Կարդացին Իրազեկված լինելը շատ կարևոր է, այդ պատճառով ԱԻՆ Փրկարար ծառայության քաղաքացիական պաշտպանության վարչության պետ Էդան Սնգրյանը տեղեկացնում է, որ օդային տագնապ ազդանշանը տրվում է շչակներով և եթե օդային տագնապի ժամանակ գտնվում եք տանը, անհրաժեշտ է հնարավորինս կարճ ժամանակահատվածում վերցնել ձեզ հետ առաջին անհրաժեշտության իրեր և առանց խուճապի մատնվելու ուղևորվել դեպի մոտական պաշտպանական կառույցներ:
Առաջին անհրահեշտության իրերի ցանկը հետևյալն է՝
- ջուր և սնունդ,
- փաստաթղթեր,
- դեղամիջոցներ,
- պահեստային մարտկոցներ և powerbank,
- տաք և անջրանցիկ հագուստ,
- երեխայի դեպքում՝ իր սիրելի իրերից:
Մինչ բնակարանը լքելն անջատեք գազամատակարարումն ու Էլեկտրասնուցումը, փակել ջրի ծորակները:
Եթե ազդանշանի դեպքում գտնվում եք դրսում, պետք է անհապաղ գնահատեք իրավիճակը, առանց խուճապի մատնվելու որոշել ամենաապահով տարածքը, ուղևորվել պաշտպանական կառույցները:
Տրանսպորտային միջոցներում գտնվողներին ԱԻն պաշտոնյան խոչհուրդ է տալիս անվտանգ կանգնեցնել տրանսպորտային միջոցները, դուրս գալ տրանսպորտային միջոցներից և հնարավորինս կարճ ճանապարհով ուղևերվել մերձակա պաշտպանական կառույցները: Պետք չէ լքել տրասպոչտն ընթացքի ժամանակ կամ խոչընդոտել վարորդի գործողություններին:
Արտադրական կազմակերպություններում գտնվելիս պետք է դադարեցնել բոլոր տեսակ աշխատանքները, անջատել արտադրական և տեխնոլոգիական բոլոր սարքավորումները, անջատել գազամատակարարումն ու Էլեկտրասնուցումը, իջեցնել սարքավորումներում գազի, օդի, ջրի, թթվածնի և այլ նյութերի բարձր ճնշումը, որից հետո՝ պատսպարվել թաքստոցում: