Կարդացին Խնամքի և մեյքափի պարագաների պահանջարկն օր օրի աճում է և արտադրողներն ամեն օր մի նոր պրոդուկտ են ներկայացնում սպառողին։
Որակյալ կոսմետիկայի արտադրությանը զուգահեռ ամեն օր ավելանում են նաև կեղծ ապրանքները և
Ներկայացնում ենք մի քանի պարզ կանոն, թե ինչպես կարելի է տարբերել օրիգինալ արտադրանքը կեղծիքից։
1․ Փաթեթավորում
Բրենդերը երբեք չեն խնայում որակյալ փաթեթավորման վրա և գերադասում են օգտագործել որակյալ նյութեր։ Եթե փաթեթավորումն արված է ստվարաթղթով, ապա այն չպետք է լինի ճմրթված, գունաթափված կամ շատ բարակ։ Անպայման տուփի վրա պետք է լինի պոլիէթիլենային շերտ։
2․ Անվանում
Հաճախ կեղծ ապրանք արտադրողները հեղինակային իրավունքների վերաբերյալ գլխացավանքներ չունենալու համար, փոխում են անվան մեջ 2 տառերի տեղերը կամ ինչ-որ տառ են ավելացնում, որը մարդիկ մեծամասամբ չեն նկատում։ (օր․՝ Dior-ի փոխարեն գրելով Diior)
3. Բաղադրությունը
Բոլոր կոսմետիկ միջոցներն ունեն հստակ բաղադրություն, որը մանրամասնորեն ներկայացվում է տուփի ետնամասում։
Եթե կասկածում եք ապրանքի օրիգինալության վրա, ապա պարզապես կարող եք մտնել տվյալ արտադրողի պաշտոնական կայքը, գտնել տվյալ ապրանքը և համեմատել բաղադրությունը խանութի ներկայացրած ապրանքի բաղադրության հետ։
4․ Կոմպլեկտացիա
Մինչ խանութ գնալը ցանկալի է օրիգինալ վաճառողի կայքում ուսումնասիրել, թե ինչպիսի կոմպլեկտացիա ունի տվյալ արտադրանքը, այսինքն՝ ինչ է ներառվում նրա մեջ։ Ենթադրենք, գնում եք դիմափոշի և պաշտոնական կայքում նշված է, որ այն իր մեջ ներառում է նաև հայելի և վրձին։ Վերջիններիս բացակայության դեպքում վստահ եղեք՝ գործ ունեք կեղծ ապրանքի հետ։
5․ Տեստերներ
Օրիգինալ արտադրողները՝ գնորդների հետ հետագայում խնդիրներ չունենալու համար, խանութներում միշտ ունենում են տեստերներ։ Կեղծ կոսմետիկա վաճառող խանութներում դրանք այդքան էլ հաճախ չեք գտնի։
6․Գին
Եթե որևէ ապրանքի ինքնարժեքը ենթադրենք 15$ է, ապա նույնիսկ տեսականորեն այն զեղչի ժամանակ չի կարող վաճառվել 5$-ով։ Մի՛ խաբվեք էժան գներին։