Կարդացին «Ջոկեր» ֆիլմը, որում ներկայացվում է հայտնի չարագործի հայտվելու պատմության մի նոր վարկած, առաջատար է դարձել՝ Ամերիկյան Կինոակադեմիայի Օսկար 2020 մրցանակաբաշխության ամենաշատ անվանակարգերում առաջադրված լինելու քանակով: Ռեժիսոր Թոդ Ֆիլիպսի ֆիլմը հավակնում է հաղթել 11 անվանակարգերում, այդ թվում գլխավոր դերասան անվանակարգում՝ Հոակին Ֆենիքսի համար:
Հայտնի է դարձել նաև, որ հոլիվուդյան լեգենդար կոմպոզիտոր Ջոն Ուիլյամսը, ով առաջադրվել է Օսկարի «Աստղային պատերազմներ 9» ֆիլմի երաժշտության համար, նույնպես նոր` Օսկարի ռեկորդ է սահմանել. այժմ վարպետն առաջադրված է 52 անվանակարգում:
«Լավագույն ֆիլմ» անվանակարգում Օսկար 2020-ին առաջադրված են հետևյալ ֆիլմերը՝ «1917», «Ջոկեր», «Իռլանդացին», «Ամուսնական պատմություն», «Ջոջո նապաստակը», «Փոքրիկ կանայք», «Մի անգամ Հոլիվուդում», «Մակաբույծները» ֆիլմերը:
«Լավագույն ռեժիսորի» տիտղոսին հավակնում են Մարտին Սկորսեզեն («Իռլանդացին»), Քվենտին Տարանտինոն («Մի անգամ Հոլիվուդում»), Թոդ Ֆիլիպսը («Ջոկեր»), Սեմ Մենդեսը («1917») և Պոն Չժուն-հոն («Մակաբույծները»):
Հաղթողների անունները հայտնի կդառնան 2020 թվականի փետրվարի 9-ին Լոս Անջելեսում կայանալիք Օսկար 2020 մրցանակաբշխության ժամանակ:
«Ջոկերը» ռեկորդներ է սահմանում պրեմիերայի օրվանից
Դեռ ֆիլմի պրեմիերայից առաջ էր կանխատեսվում, որ ֆիլմը մեծ բյուդջե է հավաքելու, և այդպես էլ եղավ: Ընդամենը մեկ օրվա ընթացքում ֆիլմը հավաքեց 39,7 միլիոն դոլար:
Ֆիլմը ստացել է «Ոսկե Առյուծ» մրցանակ
Վենետիկի հայտնի կինոփառատոնի գլխավոր մրցանակը ժյուրին շնորհեց «Ջոկերին»: Այս լուրը մեծ ռեզոնանս առաջացրեց, քանի որ նման մասշտաբների իրադարձության ժամանակ ոչ-ոք անգամ պատկերացնել չէր կարող որպես հաղթող տեսնել «The Hangover»( «Мальчишника в Лас-Вегасе») ֆիլմի ռեժիսորին:
Ֆիլմը ստացել է «Ոսկե Գլոբուս» մրցանակ
Ոսկե Գլոբուս մրցանակաբաշխությունից «Ջոկերն» արդեն 2 մրցանակ ունի. լավագույն դերասան անվանակարգում հաղթում է Հոակին Ֆենիկսը, իսկ Ֆիլմի լավագույն երաժշտություն անվանակարգում՝ Հիլդուր Գուդնադոուտիրը
Ֆիլմի համաշխարհային հասույթը գերազանցել է 1 միլիարդ դոլարը:
Դրա շնորհիվ Թոդ Ֆիլիպսի ստեղծագործությունը դարձավ կինոյի պատմության մեջ առաջին R-վարկանիշով կինոժապավենը, որ հավաքել է այդպիսի տպավորիչ հասույթ: Բացի այդ, «Ջոկերը» կինոմատոգրաֆիայի պատմության մեջ երրորդ ֆիլմն է, որը հաջողության հասավ առանց Չինաստանում վարձույթի դուրս գալու: