Կարդացին Զատիկն ամենասիրված տոներից մեկն է և բոլորս գիտենք, որ այն խորհրդանշում է Հիսուս Քրիստոսի Հարությունը: Այս պայծառ քրիստոնեական տոնին պատրաստվելն իսկական ուրախություն է: Ինչպես բոլոր տոներին, Զատկին ևս նախապես պատրաստվում ենք և զարդարում ենք տունն ու տոնական սեղանը:
Խոստովանեք, որ շատ ավելի հաճելի է, երբ տոնական դեկորն ու զարդարանքները պատրաստում եք ինքներդ: Առաջարկում ենք մի քանի հիանալի դեկորի տարբերակ, որ կարող եք հեշտությամբ պատրաստել:
Զատկի ձևավորում պատրաստելու համար կարող եք օգտագործել տարբեր ապրանքներ և նյութեր: Դրանք կարող են ինչպես բնական, այնպես էլ արհեստական լինել: Որպես դեկոր կարող եք օգտագործել՝
- Գունավոր հավկիթներ
- Փայտյա նյութեր (ճյուղեր, խոտեր և այլն)
- Գործվածքներ և տեքստիլ (ժանյակ, սփռոց, գունավոր գործվածք)
- Սեզոնային ծաղիկներ
- Դեկորատիվ պարագաներ (ուլունքներ, զամբյուղներ, ժապավեններ, անձեռոցիկներ)
- Զանազան աքսեսուարներ (ապակե ծաղկամաններ, երկաթյա մոմակալներ)
- Վառ գույների մոմեր
Թվարկված նյութերից կարող եք պարաստել տարբեր յուրօրինակ դեկորներ:
Չնայած որոշ մարդիկ կարծում են, որ Զատկի ձուն պետք է միայն կարմիր լինի, այնուամենայնիվ օգտագործվում են բնական և արհեստական տարբերակներ հավկիթները տարբեր գույներով ներկելու համար: Ընտրությունը ձերն է: Իսկ եթե որոշել եք նկարազարդումներ անել, կարող եք այլ նյութերից անհեստական հավկիթներ պատրաստել, նկարազարդել և օգտագործել որպես դեկոր նաև հաջորդ տարի:
Իսկ եթե ունեք վառ երևակայություն և սոսինձ, կարող եք զարդարել հավկիթներն՝ ըստ ձեր երևակայության:
Իսկ այն մարդիկ, ովքեր փնտրում են առավել օրիգինալ տարբերակներ, կարող են զարդարել ձվիկները տարբեր տեսակ փայլերով, հուլունքներով և ժապավեններով:
Զատկի մեկ այլ խորհրդանիշ է պայծառ ծաղկեպսակը՝ պատրաստված ծաղիկներից և արհեստական ձվերից: Նման պսակները կախում են տան պատերից կամ մուտքի դռներից:
Ահա հետաքրքիր պսակի մի քանի օրինակներ:
Զատկի տոնին կարող եք հեշտությամբ պատրաստել նաև տոնական ծառ: Առաջին հերթին ձեզ հարկավոր է հարմար կավե աման, սեզոնային ծաղիկները, ծառի ճյուղեր կամ մետաղալարեր: Կավե ամենն էլ կարող եք փոխարինել այլ գեղեցիկ տարրաներով:
Ծաղկային զարդարանքը տունը լցնում է թարմության, գարնանային ջերմության և երջանկության բույրով: Քանի որ գարունը լի է ծաղիկներով, կարող եք օգտագործել բնական ծաղիկներ:
Զատկի մոմերիի բազում տարբերակներ կան խանութներում, այնուամենայնիվ, շատ ավելի հետաքրքիր է դրանք ինքնուրույն պատրաստելը: Ավելին, տոնական մոմ ստեղծելը բավականին հեշտ է:
Տոնական սեղանի ձևավորման համար կարող եք օգտագործել
- թարմ ծաղիկներ,
- դեկորատիվ ծաղկամաններ
- ձեռագործ սփռոց
- անձեռոցիկներ
- խաղալիք կենդանիների
- վառ, գունավոր սպասք
Չմոռանաք տոնական պայծառ ուտեստների և տոնական տրամադրության մասին: Ուրախ Զատիկ բոլորիս:
