Կարդացին Եթե հետևում եք նորաձևության տենդենցներին, հավանաբար արդեն գիտեք, որ Pantone գույների ինստիտուտը 2020թ.-ի գույն է համարել կլասիկ կապույտը:
Սակայն հարց. ինչպե՞ս այն համադրել:
Հարկ է նշել, որ կապույտի միայն նշված տարբերակը չէ մոդայիկ: Եթե ձեր զգեստապահարանում կապույտի տարբեր երանգներ կան, ժամանակն է կրել դրանք: Դե, իհարկե, ճիշտ համադրություններ և լուքեր կազմելուց հետո:
Կապույտը հանգստության, վստահության, ստաբիլության զգացում է ներշնչում: Շատ բրենդեր հենց կապույտ գույնն են օգտագործում իրենց լոգոյում, կամ աշխատանքային համազգեստի մեջ: Դուք էլ դիմեք կապույտի օգնությանը, երբ ուզում եք վստահելի տպավորություն գործել: Սակայն չմոռանաք, որ կարևոր է ընտրել հենց ձեր կապույտը. այն, որը սազում է ձեզ և որի մեջ ինքներդ էլ լավ եք զգում: Հակառակ դեպքում մոդայիկ երևալու ջանքերը հակառակ էֆեկտը կունենան:
Ստորև կարող եք տեսնել կապույտով կազմած լուքերի մի քանի գեղեցիկ տարբերակներ:
