Կարդացին Ինչո՞վ ես զբաղվում դու, երբ տանն ես: Ոմանք նախընտրում են վարել հանգիստ ապրելակերպ՝ դիտելով սիրելի հեռուստասերիալները և հաճելի լուրերի սպասելով, իսկ մյուսները մոգոնում են իրենց համար նոր զբաղմունքներ. սովորում են նոր բաղադրատոմսեր, զբաղվում են ինքնազարգացմամբ և ինքնակրթությամբ, անցնում են մաքրրություն անելուն կամ ձեռնարկում են վերանորոգում: Սակայն, համոզված ենք, բոլորին էլ հաճելի է իմանալ փորձված հնարքներ, որոնք հեշտացնում են առօրյա կյանքը և դարձնում այն ավելի հաճելի: Իսկ ինչպե՞ս կարող է սովորական սոդան հեշտացնել մեր առօրյան:
Շարունակեք կարդալ և իմացեք օգտակար հնարքներ:
Ազատվեք տհած հոտերից և հետքերից
• Օդի խոնավացուցիչը տհաճ հոտ է տարածո՞ւմ: Նախքան սարքի մեջ ջուր լցնելը, ավելացրեք 1-2 ճաշի գդալ սննդային սոդա:
• Ազատվեք գորգերի բծերից և թարմացրեք դրանց տեսքը՝առանց քիմմաքրման: Վերցրեք 3-4 ճաշի գդալ սննդային սոդա և լցրեք այնքան ջուր, որ խիտ մածուկ ստացվի: Ստացված մածուկը խոզանակի օգնությամբ քսեք գորգի վրայի հետքերին, այնուհետև առանձին շշի մեծ խառնեք տաք ջուր 1-2 ճաշի գդալ քացախի հետ: Ստացված լուծույթը շփեք գորգի վրա և թողեք, որ այն չորանա: Չորանալուց հետո մաքրեք գորգը փոշեկուլի միջոցով:
• Եթե ժամանակի ընթացքում սպիտակ սպորտային կոշիկները դեղնել են, փորձեք դրանք լվանալ 1 ճաշի գդալ սոդայի, մի փոքր քնակությամբ ջրածնի պերօքսիդի և ջրի լուծույթով:
• Եթե երեխաները մատիտներով նկարել են պատերի վրա, այդ «գլուխգործոցները» հեշտությամբ կարող եք մաքրել տաք ջրի և փոքր քանակությամբ սոդայի լուծույթով թրջած սպունգով:
• Սոդան ունիվերսալ միջոց է, եթե տանն ունեք չորքոտանի ընկեր: Կարող եք օգտագործել կերակրի սոդան՝ որպես անվտանգ մաքրող միջոց ընտանի կենդանիների կերակրամանների և այն մահճակալների և գորգերի համար, որոնց վրա նրանք քնում են:
• Սոդան ունիվերսալ գործիք է խոհանոցի համար: Սալիկների միջև ընկած հատվածների սկզբնական տեսքը վերականգնելու համար լվացեք դրանք սպիտակեցնող հեղուկի և սոդայի խառնուրդով: Եթե անհրաժեշտ է լվանալ միկրոալիքային վառարանը, սոդան այս հացում նույնպես կօգնի ձեզ:
• Որոշ մանկական փափուկ խաղալիքներ լվացքի մեքենայի մեջ լվանալ չի կարելի: Փոխարենը, դրանք կարելի է տեղադրել պլաստիկ տոպրակի մեջ և ավելացնել մի քանի ճաշի գդալ կերակրի սոդա: Փակեք տոպրակը, թափահարեք և թողեք մեկ օր, ապա փոշեկուլի միջոցով մանրակրկիտ մաքրեք յուրաքանչյուր խաղալիք: Այսպիսով, դուք կազատվեք փոշուց, տհաճ հոտերից և թեթև կեղտաբծերից:
Ներկեք կահույքն ու պատերը
• Սովորական սոդան կօգնի գեղեցիկ ներկել հին կահույքը կամ պատը վերածել նկարչական տախտակի: Այն չի պահանջում հարթեցնել պատը և հավասարաչափ տարածվում է գրեթե ցանկացած մակերևույթի վրա՝ լինի դա փայտ, մետաղ, թե կավ: Խառնեք հետևյալ3 բաղադրիչները՝ պահպանելով չափաբաժինները. Անհրաժեշտ գույնի 1 բաժակ լատեքսային ներկի համար հարկավոր է 3 ճաշի գդալ սառը ջուր և ½ բաժակ սննդային սոդա: Կահույքը ներկելու համար ընտրեք սպիտակ գույնը, այնուհետև անցեք ներկով ևս մեկ անգամ անհարթ մակերևույթի վրայով: Սալաքարի էֆեկտ ստեղծելու համար բավական է պատին կիրառել 2 շերտ սև կավիճի ներկ:
Մաքրեք խոհանոցային պարագաները
• Բլենդերի դանակից և խոհանոցային այլ հարմարանքների մետաղական մասերից կպչուն ճարպը մաքրելու համար տեղադրեք դրանք խորը ամանի մեջ, լցրեք 4 թեյի գդալ կերակրի սոդա, 2 թեյի գդալկիտրոնաթթու, ավելացրեք եռացրած ջուր, սպասեք մի քանի րոպե, ապա լվացեք:
• Արծաթե տեխնիկան մաքրելու համար ամանի հատակին դրեք ալյումինե փայլաթիթեղ, շաղ տվեք 1-2 ճաշի գդալ կերակրի սոդա և զգուշորեն լցրեք ½ բաժակ քացախ: Այնուհետև ավելացրեք մի քիչ եռացրած ջուր և գործիքները դրեք փայլաթիթեղի վրա: Մի րոպե անց լվացեք ջրով և չորացրեք:
Օգտագործեք սոդան խոհանոցում
• Խոհարարության մեջ սոդան իր կարևոր դերն ունի: Այն ուտեստներին կհաղորդի ավելի լավ համ ու տեսք: Օրինակ, եթե հում կոշտ մսի վրա սոդա շաղ տաք և թողնեք 15 րոպե, այն կփափկի: Բայց ավելի լավ է օգտագործել սոդան թխելու համար: Փորձեք պատրաստել մրգային ռուլետ: Վերցրեք մի տարա խտացրած կաթ, 1 թեյ գդալ սոդա, 2 ձու, 1 բաժակ ալյուր, նարինջ, խնձոր, կես կիտրոն և մի բաժակ շաքար: Ապա դիտեք տեսանյութն ու հետևեք որհուրդներին.
• Ավելի հեշտ է հեռացնել եփած ձվերի կեղևը, եթե եփելիս ջրի մեջ ավելացնեք ½ թեյի գդալ սոդա:
• Բանջարեղենն ու մրգերը մանրէազերծելու համար ոչ թե լվացեք դրանք, այլ ավելի լավ է 10 րոպե դրանք դնել 2-3 թեյի գդալ սոդայի և 1 լիտր տաք ջրի ախտահանող լուծույթում: Սա հատկապես կարևոր է, երբ խոսքը կանաչի, խաղող, գազար, ծաղկակաղամբ կամ բրոկկոլիի լվանալու մասին է:
• Քանի որ ձվի կճեպի վրա շատ վտանգավոր բակտերիաներ են ապրում, խորհուրդ ենք տալիս սառնարանի՝ ձվի համար նախատեսված դարակները պարբերաբար ներսից թրջել տաք սոդայի լուծույթով, այնուհետև պատշաճ կերպով սրբել սպունգով:
• Եթե ծաղկամանի մեջ մի պտղունց սոդա ավելացնեք, ծաղիկները սովորականից 2 անգամ ավելի երկար կպահպանվեն:
Որպես բոնուս՝ ինչպես պատրաստել անուշաբույր գնդիկներ լոգանքի համար
Ցանկանո՞ւմ եք սոդայով լոգանք ընդունել, ուրեմն գրի առեք այս անուշահոտ բաղադրատոմսը: Ձեզ հարկավոր կլինի.
• 300 գ սոդա
• 150 գ կիտրոնաթթու
• 5-10 մլ ցանկացած եթերայուղ
• 5 մլ բուսական յուղ (ձիթապտղի, կոկոսի, խաղողի կամ որևէ այլ)
• կերակրի ներկեր, փայլիկներ, չոր ծաղիկներ զարդարանքի համար:
Խառնեք չոր բաղադրիչները, ապա դրանց ավելացրեք յուղերն ու ներկանյութերը և խառնեք: Եթե խառնուրդը բավականաչափ խոնավ չէ տեսքը պահելու համար, ավելացրեք ջուր և կրկին արագ խառնեք: Լրացրեք խառնուրդը ֆորմայի մեջ և թույլ տվեք, որ չորանա: Վերջ, լոգանքի համար անուշաբույր գնդիկները պատրաստ են:
Նշված հնարքներից որո՞նք էին ձեզ ծանոթ և ո՞ր հնարքները հավանեցիք: Հետևեք մեզ Facebook-ում և Instagram-ում, անպայման կիսվեք ձեր կարծիքով մեկնաբանություններում: