Ձեզ ենք ներկայացնում վերջին մի քանի ամիսների ընթացքում iPhone 12-ի մասին հայտնի դարձած ամենաակտուալ ինֆորմացիան: Հաշվի առեք, որ ինֆորմացիայի արտահոսքերը և լուրերը կարող են ոչ մի կապ չունենալու Apple-ի աշնանային շնորհանդեսին ցուցադրվելիք սմարթֆոնի հետ: Այնուամենայնիվ, եկեք տեսնենք, թե ինչ ինֆորմացիա է պտտվում համացանցում iphone 12-ի վերաբերյալ:
iPhone 12-ի դիզայնը
iPhone 12-ի դիզայնը վաղուց հայտնի է: Այն կունենա ուղղանկյուն եզրեր՝ iPhone 4-ի կամ iPad Pro 2018-ի նման:
Ամենայն հավանականությամբ, որպես հումք կօգտագործվի նոր՝ ալյումինե խառնուրդ, որի շնորհիվ սմարթֆոնի մակերեսն արևի ուղիղ ճառագայթների տակ ավելի քիչ կտաքանա և չի սառի ցածր ջերմաստիճանում:
Սա կարելի է համարել մեծ շտկում, քանի որ iPhone 11 Pro Max-ը շատ է տաքանում արևի տակ, և մարտկոցի էներգիան շուտ է վերջանում:
iPhone 12-ի կորպուսի՝ խոնավությունից պաշտպանության բարելավման մասին ոչինչ հայտնի չէ, սակայն, ըստ կանխատեսումների, այն ունենալու է բարձրախոսներից հեղուկը դուրս փչելու մեխանիզմ, ինչպես Apple Watch-ի դեպքում, այսինքն՝ օգտագործելով ձայնի հատուկ հաճախականություններ, այն դուրս է մղելու ջուրը:
iPhone 12 Pro-ի տեսախցիկի բլոկի դիզայնը կմնա նույնը, ինչ iPhone 11 Pro-ինն է և 4-րդ մոդուլը (LiDAR սենսորը) կդառնա կոմպակտ և կտեղակայվի տեսախցիկների բլոկի տակ՝ խոսափողի կողքին:
iPhone 12 Pro-ի տեսախցիկի բլոկի վերջնական չափը կմեծանա մոտ 10%-ով:
Ընդհանուր առմամբ, տեսախցիկի մոդուլի տեղը հաստատվում է նաև մեկ այլ աղբյուրի կողմից, որը ցույց է տալիս iPhone 12-ի պատյանը:
Շատ տարօրինակ, բայց հետաքրքիր ինֆորմացին արտահոսքեր կան մագնիսների վերաբերյալ, որոնք պետք է տեղակայված լինեն iPhone 12 Pro-ի ներսում:
Առաջին անգամ այս լուծումը Apple-ն օգտագործել է iPad Pro 2018-ի և 2020-ի համար, որպեսզի պլանշետը հնարավոր լինի մագնիսի միջոցով փակցնել տարբեր պարագաների վրա:
iPhone 12-ի համար ընկերությունը պաշտոնապես գրանցել է մագնիսների օգտագործման արտոնագիր, օրինակ՝ աքսեսուարների հետ (օրիգինալ պատյանը կարող է մագնիսի շնոհիվ կպնել iPhone-ին)
Հնարավոր է այս ձևով Apple-ը լուծել է AirPower-ի հետ կապված խնդիրը, որպեսզի հեռախոսը տեղադրվի անլար լիցքավորման գորգի կենտրոնում:
iPhone 12-ի էկրանը
iPhone 12 Pro-ն կունենա Super Retina XDR մատրիցա, ինչպես iPhone 11 Pro-ն:
6,7 դյույմանոց էկրանով մեծ մոդելի լուծաչափը կլինի 2788x1284 պիքսել. սա նույն 458 ppi ցուցանիշն է:
3D Touch-ը բացակայում է: Սա մատրիցայի վրա մատի սեղմած ուժը ֆիզիկապես կարդալու հիանալի տեխնոլոգիա է: Լինելու է ծրագրային Haptic Touch:
Ի դեպ, Watch OS 7-ում 3D touch գործառույթն անջատված է: Բոլոր գործողությունները կատարվում են հպումով, այլ ոչ թե ուժեղ սեղմումով:
iPhone 12-ի շարքում եզրերի չափերը կմնան անփոփոխ: Սակայն iPhone 12 Pro-իև Pro Max-ի կտրվածքը վիզուալ ավելի փոքր կթավա՝ էկրանի շրջանակի ավելի փոքր չափի պատճառով:
FaceID-ի արագությունը կմնա նույնը, սակայն սենսորի ընդգրկած անկյունը պետք է ավելանա:
Էկրանի թարմացման արագությունը IPhone 12-ում կլինի 60 Հց, Pro տարբերակում՝ 120 Հց:
Վերլուծաբան Ռոս Յանգը հայտնում է, որ չիպի շարժիչն աջակցում է միայն 60-96 Հց, սակայն Apple-ը՝ ծրագրային ապահովման միջոցով, այդ հաճախականությունը կբարձրացնի 25%-ով՝ հասցնելով 120 Հց:
Թե ինչպես դա կաշխատի, կտեսնենք iPhone 12 Pro-ի վաճառքի մեկնարկից հետո` համեմատելով իրական՝ 120 Հց հաճախականություն ապահովող մրցակիցների հետ:
Iphone 12-ի մարտկոցը
iPhone 12 Pro-ի մարտկոցի աշխատանքի տևողությունը կլինի 2 ժամ 50 րոպեով ավելի, քան iPhone 11 Pro-ինը, և 3 ժամ 11 րոպե ավելի, քան iPhone 11-ինը:
Սա շատ լավ նորություն է , քանի որ վաճառքի մեկնարկի ժամանակ iOS 13-ով iPhone 11 Pro-ն աշխատել է 1,5 օր, սակայն iOS 14 թարմացմամբ՝ մարտկոցի կյանքը կտրուկ նվազեց` հասնելով 22 ժամի: Պարզ է, որ iOS 14 թեստային տարբերակը դեռ կշտկվվի:
Ինտերֆեյս, լրակազմ, լիցքավորում
Հին lightning ինտերֆեյսը կմնա նույնը, իսկ նորաձև Type-C-ն չի ինտեգրվի: Իսկ ահա սմարթֆոնի հետ ներառված մալուխը նման կլինի Apple-ի առաջարկած Mac Pro-ի մալուխին:
Մալուխին հաճելի է դիպչել և այն ավելի դիմացկուն է:
Ըստ iPhone 12 Pro-ի կոմպակտ էներգիայի ադապտերի նկարի, այն կլինի ոչ թե 18W, այլ 20W:
Անլար լիցքավորումը կլինի 20 վտ ավելի արագությամբ (iPhone 11-ի 7,5 վտ-ը շատ դանդաղ է): Տեսականորեն, կարելի կլինի լիցքավորել երրորդ կողմի այլ սարքավորումներ ևս, բայց փաստացի այս լիցքավորումը հարմար է միայն աքսեսուարները լիցքավորելու համար, քանի որ մյուս սմարթֆոնները լիցքավորելիս էներգիայի ծախսը հսկայական է:
5G
Նոր iPhone 12-ում ներառված կլինի 5G մոդեմ: Սա բավականին թանկ հաճույք է, հատկապես հաշվի առնելով, որ շատ երկրներում այս տեխնոլոգիան դեռ չի գործածվում:
iPhone-ում օգտագործվելիք 5G մոդեմի ինքնարժեքը կազմում է մինչև 85 դոլար: Բայց դա չպետք է ազդի iPhone 12-ի արժեքի վրա՝ հեռախոսի այլ բաղադրիչների ավելի էժան լինելու հաշվին:
Օրինակ՝ մարտկոցի գինը կնվազեցվի մինչև 40%՝ նոր տեխնոլոգիաների և մարտկոցի հզորության իջեցման հաշվին:
Արտադրողականությունը և գինը
Apple A14 պրոցեսորը (5 Նմ) ներառված է iPhone 12-ի ամբողջ շարքում:
• 4 ԳԲ օպերատիվ հիշողություն iPhone12-ի համար:
• 6 ԳԲ օպերատիվ հիշողություն iPhone 12 Pro-ի համար:
64 ԳԲ ներքին հիշողությամբ տարբերակը կվերանա շարքից, և 128 Գբ կդառնա մեկնարկային չափ, իսկ գինը կպահպանվի:
iPhone 12-ի արժեքը կսկվի 700 դոլարից: Վաճառքի մեկնարկը նախատեսված է 2020 թվականի հոկտեմբերին:
iPhone 11-ը կշարունակի մնալ վաճառքում և վերջինիս գինը կնվազի: Մեկնարկային գինը կլինի մոտ 549 դոլար:
iPhone 12 Pro-ի տեսախցիկի մոդուլներում կօգտագործվի երկակի օպտիկական կայունացում:
Իսկ ի՞նչ եք կարծում դուք՝ արժե գնել նոր iPhone 12: Իսկ գուցե նկատե՞լ եք IPhone 11-ի թերությունները և կցանկանայիք, որ Apple-ը դրանք շտկեր նոր iPhone 12-ում: Գրեք ձեր կարծիքը մեր ֆեյսբուքյան կամ ինստագրամյան էջի մեկնաբանություններում: