Կարդացին Առաջին զանգը ձեր և ձեր փոքրիկի կյանքի անմոռանալի օրերից մեկն է: Սակայն առաջին անգամ դպրոց գնալուն պատրաստվելը հեշտ գործ չէ, քանի որ առաջին անհրաժեշտության գրենական պիտույքներ, հագուստ և պայուսակ գնալիս պետք է ուշադրություն դարձնել նաև դրանց հարմարավետությանը և ֆունկցիոնալ լինելուն: Թերևս ամենակարևոր իրերից մեկը դպրոցական պայուսակն է: Եվ առաջին հարցը, որ մտահոգում է ցանկացած ծնողի այն է, թե ինչ պայուսակ է պետք ընտրել՝ պորտֆե՞լ, թե՞ ուսապարկ: Նախ պետք է պարզել, թե ինչով են դրանք տարբերվում:
Դպորցական պայուսակնեի առանձնահատկությունները
1. Բոլոր տարբերակներից ամենապարզ դիզայնը դպրոցական պորտֆելինն է: Պորտֆելի չափը թույլ է տալիս տեղավորել 3-4 գիրք և մի քանի տետր, ներսում կա 2-3 բաժին: Նման դպրոցական պայուսակը փակվում է մետաղյա կողպեքով:
Այս տեսակ դպրոցական պայուսակն ունի միայն մեկ բռնակ, սակայն որոշ մոդելներ կարող են ունենալ նաև լրացուցիչ երկար բռնակ, որը նախատեսված է ուսի վրա կրելու համար: Օրթոպեդները խորհուրդ չեն տալիս նման պայուսակ գնել առաջին դասարանցու համար, քանի որ մեկ ուսի վրա ընկնող ծանրությունից երեխայի ողնաշարը դեֆորմացվում է:
2. Ուսապարկը փափուկ պայուսակ է՝ երկու կամ երեք առանձին գրպանիկներով, ունի երկու լայն ուսափոկեր: Վաճառքում կան ինչպես տղաների, այնպես էլ աղջիկների ուսապարկեր, բայց դրանք կառուցվածքային առումով չեն տարբերվում:
3. Օրթոպեդիկ ուսապարկը (Ранец) կոշտ շրջանակով է: Այն լավ է պահում իր ձևը: Նման պայուսակի ներսում սովորաբար կա մեկ խցիկ: Այս պայուսակն ունի մեկ լուրջ թերություն. պայուսակի քաշը տատանվում է 1-2 կգ-ի սահմաններում, ինչը փխրուն առաջին դասարանցու համար շատ ծանր է:
Դպրոցական պայուսակ ընտրելու հիմնական չափանիշները
Որակյալ պայուսակ ընտրելու համար ծնողները պետք է իմանան հետևյալ հարցերի պատասխանները.
1. Ինչպիսի՞ն պետք է լինի պայուսակի մեջքը: Դպրոցական ուսապարկը պետք է ունենա անատոմիական մեջք: Այն իրենից ներկայացնում է ամուր շրջանակ՝փափուկ ծածկույթով և «X» տառ հիշեցնող ուրվագծով: Հենց այդ «գոգավորության» շնորհիվ՝ ծանրությունը բաշխվում է հավասարաչափ:
2. Բռնակի ո՞ր տարբերակն է օպտիմալ: Յուրաքանչյուր պայուսակի մոդել ունի բռնակ, բայց միայն մեծահասակը կարող է դրա միջոցով պայուսակը տեղափոխել. առաջին դասարանցիների համար ավելի հարմար են ուսափոերը: Դրանք պետք է լինեն 5-8 սմ լայնությամբ և ունենան S ձև. փափուկ ներդիրի հաստությունը պետք է լինի 1սմ: Նման ուսափոկերը չեն ցավեցնում և սեղմում ուսերը, կրկնում են մարմնի ուրվագիծը և լավ են ֆիքսում պայուսակը մեջքին: Միայն թե անհրաժեշտ է ճիշտ կարգավորել ուսափոկերի երկարությունը:
3. Ո՞րն է պայուսակի օպտիմալ քաշը: Դպրոցական երեխաներին կարելի է բարձրացնել իրենց քաշի 10%-ից ոչ ավել ծանրության առարկաներ, հետևաբար անհրաժեշտ է ընտրել պայուսակի ամենաթեթև մոդելը: Առաջին դասարանցու համար նվազագույն քաշ ունեցող պայուսակը լավագույն տարբերակն է:
4. Ի՞նչ չափի պետք է լինի պայուսակը: Ամենևին էլ անհրաժեշտ չէ պայուսակի ճշգրիտ չափը սանտիմետրով պարզել: Կարևոր է, որ պայուսակը դուրս չգա երեխայի ուսերի չափից, ներքևի հատվածը լինի գոտկատեղի մակարդակում, իսկ վերինը` ուսագծի երկայնքով: Միջին հաշվով, 1-2 դասարանի երեխայի համար նախատեսված պայուսակի հետնամասի բարձրությունը չպետք է գերազանցի 34-38-ը (չափը սանտիմետրերով):
5. Ո՞ր ձևին է պետք նախապատվությունը տալ: Առաջին դասարանցիների համար պայուսակ ընտրելիս ավելի լավ է նախապատվություն տալ ավանդական ուղղանկյունաձև պայուսակներին` պինդ հատակով: Նախքան գնելը չափեք ալբոմների և թղթապանակների երկարությունը և լայնությունը, որպեսզի բոլոր դպորցական պարագաները հեշտությամբ տեղավորվեն պայուսակի մեջ:
Այս հիմնական հարցերից բացի, պետք է հաշվի առնել նաև հումքը և կարը: Ավելի լավ է ձեռք բերել պոլիեսթերից պատրաստված մոդել: Բացի այդ, այս հումքիից պայուսակները չեն վախենում անձրևից, իսկ կեղտը հեշտությամբ հեռացվում է: Որակյալ կարերն ու դիմացկուն գործվածքները երաշխավորում են, որ պայուսակը կծառայի երկար ժամանակ:
Ուշադրություն դարձրեք մեջքի փափուկ հատվածին: Ավելի լավ է, եթե այն ծածկված է ցանցով: Այս լուծումը թույլ է տալիս միանգամից լուծել երկու խնդիր. ապահովվում է օպտիմալ քանակությամբ օդի շրջանառություն և ստեղծվում է շփում, ինչը թույլ չի տալիս, որ պայուսակը սահի երեխայի մեջքից:
Պորտֆել ընտրելու հիմնական չափանիշները
Որոշե՞լ եք ընտրել պորտֆել: Ուշադրություն դարձրեք ոչ միայն հունքի որակի վրա (պահանջները նույնն են, ինչպես ուսապարկի դեպքում), այլև՝ առանձին մասերին: Կպչուն փակիչն ամենալավ տարբերակը չէ, քանի որ շուտ է փչանում, իսկ կողպեքը թեև ավելի դիմացկուն է, բայց ոչ բոլոր առաջին դասարանցիները կկարողանան կիրառել բացել-փակելու մեխանիզմը: Լավագույն տարբերակը երկկողմանի կայծակաճարմանդ է, բայց այս լուծումը հազվադեպ է օգտագործվում պորտֆելների դեպքում:
Ավելի լավ է ընտրել պայուսակ, որն ունի մեկ մեծ խցիկ և մի քանի գրպան գրենական պիտույքների համար:
Հուսով ենք այս խորհուրներն օգնեցին ձեզ: Օգտվելով դրանցից ընտրեք պայուսակի մի քանի մոդելներ և թույլ տվեք, որ ապագա դպրոցականն ինքը կատարի վերջնական ընտրությունը. չէ՞ որ նա կյանքի մի նոր փուլ է մտնում հենց այդ պայուսակով::