Կարդացին Նոր տարին ամենասիրված տոներից է ոչ միայն Հայաստանում, այլև աշխարհի այլ երկրներում: Ձեր ուշադրությանն ենք ներկայացնում աշխարհի ամենաանսովոր ամանորյա ավանդույթների ցանկը:
Հայերիս համար Ամանորի հիմնական խորհրդանիշներն են տոնածառը, մանդարինի հոտը, տոնական սեղանը՚ խոզի ազդրով, մայրաքաղաքային աղցանով, շամպայնով։ Իսկ ահա այլ երկրների մարդիկ ունեն ավելի տարօրինակ սովորություններ, քան հայերիս՚ դեկտեմբերի 31-ի երեկոյան լողանալը, կամ նույն օրը 11:55 նրբաբլիթները տաքացնելը։ Այսպիսով, տարբեր երկրներում մարդիկ կապում են գալիք տարում իրենց առողջությունը, հաջողությունը, երջանկությունը, սերը և հարստությունը Ամանորի գիշերը մի շարք գործողություններ անելու հետ: Ահա աշխարհի առավել անսովոր ամանորյա ավանդույթների ցանկը:
1. Իտալիա և Սանտա Բոբբո
Բոլորն ասում են, որ Իտալիայում Ամանորի գիշերը պատուհանից դուրս են նետում հին իրերը։ Նման բան չկա։ Սա պարզապես գեղեցիկ լեգենդ է ՝ զբոսաշրջիկներ գրավելու համար: Իտալիայում ամանորյա ավանդույթները բոլորովին այլ են:
Քանի որ այս գեղեցիկ երկրի բնակիչները պաշտում են ոչ միայն Սանտա Բոբբո Նատալեին, այլև նրա հագուստի ոճը, Ամանորի գիշերը Իտալիայի ամբողջ բնակչությունը՝ կանայք, տղամարդիկ և երեխաներ, հագնում են ինչ-որ կարմիր բաներ, նաև` կարմիր ներքնազգեստ: Հետևաբար, Նոր տարին ինչ-որ տեղ Միլանի, Ֆլորենցիայի կամ Հռոմի փողոցներում տոնելիս չպետք է զարմանալ, օրինակ կարմիր գուլպաներով ոստիկան տեսնելիս։ Համարվում է, որ նման հանդիպումը բախտ է բերում:
Իտալիայի մեկ այլ ավանդույթ է չամիչ ուտելը, բայց այն պետք է հենց ճյուղերի վրա չորացած լինի: Քանի որ խաղողի հատապտուղները նման են մետաղադրամների, համարվում է, որ նրանք, ովքեր դրանցից շատ են ուտում, եկող տարում ավելի շատ գումար կվաստակեն:
2. էստոնիայի թեժ Ամանորը
Էստոնիայում Ամանորի գիշերը թեժ է անցնում, քանի որ այստեղ ընդունված է տոնն անցկացնել շոգեբաղնիքում` տարին մաքուր և առողջ մուտք գործելու համար: Սակայն ոչ բոլորն են, իհարկե, հավատարիմ այս ավանդույթին, քանի որ այդ դեպքում երկրի փողոցներում ուրախ բնակիչների բազմություն չէր լինի: Էստոնացիները հավատում են, որ իրենց երջանկություն է բերելու լայնեզր գլխարկով, աշխատանքային գործիքը ձեռքին ծխնելույզ մաքրողը: Հենց այդ պատճառով էլ նրանք երեխաներին հաճախ նվիրում են խաղալիք` ծխնելույզ մաքրողի տեսքով:
3. Պանամայի կրակոտ ավանդույթները
Պանամայում սովորական է այրել քաղաքական գործիչների, մարզիկների և այլ հայտնի մարդկանց խրտվիլակները: Սրա մեջ վատ բան մի տեսեք։ Օրինակ, նրանք կարող են այրել ազգային հավաքականի օլիմպիական չեմպիոնի կամ հենց Ֆիդել Կաստրոյի խրտվիլակները: Այս բոլոր խրտվիլակները անվանում են muրeco, և դրանք խորհրդանշում են անցնող տարվա դժվարությունները: Եվ եթե չկա խրտվիլակ, ապա առաջիկա մեկ տարվա ընթացքում խնդիրներ էլ չեն լինի: Ավելին, ամեն ընտանիք պետք է խրտվիլակ այրի: Ըստ երևույթին, սա կապված է պանամյանական մեկ այլ ավանդույթի հետ:
Կեսգիշերին, Պանամայի փողոցներում, հչում են բոլոր հրդեհային աշտարակների զանգերը, բոլորը սկսում են բարձր բղավել, հավատալով, որ եկող տարին նման աղմուկից կվախենա և լավը կլինի:
4. Դանիայի ջարդուփշուր Ամանորը
Եթե Ամանորին Դանիայում եք, կանգնեք աթոռի վրա և ցատկեք դրանից: Համարվում է, որ այս գործողությամբ բնակիչները «ցատկում են» գալիք տարվա հունվար՝ հեռացնելով չար ոգիներին: Բացի այդ, այս գործողությունը համարվում է հաջողություն բերող:
Դանիացիների ևս մեկ ամանորյա ավանդույթ. կոտրված ամանեղեն նետել ընկերների և հարևանների դռներին: Ավելին, այստեղ դա ոչ ոքի չի նյարդայնացնում, այլ շատ հաճելի է: Ի վերջո, այն ընտանիքը, որի դռան շեմին կլինեն առավել շատ կոտրված ափսեներ և բաժակներ, գալիք տարվա ընթացքում կունենա հաջողություններ: Դե չհաշված այն, որ սա նշանակում է, որ տվյալ ընտանիքը շատ ընկերներ և բարեկամներ ունի:
5. Հունաստանում էլ քար են նվիրում
Հունաստանի բնակիչները Ամանորի գիշերը անցկացնում են գրեթե այնպես, ինչպես մենք. նվերներով այցելում են միմյանց: Սակայն, բացի նվերներից՝ նրանք քար են տանում տան տերերին, և ինչքան ծանր, այնքան լավ: Սա, իհարկե, մեզ համար տարօրինակ է, բայց Հունաստանում կարծում են, որ որքան ծանր է այդ քարը, այնքան ավելի ծանր է իրենց դրամապանակը լինելու գալիք տարում:
Համաձայն մեկ այլ հունական ավանդույթի ՝ ընտանիքի ավագ անդամը պետք է կոտրի նուռը իրենց տան բակում: Եթե նռան հատիկները ցրվեն բակով մեկ, ապա եկող տարում ընտանիքը երջանիկ կյանք կունենա:
