Կարդացին Համացանցն իսկզբանե ստեղծվել է ռազմական նպատակով՝ ինֆորմացիա փոխանակելու համար; սակայն 90-ականերին այն ամենօրյա հաղորդակցման միջոց դարձավ հսկայական թվով մարդկանց համար։
Առցանց խանութի գաղափարն առաջին անգամ ծագել է Ամերիկյան Amazon.com կայքի հիմնադիր Ջեֆ Բեզոսի մտքում:
Նա գնացքով գնում էր Սիեթլ և ճանապարհին մտածում այն մասին, թե համացանցն ինչպես է օր օրի ավելի պահանջված դառնում: Մարդիկ այն օգտագործում են շփման և աշխատանքի համար և օրվա մեծ մասը լինում «առցանց», ուստի, ըստ նրա շատ էֆեկտիվ կլիներ համացանցը նաև վաճառքներ իրականացնելու համար կիրառելը։
Հենց այսպես նա որոշեց համացանցի օգտատերերին հրավիրել առցանց խանութ՝ գնումներ կատարելու։
Այդ օրը հասնելով գրասենյակ Բեզոսը կազմեց ապրանքների ցանկ, որոնք ըստ նրա կարելի է առցանց վաճառել և որոնք չունեն փչանալու կամ առաքման խնդիր։ Արդյունքում, ստեղծվեց առաջին առցանց խանութը՝ Amazon.com-ը, որտեղ սկզբնական շրջանում հնարավոր էր գտնել գրքեր, աուդիո/վիդեո ժապավեններ և սկավառակներ:
Որոշ ժամանակ անց վաճառողները կանգնեցին առցանց վճարումների խնդրի առաջ, որի շնորհիվ էլ ստեղծվեց էլեկտրոնային վճարումների առաջին համակարգը` PayPal-ը։
Այսօր արդեն առցանց խանութներում կարելի է գտնել ոչ միայն գրքեր և սկավառակներ, այլև ցանկացած իր, որը նախկինում դժվար էր պատկերացնել, որ այդ տարբերակով հնարավոր է վաճառել։
Յուրքանչյուրը կարող է համացանցում պատվիրել ավիատոմս, սնունդ, կենցաղային տեխնիկա, հագուստ և այլն:
Գնումների ընտրությունը հեշտացնելու համար ստեղծվում են հատուկ որոնման համակարգեր, ինչպիսին է օրինակ Ubimarket-ը, որոնք ձեր փոխարեն գտնում են ցանկացած իր և դուք կարողանում եք առանց տանից դուրս գալու ծանոթանալ խանութների տեսականիներին։ Սա առցանց առևտրի շարունակական զարգացման արդյունքն է, որը հետագայում էլ ավելի կկատարելագործվի:
Այս պահին առցանց գնումները դարձել են մեր կյանքի անբաժան մասնիկը և աշխարհի բնակչության շուրջ 29%-ը նախընտրում է գնումները կատարել համացանցում։
Այս ամենն արվել է մեր ժամանակը խնայելու և կյանքը ավելի հարմարավետ դարձնելու համար, ուստի եկեք համացանցն օգտագործենք միայն հօգուտ մեզ, սակայն երբեք չդառնանք նրա գերին։