Ինչպես ճիշտ լվալ և չորացնել մազերը

Մազերը յուրաքանչյուր կնոջ զարդն են: Մազերի տեսքից է կախված մեր ընդհանուր արտաքին տեսքը: Մազերը ճիշտ կամ սխալ լվալն ազդում է դրանց տեսքի և որակի վրա: Բոլորս լվում ենք մեր մազերը՝ առանց ուշադրություն դարձնելու շատ կարևոր մանրուքների և դետալների վրա, իսկ դա սխալ է:

Մենք առանձնացրել ենք մի շարք օգտակար խորհուրդներ, թե ինչպես է պետք ճիշտ լվալ և չորացնել մազերը, որպեսզի դրանց հետևելով դուք ունենաք շլացուցիչ վարսեր և շլացուցիչ տեսք:

Անպայման սանրեք մազերը

Անկախ մազերի երկարությունից և խտությունից, դրանք պետք է անպայման սանրել լվալուց առաջ: Խորհուրդ է տրվում սանրել մազերը ծայրերից մինչև արմատներ:

Մազերը լվացեք ժամանակին

Մազերը լվալու հաճախությունը կախված է մազերի տեսակից: Յուղոտ մաշկ և մազեր ունեցողները պետք է 3 օրը մեկ լվան մազերը՝ օգտագործելով շամպուն:

Ինչպես հաճախ լվալը, այնպես էլ ուշ լվալը ճիշտ չէ թե յուղոտ, թե չոր գլխամաշկ ունենալու դեպքում:

Երբ արդեն զգում եք, որ մաշկը սկսում է կեղտոտվել, լվացեք ձեր մազերը: Երբ մազերը կեղտոտվում են, ակտիվանում են բակտերիաներն ու ծածկում են մաշկը: Արդյունքում փակվում են ծակոտիները, մազերը չեն սնուցվում, ինչի արդյունքում էլ մազերը թուլանում են և վատանում է որակը:

Խուսափեք շատ տաք ջրից

Չափազանց տաք ջուրն ակտիվացնում է յուղոտության համար պատասխանատու գեղձերը, որի արդյունքում վարսերն ավելի շուտ են յուղոտվում:

Տաք ջրի ազդեցությամբ՝ շամպունների բաղադրության մեջ պարունակվող օճառը տաքանում է և մազերի վրա՝ մոխրագույն նստվածք թողնում: Իսկ այդ շերտը դժվար է լվացվում և թույլ չի տալիս, որ մազերը շնչեն:

Որքան յուղոտ են վարսերը, այնքան սառը պետք է լինի ջուրը, որով դուք լվում եք ձեր վարսերը: Ջրի նախընտրելի ջերմաստիճանը 40-50 աստիճանն է:

Տաք ջուրը չորացնում է մազերը, այդ պատճառով խորհուրդ է տրվում մազերը լվալու վերջում սառը ջրի տակ պահել, որպեսզի մազերն ավելի հարթ և փայլուն լինեն:

Ճիշտ օգտագործեք շամպունը

Բնականաբար, որքան խիտ ու երկար են վարսերը, այնքան շատ է պետք շամպուն օգտագործել: Տեսնելու համար, թե որքան շամպուն լցրեցիք, այն լցրեք ափերի մեջ, հետո՝ գլխին և տարածեք մազերի երկայնքով:

Մի շտապեք և խնամքով հեռացրեք շամպունը գլխից՝ հատկապես մազարմատներից և լավ պարզաջրեք մազարմատները:

Երբեք մի օգտագործեք շամպունը չափից շատ և հաճախ: Մասնագետների կարծիքով՝ կախված գլուխը լվալու հաճախականությունից, շամպունի քանակը նույնպես տարբեր պետք է լինի:

Եթե ամեն օր եք լվում մազերը, ապա մեկ անգամ շամպուն քսելը բավարար է: Եթե լվում եք գլուխը շաբաթական 2 անգամ, ապա պետք է 2 անգամ շամպուն օգտագործեք:

Նուրբ լվացեք վարսերը

Սկսեք լվալ ականջների մոտից, հետո անցնել ծոծրակին: Չի կարելի եղունգներով մերսել մազերը,  քանի որ այդպես դուք քերում եք մաշկն ու նպաստում մազերի թափվելուն:

Օգտագործեք մատների բարձիկները և նուրբ շարժումներով մերսեք գլուխը:

Օգտագործեք կոնդիցիոներ

Բալզամը պետք է քսել մազերը լավ լվանալուց հետո և թողնել 5-7 րոպե, ապա՝ լվալ:

Բալզամը կարգավորում է մազերի рН-ը և արդյունքում ձեր մազերը փայլում են և դառնում մետաքսի պես հարթ և փափուկ: Սակայն կոնդիցիոները պետք քսել մազերի ծայրերին, այլ ոչ՝ մազարմատներին:

Ubimarket-ում կգտնեք մազերի խնամքի մի շարք անհրաժեշտ միջոցներ:

Մի շտապեք չորացնել մազերը վարսահարդարիչով

Թույլ տվեք, որ մազերը չորանան բնական ճանապարհով՝ առանց վարսահարդարիչի կամ արդուկի միջամտության: Իհարկե, ոչ միշտ է ժամանակը թույլ տալիս, բայց հնարավորության դեպքում թողեք, որ վարսերն ինքնուրույն չորանան:

Չմոռանաք, որ մազերը պետք է չորացնել բամբակե սրբիչով: Պետք չէ սրբիչով տրորել մազերը, քանի որ շփումից վնասվում է դրանց կառուցվածքը կառուցվածքը: Փոխարենը մազերը փաթաթեք սրբիչով և թողեք, որպեսզի սրբիչը ներծծի խոնավությունը:

Առհասարակ, խորհուրդ է տրվում մազերը վարսահարդարիչով չորացնել, երբ դրանք արդեն թեթև խոնավ են:

Իսկ թաց մազերով քնել չի կարելի, քանի որ թաց մազերը հեշտ են վնասվում և կորցնում են իրենց տեսքն ու գեղեցկությունը:

Մի սանրեք թաց մազերը

Լվալուց անմիջապես հետո պետք չէ սանրել մազերը, քանի որ թաց մազերն ավելի ծանր են և եթե անմիջապես սանրեք, դրանք կթուլանեն և կփշրվեն: