Կարդացին Շուտով մեկնարկում են սեզոնային զեղչերը և ուրեմն ժամանակն է իմանալ խելացի գնումներ կատարելու կանոնները: Իսկ առհասարակ սեզոնին զգեստապահարանը վերանայելը շատ օգտակար բան է: Ընթացքում պետք է կազմել շոփինգի ցուցակ՝ գրի առնել այն ամենը, ինչ անհրաժեշտ է ձեռք բերել և արդյունքում զեղչերի ժամանակ հստակ կիմանաք ինչ է պետք գնել: Ահա այն 5 գաղտնիքները, որ պետք է իմանալ զեղչերին ընդառաջ:
Խորհուրդ N1
Ցանկացած շոփինգից առաջ խորհուրդ է տրվում վերանայել զգեստապահարանը: Ընդհանրապես, պետք է ամեն սեզոնին ընդառաջ վերադասավորել իրերը, դեն նետել հնոտիններն ու ինչպես ասացինք արդեն՝ կազմել անհրաժեշտ իրերի ցանկ:
Հագուստները վերանայելիս կազմեք լուքեր, նկարեք դրանք և գրի առեք, թե ինչ է պակասում ձեր լուքին: Այսպիսով, իմանալով ինչ է ձեզ պետք, դուք անմիջապես կնկատեք հենց այն զեղչված ապրանքները, որ ձեզ պետք են:
Խորհուրդ N2
Եթե պատրաստվում եք գնել ինչ-որ բան հատուկ զգեստի կամ հագուստի համար, ապա վերցրեք այն ձեզ հետ շոփինգի գնալիս և փորձեք դրանք միասին: Այս խորհուրդն առավել տեղին է, երբ պետք է ստեղծել գունային ճիշտ համադրություն կամ տեսնել, թե որքանով են հագուստի պարագաները համապատասխանում միմյանց իրենց չափերով և երկարությամբ:
Խորհուրդ N3
Հիշեք, որ թրենդային իրերը մի սեզոնի կյանք ունեն: Դրանք որքան արագ դառնում են նորաձև, այդքան էլ հեշտ դուրս են գալիս նորաձևությունից: Իսկ բազային հագուստը նորաձև է միշտ: Այնպես որ զեղչերի ժամանակ փորձեք նախապատվություն տալ բազային հագուստին, քանի որ թրենդային հագուստը հաջորդ սեզոնին եթե անգամ դուրս չգա նորաձևությունից, միևնույնն է կհասցնի ձանձրացնել բոլորին:
Խորհուրդ N4
Գնեք իրեր, որոնք կարելի է կրել տարբեր ձևերով և լրացնելով դրանք տարբեր աքսեսուարներով՝ դարձնել նորաձև: Բացի այդ, կան իրեր, որոնք հենց սեզոնի խորհրդանիշ են դարձել: Օրինակ ամռանը մենք կրում ենք ծղոտե գլխարկներ և պայուսակներ, ջինսե շորտեր, սպիտակ շապիկներ: Այդ իրերի միջոցով այնքան հեշտ է նոր կյանք ու շունչ հաղորդել ոչ նորաձև իրերին: Այնպես որ, հանգիստ կարող եք գնել նման հագուստ զեղչերի ժամանակ:
Խորհուրդ N5
Ամբողջ հոդվածի մեջ մենք բազմիցս շեշտեցինք բազային զգեստապահարան ունենալու կարևորությունը: Իսկ զեղչերի սեզոնը հինանալի ժամանակ է բազային զգեստապահարանը համալրելու համար: Հիշեք, որ դասական բամբակյա սպիտակ շապիկներն ու վերնաշապիկները, պարզ ակնոցներն ու պայուսակները դուրս չեն գալիս նորաձևությունից:
Մաղթում ենք ձեզ հաճելի գնումներ և խորհուրդ ենք տալիս այցելել Ubimarket.am` ծանոթանալու համար տարբեր խանութների կողմից առաջարկվող զեղչերին: