Կարդացին Գեղեցիկ ամառային մանիկյուրը ձեր ոճի և կերպարի գլխավոր մասերից մեկն է, հետևաբար այն պետք է լինի տպավորիչ և օրիգինալ, ընդգծի ձեր անհատականությունը: 2020-ին մատնահարդարման դիզայնի մեջ ակտուալ են բնության, թեթևության, հանգստության թեմաները: Եղունգների դիզայնի շատ տեսակներ մնացել են նախորդ սեզոնից և համալրվել են փոքր լրացումներով: Ստացվում է, նոր միտումները մեզ արդեն հայտնի են նախորդ սեզոնից, սակայն դրանք առավել գրավիչ և նոր շունչ են ստացել:
Ամառային մանիկյուրի ակտուալ գունապնակը
Սեզոնի հիմնական գույնն, ըստ մասնագետների, տիեզերական կապույտ է: Նրբագեղ և անժամանակ իր պարզությամբ՝ այս գույնը գրավում է իր հարստությամբ և բազմազանությամբ: Ամառային սեզոնի մանիկյուրի գունապնակը ներառում է ինչպես տաք կապտավուն երանգներ, այնպես էլ՝ սառը: Կապույտի կատարելությունն ու խորությունը կգնահատի ցանկացած կին:
Նախորդ միտումները նույնպես ակտուալ են` նուրբ նյուդից մինչև վառ ու էքստրեմալ երանգներ, հատկապես բեժ, վարդագույն, կարմիր և դեղին երանգները:
«Տարբեր ձեռքեր» մատնահարդարումը
Մատնահարդարման ամառան նոր ոճերի շարքում ամենահետաքրքիրը «տարբեր ձեռքերն» են` ավանդական ոճից հեռու, հարմար նրանց համար, ովքեր ցանկանում են թարմացնել իրենց տեսքը:Մատնահարդարման այս տեսակը տարբերելը շատ հեշտ է էությունը՝ երկու ձեռքերը ձևավորված են տարբեր կերպ: Մատնահարդարները խորհուրդ են տալիս օգտագործել հակադիր գույնի և ոճի ծածկույթներ: Օրինակ, բաց և մուգ, փայլատ և փայլուն, մոնոխրոմ և փայլիկներով: Մատնահարդարմանն ինքնատիպություն կհաղորդեն նաև նեոնային գույները:
Ամառային ակվարելային եղունգներ
Ի՞նչ կասեք եղունգների վրա ծաղիկների, ամառային լանդշաֆտների նրբագեղ և մանրամասն նկարներ անելու մասին: Ակվարելային մատնահարդարման արվեստը 2020 թվականին ձեռք է բերում լայն տարածում և թույլ է տալիս ստեղծել իսկական գլուխգործոցներ եղունգների վրա` շնորհիվ նուրբ երանգների գունապնակի: Վարպետի քրտնաջան աշխատանքի շնորհիվ ձեր մանիկյուրը կլինի ինքնատիպ և եզակի:
Ամառային մանիկյուր մինիմալիստական ոճով
Դասականը միշտ ակտուալ է մնում: Իսկ ամառային մինիմալիզմը լակոնիկ է և էսթետիկ: Լինելով ամենասիրված և պահանջված եղունգների ձևավորման տարբերակը, այս ոճը գերում է իր պարզությամբ ու բնական լինելով: Եթերային և թեթև ոճը ձեր ամառային եղունգներին կհաղորդի կոկիկություն:
Ամառային նյուդ մանիկյուր
Նույն սպեկտրում է նաև նյուդ մանիկյուրը՝ թեթև և տաք գույների պալիտրայով: Այն չի դադարի պահանջված լինել նաև նոր սեզոնում: Հարմար է ցակացած տարիքի համար և համարվում է եղունգների ձևավորման լավագույ տարբերակներից մեկը յուրաքանչյուր կնոջ համար:
Վառ գրադիենտային մանիկյուր ամառ 2020
Ամեն նոր բան լավ մոռացված է հինն է: Արդեն ոչ ոք չեք զարմացնի օմբրե էֆեկտով գրադիենտային մանիկյուրով: Իսկ ահա անկյունային օմբրե մանիկյուրը կամ գույնի ուղղահայաց անցումն արդեն հայտնի նորույթ է: Փայլն ու հայելայնությունը, նույնիսկ փայլատ թոփը հիանալի լրացնում են եղունգների ընդհանուր տեսքը:
Հատապտուղներով և մրգերով մատնահարդարում
Չզիճելով նոր միտումներին՝ ամռանը վառ մրգերով մանիկյուրի դիզայնը նույնպես ակտուալ է մնանում: Բարձր տրամադրությունն ընդգծեք ամառային գույներով: Եղունգների ձևավորման մեջ խոշոր դետալները գեղեցիկ են նայվում տարբեր խնջույքների ժամանակ և ընդգծում են ձեր վառ անհատականությունը:
Եղունգների երկրաչափական դիզայն
Շատ հեշտ է խառնվել ոճերի բազմազանության մեջ, քանի որ յուրաքանչյուրը գեղեցիկ է յուրովի: Այս հավերժական խնդրի լուծման լավագույն տարբերակը եղունգների երկրաչափական ձևավորումն է: Տարբեր տեխնիկաների հետ համադրությամբ՝ այն կատարյալ է ինչպես նրանց համար, ովքեր սիրում են էքսպերիմենտներ, այնպես էլ՝ դասական դիզայնի սիրահարների համար: Փայլի, գոնային բլոկի և փայլատ ծածկույթի հետ համադրությունները թարմություն են հաղորդում: Կարող եք ազատություն տալ ձեր երևակայությանը և իրագործել ձեր սեփական գաղափարները:
Ծաղկային նկարազարդումներ եղունգների վրա
Կանացիությունն ու ռոմատիզմը սեզոնից սեզոն արտացոլվում են ինչպես զգեստապահարանում, այնպես էլ մատնահարդարման մեջ: Իսկ 2020-ը բացառություն չէ: տաք եղենակին արդիական է ծաղիկների բնական գեղեցկության օգտագործումը եղունգների հարդարման արվեստում: Փորձառու մատնահարդարների ձեռքերով մանիկյուրը վերածվում է արվեստի գործի:
Բույսերը ամառային մատնահարդարման մեջ
Տերևների և ճյուղերի կանաչ պալիտրան և դետալները համահունչ կլինեն անգամ զուսպ և լակոնիկ մանիկյուրի հետ: «Սարդոստայնի» տեխնիկայի օգտագործումն այստեղ ավելի օրգանական է, քան երբևէ:
Բազմագույն մանիկյուր
Ի՞նչ կարող է լինել ավելի գայթակղիչ, քան վերահսկվող քաոսը: Ահա այսպես է կոչվում 2020-ի նոր տենդենցը, որը հսկայական տարածում է ձեռք բերել տարբեր սոցիալական ցանցերում: Եղունգների բազմագույն դիզայնի առանձնահատկությունը դրա ներդաշնակությունն է գույների բազմազան պալիտրայի մեջ: Նեոնը նույնպես ողջունելի է:
Չնայած նրան, որ յուրաքանչյուր եղունգ ներկված է մի գույնով, մասնագետն օգտագործում է մեկ գունային սխեմա և միայն հագեցվածության և երանգների հետ է փորձեր կատարում՝ ստեղծելով յուրահատուկ համադրություններ:
Գունավոր Ֆրենչ
Ահա մի քանի լուսանկարներ ամառային մանիկյուրի համար՝ կարճ և երկար եղունգների ձևավորման համար:
