Բիզնես գաղափարներ զրոյից: Ինչպես սկսել

Յուրաքանչյուր մարդու կյանքում կա մի զբաղմունք կամ հոբբի, որի շուրջ կարելի է բիզնես հիմնել: Սովորաբար, լավ բիզնես գաղափարը երեք կարևոր գործոններից է կախված և հիմնված է սիրած զբաղմունքի վրա՝

• Զբաղմունք, որ քեզ հաճույք է պատճառում,
• Զբաղմունք, որից դու ընտիր գլուխ ես հանում,
• Զբաղմունք, որի մեջ դու պատրաստ ես ժամանակ և գումար ներդնել:

Կարող եք հենց ձեզ համար բիզնես գաղափար գտնել` գրավոր վարժության միջոցով: Այն կատարելու համար հարկավոր է վերցնել թերթիկ և բաժանել երեք սյուների:

Ցանկալի չէ դա անել Excel կամ Google Sheets ծրագրերի միջոցով: Չգրված օրենք կա, որ մենք՝ ձեռքով գրելիս ավելի լավ ենք շարադրում մեր մտքերը, ձեռագիր ցուցակներ կազմելիս էլ դա բավականին օգնում է: Ընդամենը 15-20 րոպե (բայց ոչ ավելին), կտրվեք ամեն ինչից՝ ցանկացած շեղող իրից ու մտքերից, և փորձեք ձեր ողջ ուշադրությունը կենտրոնացնել սյուները լրացնելու վրա:

Դե եկեք սկսենք լրացնել սյունակները՝

Առաջին սյունակ 

Նշեք 10 բան, որ դուք սիրում եք անել և դրանք իրենցից աշխատանք են ներկայացնում: նման աշխատանքի օրինակներ են նկարելը, գրելը, երգելը, կահույք հավաքելը, կայքեր մշակելը, ծերերին օգնելը և այլն: Տեսեք՝ որտեղից ու հասանք:

Երկրորդ սյունակ

Նշեք 10 միջոց, որոնք թույլ կտան ձեզ ցուցադրել և ներկայացնել ձեր աշխատանքը աշխարհին: Օրինակ՝ օնլայն դասընթացների, անհատական դասերի, առցանց խանութի, մանրածախ խանութի, գրքերի կամ տեսանյութերի շարքի և այլ միջոցով:

Երրորդ սյունակ

Վերանայեք առաջին երկու սյուները, իսկ երրորդ սյունակում գրեք 10 բիզնես գաղափար: Դա կարող է լինել նկարչության դաս, յուրօրինակ կահույքով օնլայն խանութ կամ ցանկացած այլ բան:

Առաջին անգամից հնարավոր է, դուք չգտնեք կատարյալ բիզնես գաղափար, և դա նորմալ է: Այս փուլը նման է գրքի կամ հոդվածի առաջին սևագիրը գրելուն. այն օգնում է հունի մեջ գցել գործընթացը:

Որտե՞ղ փնտրել բիզնես գաղափարներ

Հաղթահարեք այն, ինչ խանգարում է ձեզ:

• Գտեք ձեզ անհանգստացնող խնդրի լուծումը:

• Ընտրեք ամենօրյա հանձնարարություն ինքներդ ձեզ համար և  այնպիսի գործիք, որը կդարձնի գործն ավելի հեշտ, էժան կամ հաճելի:

Լուծեք խնդիր կոնկրետ լսարանի համար:

• Հավաքեք կոնկրետ թեմայի հետ առընչվող մարդկանց էլ.փոստի հասցեները և պարզեք, թե ինչն է առավել հուզում նրանց:

• Վերլուծեք թեմատիկ ֆորումները, որպեսզի պարզեք լսարանի ցավոտ կողմերն ու ցանկությունները:

Գտեք բիզնես գաղափարներ ձեր աշխատավայրում:

• Ուշադրություն դարձրեք այն ընկերության ներքին գործընթացներին, որտեղ դուք աշխատում եք (անձնակազմի կառավարում, ֆինանսներ և հաշվապահություն, մարքեթինգ, կառավարում, վաճառք և այլն): Մտածեք, օրինակ ի՞նչը կարող էր այլ կերպ՝ ավելի լավ լինել: Կարելի՞ է արդյոք նոր տեխնոլոգիաների շնորհիվ բարելավել գործընթացները:

• Ուսումնասիրեք ձեր գործընկերներին. ինչպե՞ս կարող են նրանք բարելավել իրենց պրոֆեսիոնալ գիտելիքները: Ինչպե՞ս կարելի է բարձրացնել աշխատողների՝ աշխատանքից բավարարված լինելու ցուցանիշը, որպեսզի ընկերությունը կարողանա պահպանել լավագույն աշխատողներին:

Պարզեք, թե ինչպես կարելի է բարելավել ձեր ընկերության հիմնական առաջարկները: Ինչպե՞ս կարող եք դրանք ավելի հարմար կամ էժան դարձնել:

• Պարզեք, թե ձեր ընկերության արտադրանքները ինչպես կարող են կիրառվել այլ արդյունաբերության մեջ և ինչպե՞ս կարող եք դրանք հասանելի դարձնել բոլորովին այլ շուկայի համար:

• Աճի հնարավորություններ փնտրեք: Մտածեք, թե ինչպե՞ս կարող եք բարելավել գործընթացները մատակարարների և հաճախորդների համար:

Ուսումնասիրեք նորամուծությունները:

• Ուսումնասիրեք սոցիալական ցանցերի տենդենցները  YouTube-ում: Եթե ​​կարողանաք արագ հարմարվել ընթացիկ տենդեցներին` առաջարկելով համապատասխան ապրանքներ կամ ծառայություններ, կարող եք ստեղծել հաջող բիզնես:

• Ուշադրություն դարձրեք տենդենցներին: Ընտրեք մի ոլորտ և մի քանի ամիս ընկղմվեք դրա մեջ՝ ուսումնասիրելով դրա մասին ամեն ինչ: Շարունակեք այնքան ժամանակ, քանի դեռ ինքներդ չեք կարող նկատել և կանխատեսել այդ ոլորտում հաջորդ միտումները:

Ուսումնասիրեք այն, ինչ ձեզ է դուր գալիս:

• Վերհիշեք ձեր նախորդ աշխատանքները և վերլուծեք, թե ինչն է ձեզ դուր եկել և ինչը՝ ոչ: Մտածեք այն մասին, թե որ բիզնեսը թույլ կտար ձեզ անել այն, ինչ սիրում եք, և վաստակել գումար: Օրինակ ՝ եթե ձեզ դուր է գալիս հաճախորդների հետ շփվելը, ինչու՞ չստեղծել մարզչական կամ խորհրդատվական ընկերություն:

• Ձեր բիզնես գաղափարների ցանկում ներառեք այն աշխատանքները, որ դուք սիրով կարող էիք անել անվճար: Մտածեք, թե ինչպես կարող եք ձեր սիրած զբաղմունքը վերածել բիզնեսի: Օրինակ, եթե հետաքրքրված եք առողջ ապրելակերպով և ազատ ժամանակ փնտրում եք բաղադրատոմսեր, նոր վարժություններ և կարդում եք առողջ ապրելակերպի վերաբերյալ վերջին տենդենցները, ապա ինչու՞ չսկսել բլոգ կամ մարզչական գործունեություն:

Զարգացրեք ձեր ուժեղ կողմերը:

• Վերհիշեք ձեր կատարած նախորդ աշխատանքները և վերլուծեք, թե իրականում ինչին է ձեզ մոտ լավ ստացվում: Մտածեք, թե որ բիզնեսում կարող եք օգտագործել ձեր հմտություններն ու ուժեղ կողմերը: Օրինակ, եթե ձեզ հաջողվել է հետաքրքիր բլոգեր գրել մարքեթինգի բաժնում աշխատելիս, ապա հեշտությամբ կարող եք դառնալ պահանջված՝ ազատ գրաֆիկով աշխատող հեղինակ:

• Հաշվի առեք, թե որ ոլորտներում կարող եք ունենալ ակնհայտ առավելություն՝ փորձի, հմտությունների կամ կապերի առումով: Ինչպե՞ս կարող եք օգտագործել ձեր առավելությունները բիզնեսը ստեղծելիս:

Գեներացրեք բոլոր գաղափարները:

• Մարզրեք ձեր ուղեղն այնպես, որ ոտքի վրա գաղափարներ հայտվեն ձեր ուղեղում: Դա համար ամեն օր գրի առեք 10 գաղափար մեկ թեմայի շուրջ: Պարտադիր չէ, որ դրանք կապված լինեն բիզնեսի հետ, կարևոր է, որ դրանք միայն մեկ թեմայի շուրջ լինեն: Սա կխթանի ձեր ստեղծագործական մտածողությունը: Օրինակ. մտածեք 10 միջոց՝ խոհանոցում պատրաստելու պրոցեսը հեշտացնելու համար, կամ 10 միջոց նիհարելու համար, կամ 10 միջոց գրքեր վաճառելու համար և այլ գաղափարներ՝ ընտրությունն ազատ է:

• Կարդացեք, կարդացեք և կրկին կարդացեք: Որքան շատ բան եք սովորում տարբեր բաների մասին յուրաքանչյուր հնարավոր ոլորտում, այնքան ավելի շատ մտքեր կունենաք: Ընդլայնեք ձեր մտահորիզոնները և ձեր բիզնես գաղափարները կդառնան ավելի բազմազան:

Ձեզ հայտնի բիզնես մոդելները կիրառեք այլ ոլորտում:

• Գտեք ձեզ հոգեհարազատ ոլորտ և վաճառեք ձեր արտադրանքը, ապրանքները Amazon-ում, eBay-ում, կամ անվճար ստեղծեք ձեր օնլայն խանութը Ubicross-ում և անվճար գովազդեք Ubimarket-ի միջոցով: