Կարդացին Հայտնի Forbes ամսագրի՝ միլիարդատերերի առաջին տասնյակում ընգրկված մարդիկ խորհուրդ են տալիս չվախենալ ռիսկի դիմելիս, ունենալ տարբերվող մտքեր և վազել ոչ թե փողի, այլ երազանքների հետևից:
1. Խուսափեք ծուղակից, որ կոչվում է «ինչպես է պետք»
Ջեֆ Բեզոս
Amazon-ի հիմնադիր, No.1 Forbes-ի ցանկում: Ունեցվածքը 122 միլիարդ դոլար:
Բեզոսը պլանավորել էր Amazon-ի միջոցով վաճառել ինտերնետի գրեթե բոլոր գրքերը: Սակայն ոչ մի փորձագետ, որի հետ խորհրդակցեց գործարարը, չհամարեց այդ գաղափարն իրատեսական: Նրանց մեծ մասը խորհուրդ տվեց Amazon-ի ապագա հիմնադրին կենտրոնանալ հայտնի ժանրերի և հրապարակումների վրա:
Յուրաքանչյուր ողջամիտ մարդ, ում մենք դիմում էինք, ասում էր չանել դա: Մենք լավ խորհուրդ ստացանք, անտեսեցինք դա, և դա սխալ էր: Բայց պարզվեց որ այս սխալը լավագույն բաներից մեկն էր մեր ընկերության համար:
Ջեֆ Բեզոս
Իր բազմազանության շնորհիվ Amazon-ի կայքը հենց սկզբից հայտնի դարձավ օգտվողների շրջանում, և դրա մասին ինֆորմացիան սկսեց տարածվել բերնեբերան: Հավանաբար, եթե թիմը մեկնարկեր ավելի ստանդարտ նախագիծ, դա այդպիսի համբավ ձեռք չէր բերի:
Փորձագետ դառնալուց հետո դուք վտանգված եք տեղեկատվական դոգմաների մեջ ընկնել: Դուք սկսում եք միանգամայն ճիշտ իմանալ, թե «ինչպես է պետք» և արդյունքում կորցնում եք հնարավորությունը պարզելու, թե «ինչպես կարող էր լինել»:
Ջեֆ Բեզոս
2.Շրջապատեք ձեզ մարդկանցով, ովքեր ձգում են ձեզ վեր
Բիլ Գեյթս
Microsoft-ի հիմնադիր: No.2 Forbes-ի ցանկում: Ունեցվածքը 90 միլիարդ դոլար:
2017-ին գործարարը մի քանի խորհուրդներ տվեց դպրոցների շրջանավարտներին և մատնանշեց շրջապատի կարևորությունը:
Մարդն իր բնույթով շարժվում է նույն ուղղությամբ, ինչ իր մտերիմ մարդիկ: Եթե ձեր ընկերները սովոր են քչով գոհանալ, զարմանալի չէ, որ ձեր մեջ էլ կրակը ժամանակի ընթացքում մարել է, և հակառակը՝ շրջապատի հաջողակ մարդիկ ստիպում են ձեզ հավատալ, որ կարող եք ավելին:
Շրջապատեք ձեզ մարդկանցով, ովքեր ձեզ մարտահրավեր են նետում, սովորեցնում են և մոտիվացնում են ձեզ լինել լավագույնը:
Բիլ Գեյթս
Միլիարդատեր Բիլլ Գեյթսն իր կնոջը համարում է հենց այդպիսին: Մելինդա Գեյթսը ձեռներեց է և բարերար: Նա ամուսնացած է Microsoft-ի հիմնադրի հետ 1994 թվականից:
3. Ներդրումներ կատարեք ինքներդ ձեզ վրա
Ուորեն Բաֆեթ
Ներդրող: № 3-ը Forbes-ի ցանկում: Ունեցվածքը 84 միլիարդ դոլար:
Գործարարն առաջարկում է կարիերան դիտարկել որպես բիզնես և ինքդ քեզ՝ որպես հիմնական ապրանք: Իմաստ չունի արտադրել այնպիսի ապրանք, որ դուր չի գալիս սպառողներին: Դուք չեք «վաճառվի» և չեք ստանա ձեր երազանքի աշխատանքը, եթե ներդրում չանեք ձեր սեփական աճի մեջ:
Լավագույն ներդրումը, որ կարող եք կատարել ներդրումն է ձեր ունակությունների մեջ: Այն ամենն, ինչ անում եք ձեր սեփական հմտությունները կամ բիզնեսը զարգացնելու համար, ամենայն հավանականությամբ, արդյունավետ կլինի:
Ուորեն Բաֆեթ
4. Հիշեք, որ փողը նպատակ չէ, այլ հաջողության հետևանք
Բեռնար Առնո
Louis Vuitton Moët Hennessy ընկերությունների խմբի նախագահ: №4 Forbes-ի ցանկում: Ունեցվածքը 72 միլիարդ դոլար:
Ֆինանսների ոլորտում երկարաժամկետ պլանավորումը մեծ նշանակություն ունի: Դուք կարող եք վազել մեծ հեշտ շահույթի հետևից, ստանալ դա և, ի վերջո, բիզնեսը կփլուզվի: Առնոն խորհուրդ է տալիս ավելի լայն մտածել և պատկերացնել, թե ինչ է սպասվում բրենդին հինգ կամ տաս տարի հետո, այլ ոչ միայն հաշվել առաջիկա վեց ամիսների եկամուտը:
Նրա կարծիքով՝ հաջողության բանալին ժամանակային սահմաններ չունեցող ինչ-որ բան ստեղծելն ու անընդհատ դրան գերժամանակակից մի բան ավելացնել է:
Փողը պարզապես հետևանք է: Ես միշտ իմ թիմին ասում եմ դա. Մի անհանգստացեք եկամտի համար: Եթե ձեր գործը լավ եք կատարում, շահույթը կգա:
Բեռնար Առնո
5. Մի վախեցեք ռիսկի դիմելուց
Մարկ Ցուկերբերգ
Facebook-ի հիմնադիր: № 5 Forbes-ի ցանկում: Ունեցվածքը 71 միլիարդ դոլար:
Հարցազրույցներից մեկում հանրաճանաչ սոցիալական ցանցի հիմնադիրն ասել է, որ կասկածները խանգարում են շարժվել դեպի հաջողություն: Facebook-ի հանրաճանաչության հասնելու ուղին ավելի երկար տևեց այն մտավախության պատճառով, որ գուցե Google-ը նման արտադրանք կստեղծի, և նախագիծը կձախողվի:
Ամենամեծ ռիսկը ռիսկերի չգնալն է: Աշխարհում, որտեղ ամեն ինչ շատ արագ է փոխվում, միակ ռազմավարությունը, որի ձախողումը երաշխավորված է, ռիսկի չդիմելն է:
Մարկ Ցուկերբերգը
6. Մի հավատացեք անվերապահ հաջողությանը
Ամասիո Օրտեգա
Zara-ի և Inditex-ի հիմնադիր: №6 Forbes-ի ցանկում: Ունեցվածքը 70 միլիարդ դոլար:
Օրտեգայի պատմությունը վառ օրինակ է այն մասին, թե ինչպես կարելի է դուրս գալ աղքատությունից և դառնալ աշխարհի ամենահարուստ մարդկանցից մեկը: 13 տարեկանում նա դուրս եկավ դպրոցից գումար չունենալու պատճառով և ստիպված եղավ աշխատել: Սկսելով աշխատել վերնաշապիկների խանութում, հետագայում Օրտեգան կարողացավ ստեղծել Inditex կայսրությունը:
Անգամ 82 տարեկան հասակում Օրտեգան գրեթե ամեն օր գնում է գրասենյակ, շփվում աշխատակիցների հետ և լսում նրանց գաղափարները: Իսկ բիզնեսն ամբողջությամբ կենտրոնացած է հաճախորդների ցանկությունների վրա:
Ամենավատ բանը, որ կարող ես անել, ինքնավստալ դառնալն է: Հաջողությունը երբեք երաշխավորված չէ: Ես երբեք ինքս ինձ թույլ չեմ տա գոհանալ իմ արածով, և միշտ փորձել եմ ներշնչել դա իմ շրջապատի բոլոր մարդկանց:
Ամասիո Օրտեգա
7. Մի վախեցեք մրցակցությունից, ուսումնասիրեք հակառակորդներին
Կառլոս Սլիմ Էլու
Ներդրող: № 7 Forbes-ի ցանկում: Ունեցվածքը 67,1 միլիարդ դոլար:
Գործարարն իր առաջին միլիոնը վաստակել է 17 տարեկանում: Նա սկսել է ներդրումներ կատարել 10 տարեկան հասակում` հոր օգնությամբ: Նա ինքն է բազմիցս ընդունել, որ մինչև հիմա առաջնորդվում է հոր խորհուրդներով:
Ըստ նրա՝ «մրցակցությունը ձեզ ավելի լավն է դարձնում միշտ, նույնիսկ եթե մրցակիցը հաղթում է»: Նա խորհուրդ է տալիս մրցել ամենաբարձր մակարդակով՝ հասկանալու համար, թե որքան լավն եք դուք:
Մտածեք մարզիկի մասին: Նա կարող է շատ լավը լինել իր տանը, բայց ոչ այնքան, որքան իր հարևանները: Դա հասկանալու համար հարկավոր է տնից դուրս գալ:
Կառլոս Սլիմ Էլու
8. Գնահատեք սխալները
Չարլզ Կոչ
Koch Industries-ի համասեփականատեր: Ֆորբսի ցանկի 8-րդ հորիզոնականը կիսում է եղբոր հետ: Ունեցվածքը 60 միլիարդ դոլար է:
Ըստ Չարլզ Կոչի՝ նորամուծությունների մեծ մասն ի հայտ է գալիս փորձություններից և սխալներից հետո: Ավելին, վերջիններս նույնպես իմաստ ունեն, նույնիսկ եթե վնասում են գործին: Դուք պարզապես ոչ մի նոր բան չեք փորձի, եթե խուսափում եք ձախողումներից:
Եթե կարծում եք, որ փորձարկում եք և երբեք ձախողումներ չեք ունենում, իրականում չեք փորձարկում:
Չարլզ Քոչ
9. Հիշեք, որ չեք կարող վերահսկել ամեն ինչ
Դևիդ Քոչ
Koch Industries-ի համասեփականատեր: Ֆորբսի ցանկի 8-րդ հորիզոնականը կիսում է եղբոր հետ: Ունեցվածքը 60 միլիարդ դոլար է:
1992-ին Դևիդ Քոչի մոտ ախտորոշվել է քաղցկեղ: Չնայած բուժմանը, հիվանդությունը կրկնվում էր: Տարիներ շարունակ ձեռնարկատերը հովանավորում էր քաղցկեղի դեմ պայքարին ուղղված հետազոտությունները:
Գիտեք, երբ դիմակայում եք քաղցկեղին, մնացած ամեն ինչ թվում է հեշտ ճակատամարտ:
Դևիդ Քոչ
10. Մի շփոթեք այլ մարդկանց սպասելիքները ձեր սպասելիքների հետ
Լարի Էլիսոն
Oracle կորպորացիայի ղեկավար: №10 Forbes-ի ցանկում: Ունեցվածքը 58,5 միլիարդ դոլար:
Ապագա միլիարդատերը մտադիր էր բժիշկ դառնալ: Նրա ընտանիքը, ուսուցիչներն ու ընկերուհին ցանկանում էին, որ Լարի Էլիսոնը ստանա այս մասնագիտությունը, բայց նա թողեց կրթությունը: Ավելի ուշ, երբ տղամարդը սկսեց ծրագրավորմամբ զբաղվել, նրա կինը լքեց նրան՝ վկայակոչելով այն փաստը, որ նա ամբիցիաներ չունի: Եվ ամուսնալուծությունը դարձավ շրջադարձային:
Հերթական անգամ ես չկարողացա արթարացնել ուրիշների սպասելիքները: Բայց այս անգամ ես ինքս հիասթափված չէի, որ չէի կարողացել դառնալ այնպիսին, ինչպիսին ինձ համարում էին նրանք: Նրանց երազանքներն ու իմ երազանքները տարբեր էին: Ես այլևս չեմ շփոթի դրանք իրար հետ:
Լարի Էլիսոն