Կարդացին Անգամ ամենահասարակ իրերը, որ մենք սովորաբար դեն ենք նետում, կարող են ծառայել մեզ առօրյա կյանքում և լուծել մի շարք կենցաղային խնդիրներ: Ներկայացնում ենք 9 այդպիսի իրեր, որ կարող եք օգատագործել այլ նպատակներով:
1. Գրենական սեղմիչներ
Դրանք կարող են օգտակար լինել տարբեր իրավիճակներում: Ահա այդ սեղմիչներն օգտագործելու ամենատարածված եղանակները՝
Դրամապանակ
Սա հատկապես օգտակար է ճանապարհորդելիս, երբ դուք չեք ցանկանում ձեզ հետ մեծ դրամապանակ կրել: Պարզապես միասին ծալեք թղթադրամներն ու բանկային քարտերը և ամրացրեք դրանք սեղմիչով:
Նկարների շրջանակ
Սեղմիչի օգնությամբ լուսանկարը կարելի է փակցնել պատին կամ տեղադրել սեղանի վրա:
Ատամի մածուկի քամիչ
Եթե ատամի մածուկն անսպասելի վերջանում է, ծալեք սրվակը և ամրացրեք սեղմիչով. այսպես ավելի հեշտ կլինի քամել ամբողջ պարունակություն:
2. Ալյումինե փայլաթիթեղ
Սա անփոխարինելի իր է: Փայլաթիթեղը կանխում է խոնավության ու հոտերի ներթափանցումը, դիմակայում է բարձր ջերմաստիճանին և կարող է ցանկացած ձև ստանալ: Այն նաև կարող է այլ ձևորով էլ կիրառվել՝
Սպասքի խոզանակ
Նրբաթիթեղը ծալեք գնդիկի ձևով և օգտագործեք որպես թավաների և կաթսաների նստվածքները մաքրելու համար:
Արծաթ մաքրող միջոց
Խամրած արծաթե իրերը դրեք ալյումինե փայլաթիթեղով և եռման ջրով ապակե ամանի մեջ: Դրանից հետո ավելացրեք երկու թեյի գդալ աղ: Մի քանի րոպե անց արծաթի վրայի շերտը կլուծվի:
Մկրատների սրիչ
Եթե մկրատը բթացել է, պարզապես կտրեք դրանով փայլաթիթեղի մի կտոր:
3. Հին էլեկտրական սարքեր
Համակարգիչները, հեռուստացույցները և սմարթֆոնները շուտ են հնանում: Բայց մի շտապեք դրանք դեն նետել:
Մեկ միլիոն նոութբուքերի վերամշակումը խնայում է նույնքան էներգիա, որքան մեկ տարվա ընթացքում օգտագործում է 3500 ընտանիք: Իսկ մեկ միլիոն բջջային հեռախոսների վերամշակման արդյունքում խնայվում է 15,876 կգ պղինձ, 350 կգ արծաթ, 34 կգ ոսկի և 15 կգ պալադիում:
Այնպես որ, փնտրեք ձեր քաղաքում էլեկտրոնիկայի հավաքման կետեր կամ նվիրեք կարիքավոր մարդկանց:
4. Գինու խցաններ
Նշումների տախտակ
Սոսնձեք խցանները ստվարաթղթի կամ շրջանակի վրա՝ դրանք դնելով շրջանի, սրտիկի կամ ցանկացած այլ տեսքով: Այդպիսի տախտակի վրա կարող եք գրառումներ և լուսանկարներ փակցնել:
Լոգարանի գորգ
Խցանները կտրեք և օգտագործելով տաք սոսինձ՝ հարթ կողմը սոսնձեք սովորական ռետինե գորգի վրա:
Բանալիների կախազարդ
Պարզապես խցանը հետ ամրացրեք պտուտակին և կցեք բանալիները:
Աղմուկի մեկուսացում
Խցանները կտրատեք բարակ կտորների և սոսնձեք դրանք պահարանների դռների ներսից, որպեսզի դրանք անաղմուկ փակվեն:
5. Սոուսների պլաստիկ շշերը
Մի նետեք քեչուպի և այլ սոուսների փափուկ պլաստիկ շշերը: Խոհարարները դրանց մեջ լցնում են ձեթն ու սեփական սոուսները, քանի որ դրանք թույլ են տալիս հեշտությամբ վերահսկել ավելացված հեղուկի քանակը: Այս նպատակով կարող եք նաև շշեր օգտագործել:
Փորձեք նաև նման շշի մեջ նրբաբլիթի խմոր լցնել, քանի որ այն կօգնի ճիշտ քանակությամբ խմոր լցնել թավայի մեջ:
6. Փաթեթներ
• Ձեր ընտանի կենդանու համար պատրաստեք բարձեր՝ օգտագործված պլաստիկ փաթեթները հին բարձի մեջ լցնելով:
• Կոտրվող իրեր տեղափոխելիս՝ պաշտպանեք դրանք տուփի դատարկ մասերը լցնելով տոպրակներով:
• Լոգարանը մաքրելիս՝ օգտագործեք դրանք որպես ձեռնոցներ:
7. Հին շապիկներ
Եթե շապիկն ընդհանրապես պիտանի չէ, օգտագործեք այն որպես մաքրող անձեռոցիկ: Բամբակյա կտորը հիանալի մաքրում է փոշին:
Ո՞ր հնարքներն եք օգտագործում դուք: Կիսվեք մեզ հետ մեր ֆեյսբուքյան էջի մեկնաբանություններում: