Կարդացին SpaceX-ը պլանավորել է առաջին զբոսաշրջային թռիչքը դեպի ուղեծիր 2021 թվականի վերջին:
Այս թռիչքը կսահմանի մասնավոր տիեզերական թռիչքների համար բարձրության համաշխարհային ռեկորդը, հայտնում է ծրագրի աշխատողներից մեկը:
SpaceX-ը համաձայնագիր է կնքել ամերիկյան տիեզերական տուրիզմի Space Adventures ընկերության հետ՝ 4 հոգանոց ուղեծրով շրջագայություն կազմակերպելու համար, հայտնում է Space.com-ը՝ վկայակոչելով Space Adventures-ին:
Շրջագայությունը կտևի մինչև հինգ օր: Այն կարող է գործարկվել արդեն 2021 թվականի վերջին, հայտնել են ընկերությունում:
Տուրիստական թռիչքի համար Space Adventures-նօգտագործելու է օդաչուավար Crew Dragon տիեզերանավը և Falcon 9 հրթիռը: Զբոսաշրջիկները չեն այցելելու միջազգային տիեզերական կայան. տիեզերանավը կսավառնի օրբիտայում՝ որպես ազատ թռչող սարք:
Այս չվերթը կսահմանի մասնավոր տիեզերական թռիչքների համար բարձրության համաշխահային ռեկորդ, նշվում է Space Adventures-ում: Ընկերությունները չեն հայտնել տիեզերական թռիչքի ճշգրիտ արժեքը, սակայն մեկ տեղի արժեքը կլինի մոտավորապես նույնը, ինչ մյուս առևտրային չվերթներում:
Space Adventures-ը 7 զբոսաշրջիկների համար կազմակերպել է 8 չվերթ: Այս բոլոր թռիչքներն արժեցել են «տասնյակ միլիոնավոր դոլարներ», - նշում է հրատարակությունը: Օրինակ՝ Cirque du Soleil-ի հիմնադիր Գայ Լալիբերտը 2009 թվականին վճարել է 35 միլիոն դոլար դեպի ուղեծիր 11 օրյա տուրի համար:
Space Adventures-ը համագործակցում է նաև Roskosmos-ի հետ, հիշեցնում է Space.com-ը: Գործընկերները նախատեսում են երկու զբոսաշրջիկների ուղարկել օրբիտա Soyuz տիեզերանավիով 2021 թվականին: