցների դեպքում կրկին բոլոր մեսինջերներն առավել պահով են, քան սովորական հեռախոսային զանգերը: Կարող եք օգտվել Telegram և WhatsApp հավելվածներից, քանի որ այստեղի զրույցները վերծանել հնարավոր չէ. դրանք գաղտնագրված են: Անգամ Facebook-ի մեսինջերով զրուցելու դեպքում քիչ է հավանականությունը, որ Թուրքիայից կարող են գաղտնալսել: Սակայն կա մի տարբերություն. Facebook-ի ձեր հաշիվը կոտրելու դեպքում՝ թշնամին կարող է կարդալ ձեր հաղորդագրությունները, մինչ դեռ Telegram-ն ունի նամակների ինքնաոչնչացման հնարավորություն՝ գաղտնի չատ, որտեղ կարելի է ժամանակացույց միացնել, օրինակ 10 րոպե, և 10 րոպեից նամակները ջնջվում են 2 կողմերի մոտ:
Որ հավելվածներն է պետք հեռացնել
Ինչ վերաբերում է Get Contact-ին, որտեղ հնարավոր է տեսնել ում անունն ինչպես է գրացված ուրիշների հեռախոսներում, այն թուրքական է և թուրքական ծառայությունները հնարավորություն ունեն օգտվել այնտեղ եղած տվյալներից: Ավելին, այս ծրագիրը ներբեռնելու ժամանակ այն խնդրում է մի շարք հնարավորություններին թույլատվություն՝ մուտք դեպի ֆայլեր, տեսախցիկ և այլն: Այնպես որ խորհուրդ է տրվում ջնջել այդ հավելվածը ձեր հեռախոսից և առհասարակ, խուսափեք թուրքական հավելվածներից:
Չնայած TikTok հավելվածն այս շրջանում արգելափակված է մեր երկրում, այնուամենայնիվ այն պետք չէ ջնջել:
Ինչու է այն հիմա արգելված՝
- Այստեղ մարդիկ տեղադրում են ինչ ասես, իսկ ադրբեջանական հետախուզությունն օգտագործում է ցանկացած ինֆորմացիա այլ նպատակներով:
- Մյուս խնդիրն այն է, որ TikTok-ում մոդերացիայի խնդիր կա և երեխաները կարող են ակամայից ականատես դառնալ դաժան և ոչ հարկի կոնտենտի:
Կարդացեք նաև՝ Ինչպես պաշտպանել Facebook-ն ու Instagram-ը