Կարդացին Մանանեխի օգտակար հատկությունների մասին շատերս գիտենք: Դեռևս հին ժամանակներում մանանեխն օգտագործվում էր որպես մազերի աճին նպաստող արդյունավետ միջոց: Համարվում է, որ մանանեխը
- ներծծում է ավելորդ յուղը,
- նպաստում է արյան շրջանառության բարելավմանը,
- կարգավորում է ճարպագեղձերի աշխատանքը,
- բացում է փակ ծակոտիները,
- հեռացնում է թեփը,
- հարուստ է А, В, Е ու D վիտամիններով,
- ախտահանում է գլխամաշկը,
- հարթեցնում է մազերի մակերեսը և օգնում վերականգնել մազերի փայլը:
Իսկ մանանեխից պատրաստված դիմակները լավագույն միջոցն են, եթե ցանկանում եք կարճ ժամանակահատվածում երկարացնել ձեր վարսերը: Մանանեխից դիմակները նպաստում են մազերի աճին:
Մի մոռացեք սակայն, որ մանանեխի սխալ օգտագործման դեպքում գլխամաշկը կարող է չորանալ և առաջացնել թեփ:
Մանանեխով դիմակների բաղադրության մեջ օգտագործվում են նաև տարատեսակ յուղեր՝ եթերային, ձիթապտղի, նուշի, ինչպես նաև ձվի դեղնուց և կեֆիր:
Մանանեխով դիմակներ՝ մազերի աճն արագացնելու համար
Բաղադրատոմս N 1
Մանանեխով և շաքարով այս պարզ դիմակը չի վնասի գլխամաշկը և կխթանի մազերի աճին:
Դիմակի բաղադրությունը
- 2 ճ/գ չոր մանանեխի փոշի
- 2 ճ/գ տաք ջուր
- 1 ձվի դեղնուց
- 2 ճ/գ ձիթապտղի յուղ
- Կոսմետիկ յուղ
- 2 թ/գ շաքարավազ
Օգտագործման եղանակը
Դիմակը քսեք անմիջապես գլխի մաշկին, քանի որ այն օգտակար է արմատների համար: Խուսափեք այս դիմակը մազերի ծայրերին քսելուց: Դիմակը քսելուց հետո անհրաժեշտ է փաթաթել գլուխը ևպահել 15-60 րոպե՝ կախված է դիմակի խտությունից:
Առաջին օգտագործման ժամանակ պահեք այս դիմակը առնվազն 15 րոպե: Այս կարճ ժամանակահատվածում չեք վնասի գլխամաշկը, իսկ մազերը կհասցնեն սնուցվել:
Օգտագործեք այս դիմակը նորմալ մազերի դեպքում շաբաթական մեկ անգամ, յուղոտ մազերի դեպքում՝ շաբաթական 2 անգամ՝ մեկ ամիս շարունակ:
Բաղադրատոմս N 2
Դիմակի բաղադրությունը
- 1 ճ/գ չոր մանանեխի փոշի
- 2 ճ/գ տաքացրած երիժնակի յուղ
- 1 ձվի դեղնուց
Բոլոր բաղադրիչները մի լավ խառնելուց հետո՝ քսեք ստացված խառնուրդը գլխամաշկին ու թողեք 10 րոպե:
Բաղադրատոմս N 3
Կեֆիրով ու մանանեխով դիմակ պատրաստելը նույնպես շատ հեշտ է, իսկ արդյունքը՝ գերազանց:
Դիմակի բաղադրությունը
- 1 թ/գ չոր մանանեխի փոշի
- 3 ճ/գ կեֆիր
Այս դիմակը պատրաստելու համար հարկավոր է խառնել բաղադրիչները ու քսել գլխամաշկին:
Բաղադրատոմս N 4
Այս թթվասերով և մանանեխով դիմակը ամրացնում է մազարմատները՝ առանց դրանք չորացնելու: Հարմար է ցանկացած տեսակի մազերի համար:
Դիմակի բաղադրությունը
- 1 ճ/գ առանց հավելումների մայոնեզ կամ թթվասեր
- 1 ճ/գ ձիթայուղ
- 1 թ/գ մանանեխ
- Մի փոքր կարագ
Բոլոր բաղադրիչները մի լավ խառնելուց հետո՝ քսեք գլխամաշկին, փաթաթեք գլուխը պոլիէթիլենային տոպրակով և տաք սրբիչով, թողեք 30 րոպե:
Բաղադրատոմս N 5
Թեյի և մանանեխի համադրությամբ մեկ այլ հրաշալի դիմակ:
Դիմակի բաղադրությունը
- Առանց հավելումների կանաչ կամ սև թեյ
- Մանանեխի փոշի
Պետք է ստացվի կրեմանման զանգված: Դիմակը քսեք մազարմատներին և փաթաթեք գլուխը պոլիէթիլենային տոպրակով և տաք սրբիչով: Անհրաժեշտ է պահել 20 րոպե:
Ո՞ր բաղադրատոմսերն եք կիրառել դուք: Կիսվեք մեզ հետ մեր ֆեյսբուքյան էջի մեկնաբանություններում: