Կարդացին Samsung ընկերությունը խոստանում է ցուցադրել նորամուծություններ, որոնք նոր սկիզբ կդնեն շարժական սարքերի ոլորտում:
Հունվարի 5-ին Samsung-ը պաշտոնապես հայտարարեց 2020 թվականի փետրվարի 11-ին կայանալիք ամենամյա Unpacked շնորհանդեսի մասին, որի ժամանակ կներկայացվեն նոր Galaxy սմարթֆոնները:
Ըստ TechCrunch-ի և 9to5Google-ի լրագրողների՝ շնորհանդեսին կներկայացվեն ընկերության գլխավոր արտադրանք Galaxy S11-ը (ևս մեկ հնարավոր անուն՝ Galaxy S20) քառակուսի ֆոտոխցիկի մոդուլով, ինչպես նաև ծալվող հեռախոս՝ Galaxy Fold 2-ը:
Galaxy Fold 2-ի հնարավոր դիզայնը
XDA-Developers-ի լրագրողներն առաջինն էին, որ հայտաբերեցին շնորհանդեսի վիդեո-թիզերը Vimeo-ի Samsung-ի պաշտոնական ալիքում: Չնայած, որ ընկերությունը տեսանյութը թաքցրել էր օգտատերերից, այնունամենայնիվ Vimeo-ն «առաջարկված» հոլովակների ցանկում ցույց է տալիս վերջին ներբեռնված տեսանյութերը, որոնցից էլ օգտվել են լրագրողները:
Samsung-ը հաստատել է շնորհանդեսի ամսաթիվն ու հրապարակել է թիզերը և՛ կայքում, և՛ սոցիալական ցանցերում: Շնորհանդեսը տեղի կունենա Սան Ֆրանցիսկոյում: