Կարդացին Ի՞նչ է դանդաղեցված մարքեթինգը և ինչու՞ է այս ձևաչափի հանդեպ ուշադրությունն աճում հայտնի բրենդերի կողմից:
2016թ.-ի հունվարի 6-ին Անգլիայում մի քանի ժամ շարունակ ավելի քան 500,000 մարդ հետևում էր Նյու-Յորքի բնակչուհուն, որը հեռարձակում էր իր Փերիսկոպում ոչ ավել, ոչ պակաս ջրափոս: Նա ցույց էր տալիս ջրափոսն ու այն մարդկանց, ովքեր փորձում էին անցնել այն: Արդյունքում, օնլայն էին 20,000 մարդ, իսկ 48 ժամում հավաքվեց ավելի քան 100,000 թվիթ: Եվ այս բոլոր մարդիկ հետևում էին ջրափոսին:
«Normcore» հասկացությունը նորաձևության, կյանքի, հաղորդակցվելու ոճ է, երբ հանրաճանաչ են դառնում սովորական, հասարակ, պարզ բաները: Այս ոճի հիմնադիրն է համարվում ամերիկացի 5 նկարիչներից բաղկացած K-HOLE խումբը, որը 2 տարի առաջ աշխարհին նվիրեց Normcore-ն իր բոլոր դրսևորումներով
Իրականում, այս դանդաղեցման միտումը սկսվել է ավելի վաղ՝ 1986-ին, երբ Կառլո Պետրինին արշավ կազմակերպեց արագ սննդի դեմ: Բացի դանդաղ սննդի ռեստորաններից (Slow Food), հայտվեցին դանդաղեցված հեռուստատեսության առցանց ալիքներ (Slow TV), դանդաղեցված լուսանկարչության արվեստը, կյանքի ռիթմի դանդաղեցման մշակույթը (Slow Movement): Եվ դանդաղեցված գովազդի հայտվելն անխուսափելի էր:
Օրինակ՝ հաճախորդների չշտապելու և առօրյա վազվզոցից մի փոքր ազատվելու ցանկությունը այնքան մեծ է, որ դրա արդյունքում մեծացել է բրիտանական Waterstones ընկերության արտադրած մեծահասակների համար գունավորումների պահանջարկը (դրանք բավականի բարդ և ժամանակատար են): Արդյունքում, 2015-ին վաճառքի աճը գերազանցել է 300% -ը, իսկ ընկերությունն ընդլայնել է աշխատողների քանակը:
5 պատճառ, թե ինչու է normcore մարքեթինգն արդյունավետ:
- Տարբեր բրենդեր ամեն կերպ փորձում են գրավել սպառողների ուշադրությունը, մոգոնում նոր ֆանտաստիկ գաղափարներ: Այս ֆոնի վրա զարմանալի չէ, որ թիրախային լսարանի ուշադրությունը սևեռվում է պարզ ու հասարակի կողմը:
- Տեխնոլոգիաններն անհավանական տեմպով զարգանում են և ճնշում են սպառողին, ով երբեմն ուզում է չհասկանալ DIGITAL աշխարհի բարդությունները և մի կողմ անցած պարզապես վայելել իր ձեռք բերածը:
- Շատ սպառողներ ակտիվորեն բոյկոտում են համընդհանուր կարծրատիպերի դեմ: Դրա վառ ապացույցներից մեկն էլ #uglyselfie հեշթեգ է և նմանատիպ շարժումների աճող ժողովրդականությունը:
- Հաջողության ավանդական չափորոշիչները նույնպես հնացել են: Երիտասարդները քիչ են հիմնվում ուրիշների կարծիքի վրա, նրանք ապրում են «այստեղ և հիմա» սկզբունքով:
Normcore-ը քմահաճույք չէ, ոչ էլ անցողիկ թրենդ: Սա շատ ավելի խորը հասկացություն է. Փորձ, որ միտված է տանել դեպի պարզություն:
Ինչպե՞ս պետք է արձագանքեն բրենդերը
Սա մեծ հնարավորություններ է տալիս այն մարդկանց համար, ովքեր հարգում են սպառողների անձնական տարածքը և դանդաղ շփում են ունենում սպառողի հետ: Որպես կանոն, նման հարաբերություններն ավելի ամուր են և վստահելի:
Մեր օրերում մի քանի րոպե լռությունը շքեղություն է համարվում, այնպես որ ընկերությունները, որոնք կարող են իրենց հաճախորդներին պարգևել նման շքեղություն, արագորեն կդառնան վստահելի: Օրինակ ՝ բրիտանական Waitrose ընկերությունը օգտագործում է եթերաժամի 30 վայրկյանը, որպեսզի տա մարդկանց ոչինչ՝ այսինքն 30 վայրկյան խաղաղություն և հանգիստ գովազդային քաոսից: Մինչ մյուսները աղմկում ու իրենց գովքն են երգ, Waitrose-ը նվիրում է բնության հնչյուններ: Նա ոչինչ չի խնդրում և չի հարցնում: Կարո՞ղ է նման մոտեցումը չտարբերվել:
Իհարկե, այս մեթոդը բոլորի համար չէ: Որքան ավելի շատ են հայտնվեն նման գովազդային արշավները, այնքան ավելի արագ մեթոդը կդառնա ձանձրալի և կկորցնի արդյունավետությունը: Կա ևս մեկ «բայց». Կարևոր է, որ ընկերության ընդհանուր փիլիսոփայությունը համահունչ լինի առաջխաղացման այս եղանակի հետ: