Ինչ նոր հնարավորություններ ունի iOS 14-ը

Ինչ նոր հնարավորություններ ունի iOS 14-ը

Apple-ը պաշտոնապես թողարկել է iOS 14-ի վերջնական տարբերակը: Թարմացումը հասանելի է iPhone SE-ի, iPhone 6s-ի և ավելի ուշ թողարկված iphone-ների համար, նաև iPod Touch-ի և iOS 13-ով աշխատող բոլոր սարքերի համար:

Թեև iOS 14-ը օգտվողներին հասանելի է դառնում աստիճանաբար, վստահ ենք, որ iphone-ից օգտվողներից շատերդ արդեն ներբեռնել եք այն, սակայն չգիտեք ինչ նոր հնարավորություններ է ընձեռում iOS 14-ը:

iOS 14-ում հիմնական էկրանին հայտնվել են Widget-ներ: Դրանք կարող են տեղադրվել էկրանի վրա ցանկացած տեղում և դուք կարող եք փոփոխել դրանց չափերը. որքան մեծ է Widget-ը, այնքան շատ տեղեկատվություն է այն պարունակում:

Սովորական էկրանների վերջում հայտվել է նաև App Library (հավելվածների գրադարան): Այստեղ ծրագրերն ավտոմատ բաժանվում են կատեգորիաների՝ սոցիալական ցանցեր, գնումներ, ճանապարհորդություն, ընթերցանություն և այլն:

Մեկ այլ կարևոր թարմացում է App Clips-ը. այն հնարավորություն է տալիս ծրագրի գործառույթներից արագ օգտվել՝ առանց App Store-ից ամբողջական տարբերակը ներբեռնելու: Clip-ը գործարկելու համար օգտագործողը պարզապես պետք է սկանավորի QR կոդը կամ NFC պիտակը և հետևի Safari-ի կամ iMessage-ի հղմանը:

IMessage-ում հայտնվել են հիշատակումներ, խմբային զրույցներում հատուկ հաղորդագրությունների պատասխանելու հնարավորություն, մինչև ինը զրույց կցելու հնարավորություն և այլն:

Siri-ն ունի նոր և ավելի կոմպակտ դիզայն:

Map-ում (քարտեզում) հայտնվել են հեծանվային ուղիներ, էլեկտրական մեքենաների երթուղիներ, քաղաքային ուղեցույցներ, մարդաշատ տարածքները և արագաչափ տեսախցիկները տեսնելու հնարավություններ:

Safari-ում ավելացել է ներդրված թարգմանիչ: