Մեր օրերում գովազդն ամենուր է: Սակայն գովազդային հազարավոր արշավներից ոչ բոլորն են հայտնի դառնում ամբողջ աշխարհում: Լավագույն գովազդները գրավում են միլիոնավոր մարդկանց ուշադրությունը և հսկայական շահույթ բերում ապրանքանիշերին:
Գովազդի հաջողության գրավականն այն է, որ այն վերաբերում է մարդկային համընդհանուր արժեքներին և հետաքրքրում է ցանկացած եկամուտ և կենցաղ ունեցող մարդկանց:
Ներկայացնենք Diesel ընկերություն ուշագրավ գովազդային արշավը:
Հետևորդ լինելն ավելի լավ է, եղիր հետևորդ
Երբևէ ցանկացե՞լ եք լինել հայտնի և սիրված բլոգեր: Ջինս արտադրող Diesel ընկերությունը «Be a Follower» գովազդային հոլովակների շարքով, ցույց է տալիս, թե ինչու է բլոգեր լինելն ավելի վատ գաղափար, քան շարքային հետևորդ լինելը:
Գովազդ ստեղծողներին ոգեշնչել են սոցցանցերը և ընդունված կարծրատիպերն այն մասին, որ ինֆլյուերնսեր լինելը արտակարգ բան է:
Հոլովակներում ցույց են տալիս իրական ինֆլյուենսերների և հետևորդների կյանքը նմանատիպ իրավիճակներում և ոչնչացնում են այն առասպելը, թե հանրաճանաչ լինել նշանակում է նաև երջանիկ լինել:
Օրինակ՝ ինֆլյուենսերներն ուտելուց առաջ պարտավոր են նկարել ուտելիքները, շատ ուշադրություն դարձնել հագուստի և այլ բաների վրա:
Մի խոսքով, դիտեք հոլովակները, քանի որ դրանք հասարակության կարծրատիպերի զվարճալի արտացոլումն են:
Գովազդային արշավում ներառված էին նաև տպագիր գովազդներ, որոնք ազդեցիկ մարդկանց կյանքի մասին պատմություններ էին պատմում:
Իսկ դու ո՞րն ես ընտրում՝ բլոգեր, թե՞ հետևորդ: Գրիր մեկնաբանություններում: