Կարդացին Շատերին է հետաքրքրում, թե ինչով են տարբերվում իրարից AirPods 2-ը և AirPods Pro-ն: Ճիշտ ընտրություն կատարելու համար, եկեք համեմատենք AirPods 2-ը և AirPods Pro-ն՝ առանց մոռանալու գինը, որը կարևոր դեր է խաղում: Շատերի համար 249 դոլարը չափազանց թանկ է ականջակալի համար, իսկ Pro տարբերակը հենց այդքան արժե apple.com կայքում՝ այս հոդվածի հրապարակման պահին:
Ինչ վերաբերում է երկրորդ սերնդի AirPods 2-ին՝ Apple.com կայքում այն այժմ վաճառվում է 159 դոլար՝ սովորական պատյանով, և 199 դոլար՝ անլար լիցքավորմամբ պատյանով:
Ո՞ր ականջակալներն են ավելի հարմար ականջներին
Նոր AirPods Pro-ն ունի ականջի բարձիկներ (հավաքածուի մեջ ներառված են S, M և L չափերը), որոնք գնորդները պահանջում էին դեռևս առաջին սերնդի անլար ականջակալների հայտնվելուն պես՝ 2016 թվականին: Անլար ականջակալները նախկինում նույնպես գեղեցիկ էին, իսկ հիմա նաև առավել որակյալ հնչողություն ունեն:
Նոր AirPods Pro-ն ունի հատուկ գլխիկներ (ականջի բարձիկներ), որոնք ավելի լավ են պահում ականջակալներն ականջներում և բարելավում են ձայնի որակը:
AirPods 2-ը չի ծածկում ականջն ամբողջությամբ. սա օգտակար է, երբ պետք է լսել նաև շրջակա ձայները: Սակայն դրա պատճառով ընկնում է ձայնի որակը: Արտաքին աղմուկը խանգարում է ականջակալների ձայնի լավ լսվելուն, իսկ մեր ուղեղը չի կարող միանգամից լսել ամեն ինչ:
Նորացված դիզայնով հնարավոր է դարձել ձայնամեկուսացումը: AirPods Pro-ն ունի ակտիվ աղմուկի չեղարկում, ինչը չկար նախորդ Apple անլար ականջակալների դեպքում: Սա մեծ առաջընթաց է լսողության պաշտպանության համար: Ինչպե՞ս:
Օրինակ՝ ձայնը լսելու համար հարկավոր չէ բարձրացնել ձեր ականջակալների ձայնը: Եթե ոչինչ չի խանգարում լսելուն, ձայնը բարձրացնելու իմաստ չկա: Առանց ձայնամեկուսացման հնարավորության, ձայնը բարձրացնելու անհրաժեշտության հավանականությունը մեծանում է: Ձայնի բարձրացումը մինչև 85 դԲ և ավելի, կարող է ժամանակի ընթացքում վնասել ձեր լսողությունը:
Ներկայացված նկարներում կարող եք տեսնել ականջակալների չափսերն ու քաշը:
Ո՞րն է լավ ֆիզիկական ակտիվության պարագայում
Նոր ականջակալներն ավելի դիմացկուն են, քան նախորդները և ստացել են IPX4 պաշտպանության սերտիֆիկատ (դա նշանակում է՝ պաշտպանություն բոլոր կողմերից ջուր ցողելու դեպքում):
AirPods Pro-ն ունի IPX4 սերտիֆիկատ և կարող է դիմակայել քրտինքին՝ ինտենսիվ մարզումների ժամանակ:
Մարզասրահի շատ այցելուներ օգտագործում են հին AirPods, և եթե քրտինքը կարճ միացում առաջացնի, նրանց բախտը չի բերի:
Սա չի վերաբերում Pro տարբերակին: Ականջի բարձիկները թույլ են տալիս, որ ականջակալներն ավելի լավ մնան ձեր ականջներում վարժությունների ընթացքում, մինչդեռ հին ականջակալներն ավելի հաճախ են ընկնում ականջներից:
Ականջակալների կառավարումը
Երկու ականջակալներն էլ ունեն կառավարման էլեմենտներ, բայց դրանք մի փոքր այլ կերպ են աշխատում: Ավելի հին AirPod-երն ունեն հպմամբ կառավարում, երբ պետք է դիպչել ականջակալի կորպուսի արտաքին մասին:
AirPods Pro-ն ունի խոռոչներ բռնակների վրա և սենսորներ, որոնք տարբերակում են կարճ և երկար սեղմումները:
AirPods-ի որ մոդելն էլ ընտրեք, ֆունկցիոնալությունը կարող եք կարգավորել iPhone-ի Bluetooth բաժնում` սեղմելով «i» պատկերակին՝ ձեր ուզած սարքի կողքին:
AirPods-ի երկու մոդելներն էլ ավտոմատ ճանաչում են, թե որ ականջի մեջ է ականջակալներից մեկը բացակայում: Այնուհետև ձայնը դադարում է: Եթե ականջակալը կրկին հետ դնեք, ձայնը նորից կսկսի հնչել: Այս հնարավորությունը կարող եք անջատել IOS-ի կարգավորումներում:
Այս գործառույթները չեն աշխատում, երբ AirPods-ն օգտագործում եք Android-ով:
Անլար լիցքավորման պատյան
Նախորդ սերնդի AirPod-երը հասանելի են երկու կոպլեկտով. ականջակալներ սովորական պատյանով և անլար լիցքավորման պատյանով՝ Qi աջակցությամբ:
AirPods 1-ի և 2-ի անլար լիցքավորման պատյանը կարելի է ձեռք բերել նաև առանձին:
Նոր Apple AirPods Pro ականջակալները վաճառվում են հենց անլար պատյանով, որը հնարավոր է լիցքավորել մետաղալարով: Ոմանց համար դա նշանակություն չունի, քանի որ նրանք անլար լիցքավորման կարիք չունեն, բայց շատերը չեն հրաժարվի այս հնարավորությունից:
Խոսափողի որակը
AirPods 2-ի խոսափողն ունի գերազանց որակ՝ այս առումով գերազանցելով իր մրցակիցների մեծ մասին: Սակայն Pro-ի դեպքում ձայնային փոխանցումը ցույց է տալիս մի փոքր ավելի չեզոք հաճախականություն, ինչը հատկապես լավ է նրանց համար, ովքեր ունեն ցածր ձայնային տեմբր:
Խոսքի հայտնաբերման արագացուցիչը աշխատում է միկրոֆոնների հետ համատեղ՝ ֆոնային աղմուկը չեզոքացնելու և գծի մյուս կողմում՝ զրուցակցի հետ ավելի լավ հաղորդակցություն ապահովելու համար:
AirPods-ը լավ է փոխանցում մարդու ձայնի տեմբրը`այս առումով գերազանցելով Samsung Galaxy Buds-ին:
Apple AirPods Pro-ն ունի բավականին չեզոք հաճախականություն, որի արդյունքում զանգի ընթացքում ձեր ձայնը կլինի մեկ բարձրության վրա:
Երկու անլար ականջակալների խոսափողերն էլ գերազանց են, և այնուամենայնիվ AirPods Pro-ն աննշան առավելություն ունի՝ ձայնի որակի առումով:
Կապի որակն ու աջակցությունը Bluetooth կոդեկներին
Այժմ եկեք ուսումնասիրենք Bluetooth կոդեկների աջակցությանը: Քանի որ երկուսն էլ Apple–ի արտադրանք են, երկուսն էլ աջակցում են բարձրորակ AAC կոդեկը և ունեն ինտեգրված H1 չիպ: Վերջինս ապահովում է ձայնային հասանելիություն Siri օգնականին, հեշտ ավտոմատ միացում և iOS սարքերի հետ օգտագործում, էներգիայի քիչ սպառում:
Երկու ականջակալներն էլ Bluetooth 5.0-ի միջոցով միանում են iOS սարքերին՝ օգտագործելով H1 չիպը:
H1 չիպի առավելությունները տրվում են միայն iOS շարժական սարքերի տերերին: Եթե դուք ունեք Android, Bluetooth 5.0-ի առավելությունները բացակայում են:
Android–ը դեռևս չի գտել AAC հոսքերը սարքերի միջև կարգավորելու միջոց: Սա նշանակում է, որ Android սարքերի տերերը միագամայն բավարարված կլինեն SBC կոդեկով:
AirPods Pro-ի կապը iPhone-ի կամ MacBook Pro-ի հետ ոչնչով չի տարբերվում նախորդ տարբերակներից՝ H1 չիպի շնորհիվ:
Apple էկոհամակարգի մեջ կապի կայունությունը ամենաբարձրն է:
Ահա այն հեռախոսները, որոնց համապատասխանում է AirPods Pro-ն՝ iPhone SE, 6s, 7, 8, X, Xr, Xs, 11 (ներառյալ դրանց Plus, Max և Pro տարբերակները): Այն նաև ունի աջակցություն iPad-ի բոլոր մոդելների հետ`մինի 4-ից մինչև 7-րդ սերնդի iPod touch:
AirPods 2-ը նաև կարող է հպարտանալ iPhone 5s-ի և 6-ի, և iPad-ի բոլոր մոդելների աջակցության համար (մինի 2-ից և 6-րդ սերունդ):
Աշխատանքի ժամանակն`առանց վերալիցքավորման
Ականջակալների յուրաքանչյուր զույգ փորձարկվել է 75 դբ բարձրությամբ`iOS սարքերով: AirPods 2-ի աշխատանքի տևողությունը 4,1 ժամ է, մինչդեռ AirPods Pro-ինը՝ 5,1 ժամ`ձայնամեկուսացմամբ: Երկու դեպքում էլ կիրառվել է AAC կոդեկսը:
Pro-ն կարողացավ գերազանցել նույնիսկ մրցակցին՝ Sony WF-1000XM3-ին, որը նույնպես աղմուկի չեզոքացում ունի:
Apple-ի անլար ականջակալների որ զույգն էլ ընտրեք, լիցքավորման պատյանը ձեզ հնարավորություն է տալիս 24 ժամ նվագարկելու հնարավորություն և վերալիցքավորվում է Lightning մալուխի միջոցով.
• Երկրորդ սերունդը 15 րոպե լիցքավորվելուց հետո ի վիճակի է աշխատել 3 ժամ:
• Նոր AirPods Pro-ն աշխատում է 1 ժամ 5 րոպե լիցքավորվելուց հետո:
Այդպես է ասվում Apple-ի պաշտոնական կայքում, չնայած դրանց արդյունքը նույնն է:
Ձայնի որակը
Apple ականջակալների երկու մոդելների զգալի տարբերությունները դիտարկելուց հետո անցնենք ձայնի որակին: Չնայած AirPods 2-ի գնի անկումը նրանց ավելի գրավիչ է դարձնում, երկու մոդելներն էլ դեռ թանկ են: Եթե ավելի շատ եք վճարում, ապա ցանկանում եք ավելի բարձրորակ ձայն:
AirPods 2-ը պահանջում է բասի ուժեղացում՝ ականջի մեջ հերմետիկության բացակայության պատճառով:
AirPods Pro-ն բարձրացնում է բարձր հաճախականություններից մի քանիսը 1100 Հց-ից բարձր, իսկ աուդիո-սպեկտրի ստորին մասը մոտ է 0 դբ-ին՝ չհաշված 50 Հց-ից ցածր դիապազոնները:
AirPods Pro-ն ունի ավելի չեզոք բաս, ինչն ավելի հարմար է դարձնում կրելը: Ականջակալները լավ են մեկուսացնում ականջի խեցին և արգելափակում են կողմնակի հնչյունների ներթափանցումը:
AirPods 2-ն առաջարկում է ավելի բարձր բաս: Սակայն երբ դուք գտնվում եք մետրոյում կամ այլ աղմկոտ վայրերում, բասը խեղդվում է արտաքին բարձր աղմուկի պատճառով, ինչը դժվարացնում է երաժշտությունը լսելը:
Apple AirPods Pro-ն անհամեմատ գերազանցում է AirPods 2-ին՝ ձայնի որակի և աղմուկի չեզոքացման հարցում:
AirPods Pro-ի 1100 Հց-ից բարձր հաճախականությունները երկու անգամ ավելի բարձր են հնչում, քան AirPods-ինը: Դա ավելի է հեշտացնում ներդաշնակ ռեզոնանսները լսելը, որոնք մեր ուղեղն ընկալում է որպես ավելի մանրամասն հնչողություն: Սա բնօրինակ աուդիո ֆայլի ճշգրիտ ներկայացում չէ, բայց սա այն ձայնն է, որին սովոր են օգտվողները:
Աղմուկի նվազեցում և մեկուսացում
Առաջին երկու սերունդների AirPods-երը չէին կարող պարծենալ աղմուկի լավ չեզոքացմամբ, քանի որ դրանք լավ չեն փակել ականջի խեցին: Նոր AirPods Pro-ն այս առումով զգալիորեն ավելի լավն է: Այն արդյունավետորեն վերացնում է կողմնակի ցածր հաճախականության և բարձր հաճախականության աղմուկը, որպեսզի ոչինչ չխանգարի ականջակալներից ձայնը լսելուն:
AirPods 2-ը պահանջում է բասի ուժեղացում ականջի խեցիում հերմետիկության բացակայության պատճառով:
Նոր Airpods Pro-ն ունի լսելու երեք ռեժիմ.
1. Աղմուկի չեղարկումը միացված է:
2. Անջատված է:
3. Թափանցիկության ռեժիմը միացված է - ակտիվանում է ականջակալների սենսորը սեղմելով: Այս դեպքում արտաքին աղմուկը լսելի է, որպեսզի դուք կարողանաք մասնակցել զրույցի կամ վերահսկել ձեր շրջապատը: Նման ռեժիմով են աշխատում սովորական AirPod-երը:
AirPods Pro-ի սիլիկոնե գլխիկներն անվտանգ են դարձնում օգտագործումն ու թույլ չեն տալիս, որ ականջակալները սահեն:
Հետևություն
Ինչպես տեսնում եք, Apple AirPods Pro-ն առանց որևէ խնդրի հաղթում է այս մրցույթում: Եթե iPhone ունեք, ավելի լավ է ձեռք բերել AirPods Pro-ն, նույնիսկ եթե այն ավելի թանկ է: Այս ականջակալները ապահովում են հիանալի որակ և հարմարավետություն: Անգամ Android-ի հետ օգտագործելիս է այն հարմար, չնայած այս դեպքում ավելի լավ է մեկ այլ՝ առավել մատչելի տարբերակ վերցնել: