Կարդացին Կորոնավիրուսը թելադրում է իր կանոնները, և այժմ, երբ աշխատանքն ու ուսումը տեղափոխվել են օնլայն հարթակ, վիդեոզանգեր կատարելը դարձել է անհրաժեշտություն:
Սակայն մի բան է վիդեոզանգեր կատարել աշխատավայրից, այլ բան է՝ տնից: Այսպիսով, շատերս ենք բախվում տնից վիդեոզանգեր կատարելու անհարմարությանը, սակայն դրան էլ կա լուծում: Ահա մի քանի տարբերակ, որ կօգնեն խուսափել անհարմար դրության մեջ ընկնելուց:
Hand Mirror-ը անվճար գործիք է Mac-ի համար, որ կարող եք օգտագործել, եթե չեք ուզում անհարմար իրավիճակում հայտնվել վիդեոզանգի ժամանակ:
Մեկ հպումով ստուգեք ձեր տեսքը, տեսեք՝ չի երևում արդյո՞ք կադրում չհարդարված անկողինը կամ զուգարանի դուռը:
Հիմա, երբ կարանտինի պատճառով շատերը աշխատում են տնից, հնարավոր է ձեր աչքից վրիպի որևէ բան, սակայն այն հայտնվի կադրում ու դառնա ծաղրի առարկա:
Hand Mirror-ը կօգնի խուսափել նման իրավիճակներից:
Ծրագիրը տեղադրելուց հետո՝ մենյուում կհայտնվի macOS անունով տող և սեղմելով դրա վրա կմիանա հայլու գործառույթ կատարող պատուհանը, որը ցույց է տալիս պատկերն այնպես, ինչպես տեսնում են ձեզ վիդեոզանգի ժամանակ:
Ի տարբերություն սովորական հայելու, HandMirror-ով կարելի է ոչ միայն գնահատել ձեր տեսքը, այլև ստուգել՝ արդյոք կադրում չի երևում այն, ինչ ցանկալի չէ:
Նույնը կարելի է անել միացնելով Photo Booth ծրագիրը, կամ հենց Zoom, Skype կամ այլ ծրագրի կարգավորումները: Սակայն սա ամիջապես չի միանում, պահանջվում է 5-10 վայրկյան ժամանակ: Մինչդեռ վերոնշյալ Hand Mirror-ը դա անում է ավելի արագ:
Ծրագիրը կարող եք ներբեռնել այստեղ:
Իսկ Skype-ը հնարավորություն է տալիս լղոզել հետևի ֆոնը՝ ցանկացած վիդեոզանգի ժամանակ: Սա օգնում է վիդեոզանգերն անցկացնել՝ խուսափելով անհարամար պահերից ու դեպքերից: Այն հասանելի է Windows-ի, Mac-ի, և Windows 10-ի (version 14) համար:
Ֆոնը լղեզելու համար անրaժեշտ է սեղմել վիդեո կոճակը և ընտրելBlur my background: Զանգի ընթացքում ֆոնը լղոզելու համար սեղմեք մենյուի More կոճակը, ապա՝ Blur My background:
Բոլոր զանգերի համար այս հնարավորությունը ակտվիացնելու համար սեղմեք Գլխավոր նկարի վրա, ապա՝ Settings և սեղմեք Audio & Video կոճակը, որից հետո պետք է ընտրել Blur my background for all calls և սեղմել On: