Կարդացին Գնումներ կատարելիս բոլորիս համար կարևոր են ապրանքի գինը, որակը, հասանելիությունը և մի շարք այլ գործոններ:
Առցանց գնումներն ի տարբերություն ոչ առցանց գնումների, իրենց մեջ որոշակի ռիսկեր են պարունակում, որոնց մասին այսօր կպատմենք, որպեսզի Դուք կարողանաք դրանցից խուսափել:
1. Պաշտպանե՛ք Ձեր բանկային քարտը
Եթե գնումներ կատարելու համար վճարում եք բանկային քարտով, ապա շատ կարևոր է պահպանել բոլոր անվտանգության կանոնները: Ցանկալի է գնումներ կատարելու համար ունենալ առանձին քարտ, որի վրա կպահեք ճիշտ այն գումարը, որը անհրաժեշտ է տվյալ ապրանքը գնելու համար: Այս դեպքում, եթե ինչ-որ բան սխալ գնա, առավելագույնը կկորցնեք միայն տվյալ ապրանքի գումարը:
Դուք կարող եք նաև բանկում ակտիվացնել հատուկ ծառայություն, որը յուրաքանչյուր գնում կատարելու ժամանակ Ձեզ կուղարկի մեկանգամյա գաղտնաբառ, որով կհաստատեք, որ քարտը հենց Ձերն է:
2. Վճարե՛ք ապրանքը ստանալուց հետո
Կան շատ վաճառողներ, որոնց հետ պայմանավորվելով վճարումը կարող եք անել ապրանքը ստանալուց հետո։
Եթե գնումներ եք կատարում անհատ վաճառողից այլ ոչ խանութից, ապա այս տարբերակն առավել նախընտրելի է, որպեսզի չդառնաք խաբեության զոհ։
3. Մանրամասն ծանոթացեք պայմաններին
Գնումներ անելիս բոլորս մեծամասամբ չենք ծանոթանում վաճառքի պայմաններին, ինչը հետագայում կարող է խնդիրների հանգեցնել։
Նախքան գնում անելը մանրմանասն ուսումնասիրեք պայմանները՝ հնարավո՞ր է արդյոք հետևել ապրանքի առաքման պրոցեսին թե ոչ, ապրանքի անորակ լինելու դեպքում կարո՞ղ եք այն հետ վերադարձնել, եթե ապրանքը ճանապարհին կորի, ո՞վ պետք է հոգա առաքման ծախսերը և այլն։
4. Ուսումնասիրեք գնորդների կարծիքները
Գրեթե յուրաքանչյուր առցանց խանութ ունի կարծիքներ թողնելու հատված, որտեղ կարող եք ծանոթանալ այլ գնորդների մեկնաբանություններին և պարզել․ արդյո՞ք տվյալ վաճառողից արժի գնում կատարել թե ոչ։