Կարդացին Սոցիալական մեդիա հարթակներն օգնում են ստեղծել կապ լսարանի և ապրանքանիշի միջև, ներշնչել վստահություն և առաջացնել հետաքրքրություն: Եվ կոնտենտի միջոցով հնարավոր է հասնել ավելի մեծ արդյունքի, քան պարզապես գովազդի միջոցով: Սակայն եթե վերջին շրջանում նվազել են ձեր էջի դիտումներն ու լայքերի քանակը, ուրեմն խնդիրեր կան էջի ներգրավվածության ու օրգանական հասանելիության հետ կապված:
Ուրեմն ինչպե՞ս բարձրացնել ներգրավվածությունն ու ,դրա հետ մեկտեղ, օրգանական հասանելիությունը:
1. Անձնավորեք ձեր բրենդը. պատկերացրեք, որ ձեր բրենդը մարդ է
Ստեղծեք անհատականություն, ոճ ու լեզու, որով շփվում եք լսարանի հետ: Շփման ոճը պետք է համապասխան լինի բրենդին, և դուք պետք է պատասխանեք մեկնաբանություններին ու նամակներին նույն ոճով, որով կատարում եք հրապարակումներ:
Ահա ասվածի վառ օրինակներից մեկը` ամերիկյան արագ սննդի ցանց Wendy’s-ի էջից.
2. Ստեղծեք ռազմավարություն և բովանդակության ծրագիր (նույն ինքը՝ կոնտենտ պլան)
Բացի բրենդի «լեզու» մշակելուց, դուք պետք է հստակ հասկանաք, թե ինչ նպատակներ են դրված ձեր առաջ և ինչ գործողություններ պետք է կատարել դրանք իրագործելու համար:
3. Ստեղծեք երկխոսություն
Հասանելիությունը բարձրացնելու համար անհրաժեշտ են մեկնաբանություններ: Թեթև և ոչ բացահայտ ձևով «դրդեք» ձեր հետևորդներին մեկնաբանություններ թողնել. տեղադրեք հրապարակում, որի տակ կծավալվեն քննարկումներ, հարցրեք հետևորդներից խորհուրդներ կամ խնդրեք գրել կարծիքներ:
4. Արագ և ակտիվ արձագանքեք մեկնաբանություններին
Հարց տվեցիք ու ստացաք պատասխան՝ անմիջապես շարունակեք երկխոսությունը, կամ պարզապես շնորհակալություն հայտնեք մեկնաբանությոն համար: Եթե հետևորդները տեսնեն, որ իրենց մեկնաբանությունները հենց այնպես չեն, նրանք ավելի կոգևորվեն և ավելի հաճախ կսկսեն թողնել մեկնաբանություններ:
5. Օգտագործեք ճիշտ նկարներ
Մշակեք հրապարակումների համար հատուկ դիզայն, որպեսզի դրանք տարբերվեն և ճանաչելի լինել հազարավոր այլ էջերի հրապարակումների շարքերում:
6. Ընկերացեք հետևորդների հետ և հիշեք ամենակտիվներին
Նրանք, ովքեր առավել հաճախ են արձագանքում ձեր հրապարակումներին, ձեր լավագույն ընկերներն են: Պահեք շփումը նման հետևորդների հետ առցանց: Անհատական շփումը կախվածություն է առաջացնում ապրանքի և ապրանքանիշի նկատմամբ: Բացի այդ, նվիրված հետևորդներն ու հաճախորդները UGC-ի (user-generated content) հիանալի աղբյուր են: Կենդանի, իրական լուսանկարները, տեսանյութերն ու արձագանքներն այն են, ինչ հաճախորդները կարող են ձեզ տալ, և դուք կարող եք ներառել դրանք ձեր կոնտենտ ծրագրում:
7. Տեղադրեք վստահելի և արդիական բովանդակություն
Հրապարակեք արդիական նորություններ, կատարեք ուղիղ հեռարձակումներ, հետևեք թրենդային մեմերին, սկանդալներին, որոնք կարող եք խաղարկել ձեր հրապարակումներում:
8. Հստակ արտահայտեք ձեր կոչը՝ որևէ գործողություն անելու հետ կապված
Եթե հրապարակման նպատակն է մարդկանց ուղղորդել առցանց խանութ, որտեղ հայտնվել են նոր իրեր, ուղղակիորեն ասեք դա: Ի դեպ, Ubimarket-ում առկա են նոր խանութներ՝ իրենց տեսականիով հարդերձ: Անցեք հղումով և ծանոթացեք խանութներին և ապրանքատեսականուն: Իսկ եթե խանութ ունեք, գրանցեք այն մեր համակարգում:
9. Հրապարակումներ կատարեք ոչ թե ձեզ համար, այլ՝ մարդկանց:
Հիշեք, որ ձեր էջի կոնտենտը նախատեսված է հետևորդների համար: Հետաքրքրեք նրանց, պատմեք հետաքրքիր պատմություններ, ցույց տվեք ձեր ապրանքների յուրահատուկ հատկանիշները: Զվարճացրեք, ստիպելով վերադառնալ ձեր էջ և սպասել նոր հրապարակման, հետևաբար՝ նոր ապրանքի:
10. Նոր էքսպերիմենտներ կատարեք
Վերոնշյալ կետերից յուրաքանչյուրի մեջ մի նոր բան ավելացրեք ձեր կողմից, փորձեր արեք, ռիսկի դիմեք: Կիրառեք նոր գործիքներ և ստանդարտից դուրս ձևաչափեր:
Եվ մի մոռացեք Like սեղմել, քանի որ ձեր կարծիքը մեզ համար կարևոր է: