Կարդացին Սմարթֆոնների շուկան զարգացնելուց զատ՝ Apple-ը և մյուս տեխնոլոգիական ընկերությունները ձգտում են զարգացնել վիրտուալ և արհեստական իրականության ոլորտը: IPhone-ի արտադրողները տարիներ շարունակ այս ոլորտում ռեսուրսներ էին կուտակում՝ գնելով տեխնոլոգիաներ փոքր ընկերություններից և այս նախագծի համար ավելի շատ աշխատողներ հատկացնելով: Facebook-ի, Microsoft-ի և Google-ի պես հակառակորդները նույնպես մեծ ներդրումներ են կատարում (նրանց ծրագրերից են HoloLens և Oculus):
Այնուամենայնիվ, վիրտուալ և արհեստական իրականությունն ամուր հիմքեր ունեն զարգացման համար: Օրինակ՝ ամիսներ առաջ Google-ը դադարեցրեց իր Daydream-ի փորձարկումը, որն օգտագործում էր հեռախոսը VR ականջակալներին էլեկտրամատակարարում ապահովելու համար: Այդ պատճառով էլ խելամիտ է Apple-ի կողմից չշտապելը և ժամանակից շուտ շուկա մուտք չգործելը:
Ըստ The Information-ի նոր զեկույցի՝ Apple-ը նախատեսում է թողարկել իր առաջին AR (արհետական իրականություն) սմարթ սաղավարտը 2022 թվականին, իսկ AR ակնոցները՝ 2023 թվականին:
Երկար ժամանակ է լուրեր են շրջանառվում, որ Apple-ը մտել է նոր իրականության աշխարհ, և տեխնոլոգիական աշխարհում շատերը համարում են դա հաջորդ հիմնական հարթակ AR և VR բջջային սարքերից հետո: Բայց ճշգրիտ թողարկման ամսաթիվն անհայտ էր, քանի որ որոշ վերլուծաբաններ ենթադրում էին, որ այն կգործարկվի 2020 թվականին: Անդրադառնալով Apple-ի ներքին շնորհանդեսներին՝ The Information-ը ենթադրում է, որ այդ ժամկետը կերկարաձգվի մինչև 2022 թվական: Հավանաբար, դրա պատճառը բարդ տեխնոլոգիայի մշակումն է:
Նույն զեկույցում ներկայացված են նաև նոր մանրամասներ Apple-ի AR սաղավարտի մասին (այն ունի N301 ծածկանունը): Սարքը, ենթադրվում է, որ նման է մայիսին թողարկված Oculus Quest սաղավարտի ավելի մեղմ տարբերակին: Այն ունի AR և VR հնարավորություններ, օգտագործում է արտաքին տեսախցիկները՝ օգտագործողի միջավայրը ցուցադրելու համար (ներառյալ մարդկանց, կահույքի ու տարածքի բնույթը): Եվ ունի բարձր որակի էկրան` ինֆորմացիան ցուցադրելու և վիրտուալ առարկաները իրական աշխարհի հետ «խառնելու» համար:
Ըստ Bloomberg-ի`AR/VR համակցված սաղավարտը «ունենալու է խաղային ուղղվածություն , տեսանյութեր դիտելու և վիրտուալ հանդիպումներ կատարելու գորածառույթներ»:
Աշխատակիցներին հայտնել են, որ 2021 թվականից ընկերությունը կապ կհաստատի մշակողների հետ` սաղավարտի ծրագրային մասի մշակման համար:
Արևային ակնոցներ բարակ շրջանակներով
Apple-ը նախատեսում է թողարկել նաև AR ակնոց: Ի տարբերություն սաղավարտների, AR ակնոցները նախատեսված են երկար ժամանակով օգտագործելու համար: Հայտնի է, որ «ժամանակակից նախատիպերը թանկարժեք արևային ակնոցների տեսք ունեն՝ իրենց հաստ շրջանակներով, որտեղ տեղադրված են մարտկոցն ու չիպերը»: Apple-ը նաև ուսումնասիրել է հատուկ ոսպնյակներ, որոնք շահագործման ընթացքում մգանում են՝ շրջապատողներին հասկացնելու համար, որ օգտագործողը զբաղված է:
Երկու սարքերն էլ կօգտագործեն «նոր 3D սենսորային համակարգ»՝ Face ID տեսախցիկի ավելի առաջադեմ տարբերակը, որը կարելի է գտնել iPhone-ում և iPad Pro-ում:
Apple-ի գործադիր տնօրեն Թիմ Քուքն ավելի վաղ նշել էր, որարհեստական իրականությունը «սմարթֆոնի պես հզոր գաղափար է», իսկ 2017-ին նշել էր. «Սմարթֆոնը բոլորի համար է»:
Ըստ The Information-ի տեղեկության՝ Apple-ի ղեկավարները հավատում են, որ սարքը կարող է դուրս մղել iPhone-ը շուկայից մոտ մեկ տասնամյակում: