Կարդացին Գիտնականներին հաջողվել է ստեղծել առաջին բիոռոբոտներին, որոնք բաղկացած են կենդանի բջիջներից:
Այսպես կոչված քսենոբոտերը փոքրիկ գնդակներ են, որոնք պարունակում են 500-ից 1000 բջիջ և նրանք նույնիսկ կարողանում են տեղաշարժվել, ինքնակազմակերպվել և «տեղափոխել» փոքր բեռ: Ըստ գիտնականների՝ քսենոբոտերը նման չեն որևէ կենդանի օրգանիզմի կամ օրգանի:
Քսենոբոտերը դեռևս ճշգրիտ դասակարգված չեն, քանի որ դրանք չեն պատկանում ոչ ավանդական ռոբոտների, ոչ կենդանի օրգանիզմների դասին: Գիտնականները կարծում են, որ անհրաժեշտ է նոր դասակարգում, և նոր անվանում սահմանել՝ «կենդանի ծրագրավորվող օրգանիզմ»:
Փորձագետները նշում են, որ այս կենդանի մեքենաները կարող են իրականացնել մի շարք գործառույթներ՝ սկսած դեղամիջոցների փոխանցումից մինչև շրջակա միջավայրի վերականգնում:
Այս ծրագրի իրականացման ընթացքում օգտագործվել են գերհամակարգիչներ և հատուկ ալգորիթմ, որի միջոցով հնարավոր է եղել հավաքել սրտի բջիջների և գորտի մաշկի հարյուրավոր կոմբինացիաներ:
Հիմնվելով բջիջների լավագույն կոմբիացիաների վրա՝ գիտնականները հավաքեցին «կենդանի ռոբոտ»: Քսենոբոտերի տեղաշարժվելը հնարավոր եղավ իրականություն դարձնել մաշկի բջիջների օգնությամբ, որոնք իրար են միացնում հյուսվածքները , և գորտերի սրտի բջիջների շնորհիվ, որոնց հիմնական գործառույթը մկանների կծկումն ապահովելն է:
Կենդանի ռոբոտները կարողացել են մեկ շաբաթվա ընթացքում գոյատևել և տեղաշարժվել ջրային միջավայրում` առանց լրացուցիչ սննդանյութերի պահանջի, օգտագործելով բջիջներում արդեն առկա լիպիդների և սպիտակուցների պաշարները:
Քսենոբոտերը լիովին բիոքայքայվող են: Երբ նրանց սննդանյութերը սպառվում են, նրանք վերածվում են մեռած բջիջների կույտի, որն էլ իր հերթին առավելություն է մետաղյա և պլաստիկ ռոբոտների նկատմամբ:
Փորձագետները նշում են, որ քսենոբոտերը նախատեսված են տարբեր ոլորտներում օգտագործման համար: Նրանք կարող են օգտագործվել ռադիոակտիվ աղտոտման և մարդու կյանքի համար վտանգավոր այլ քիմիական միացությունների հետ աշխատելու համար, օվկիանոսներում միկրոպլաստիկայի հավաքման համար, ինչպես նաև մարդկային զարկերակ ներթփանցելու համար, ինչը կօգնի բուժել մի շարք հիվանդություններ: