Կարդացին Ինչեր ասես որ չկան աղջիկների դիմահարդարման պայուսակներում: Իսկ երբ անհրաժեշտ է վերցնել միայն անհրաժեշտ միջոցները, աղջիկները մատնվում են խուճապի և հասկանում, որ փոքր պայուսակում այդքան կոսմետիկա տեղավորելն անհնար է: Իսկ ինչ կասեք, եթե ցույց տանք, որ կան կոսմետիկ միջոցներ, որոնք միաժամանակ կատարում են 2 ֆունկցիա և կարող եք վերցնել 2 կոսմետիկ միջոցներից մեկն ու օգտագործել այն տարբեր նպատակներով:
Ստվերաներկ և հայլայթեր
Ստվերաներկերն ու հայլայթերները երկուսն էլ փայլուն փոշի են: Հետևաբար, փայլուն՝ բաց երանգների ստվերաներկները կարող են փոխարինել հայլայթերին և փայլ հաղորդել ձեր մաշկին: Իսկ հայլայթերը կարող եք քսել աչքերին: Հավատացեք, ոչ ոք ոչինչ չի կասկածի:
Ստվերաներկ և մատիտ
Աչքերի եզրագծերն ընդգծող մատիտը կարող է ծառայել որպես ստվերաներկ՝ smoky eyes ստանալու համար: Աչքի կոպի արտաքին անկյունը ընդգծեք մատիտով և հետո տարածեք այն:
Իսկ ահա ստվերաներկերի և ստվերաներկի կոշտ վրձինի միջոցով կարելի է գծել աղեղներ (стрелка):
Կարմրաներկ և շրթներկ
Վարդագույն երանգով շրթներկը կարող է փոխարինել կարմրաներկին: Քսեք փոքր քանակությամբ վարդագույն շրթներկ ձեր այտերին և տարածեք այն: Իսկ կարմրաներկի միջոցով կարող եք թեթև երանգ հաղորդել ձեր շուրթերին:
Հավանեցի՞ք: Հետևեք մեզ Facebook-ում և Instagram-ում, որպեսզի բաց չթողնեք մեր կարևոր խորհուրդները: