Կարդացին Ներկայացնում ենք այն վայրերը, որոնց շուրջ լեգենդներ են հյուսվում աշխարհով մեկ: Ահա այդ 5 առեղծվածային վայրերը լեգենդների սիրահարների համար:
Ֆլայ գեյզեր, ԱՄՆ
«Թռչող» գեյզերը մինչև 15մ բարձրությամբ տաք ջրի շիթեր Է բաց թողնում՝ ստեղծելով իր շուրջ հանքային պաշարների «մինի-հրաբուխ»: Գիտնականները պնդում են, որ մեր մոլորակի մակերեսը հենց այսպիսի տեսք է ունեցել միլիոնավոր տարիներ առաջ: Գեյզերը տեղակայված է մասնավոր ագարակի տարածքում, և դրանով հիանալու համար ձեզ հարկավոր է սեփականատիրոջ թույլտվությունը: Բայց դա չի խանգարում զբոսաշրջիկներին: Մարդիկ հավատում են, որ եթե լվացվեք գեյզերի ջրով, կյանքը կդառնա ավելի պայծառ ու երջանիկ:
Գայոլայի կղզիներ, Իտալիա
Նեապոլյան ծոցում` Կամպանիայի ափերին կա 2 չքնաղագեղ փոքր կղզի: Դրանք իրար են կապված փոքր կամուրջով: Կղզիներից մեկն անմարդաբնակ է, մյուսի վրա կառուցված է մի մեծ առանձնատուն: Բայց այնտեղ ոչ ոք չի ապրում: Այա վայրը համարվում է անիծյալ: Բոլոր տերերն իբրև մահանում են տարօրինակ պայմաններում, սնանկանում են, հայտվում բանտերում և հոգեբուժարաններում: Կղզիների նման համբավի պատճառով սեփականատեր չկա, առանձնատունը լքված է: Երբեմն այստեղ են գալիս խիզախ զբոսաշրջիկներ, լուսանկարիչներ և լրագրողներ:
Կատատումբո գետ, Վենեսուելա
Այն վայրում, որտեղ Կատատումբո գետը թափվում է Մարակայբո լիճ, նկատվում է մի յուրահատուկ մթնոլորտային երևույթ. գրեթե ամեն գիշեր երկինքը լուսավորում են առանց ամպրոպ կայծակները: Դրանց քանակը մեկ տարվա ընթացքում գերազանցում է մեկ միլիոնը: Երևույթը տեսանելի է հարյուրավոր կիլոմետրեր հեռավորության վրա: Գիտնականները պարզել են երևույթի պատճառը, բայց դրա արտառոց գեղեցկությունը միևնույն է տեղի է տալիս սնոտիապաշտության և լեգենդների առաջացմանը: 1595 թվականին Կատատումբոյի կայծակները փրկեցին Մարակայբո քաղաքը ծովահեն Ֆրենսիս Դրեյքի հարձակումից. կայծակի լույսի շնորհիվ բնիկները տեսան նավերի մոտենալը, կարողացան պատրաստվել և հակահարված տալ:
Մաչու-Պիկչու, Պերու
Մաչու-Պիկչուն կառուցվել է 15-րդ դարում, սակայն 1532 թվանանին տեղի բնակիչները թողել են իրենց տները, պալատներն ու խորանները և հեռացել են: Իսկ ու՞ր են հեռացել և ինչու՞: Ըստ պատմաբանների՝ Ինկերի կայսրության էլիտան ապրում էր Մաչու-Պիկչուում, և կայսրության անկման օրերին բնակիչները պարզապես հեռացել են ավելի լավ կյանք գտնելու: Համաձայն ժողովրդական հավատալիքների՝ կայսրությունը փրկելու նպատակով բնակչության մեծ մասին զոհաբերել են աստվածներին: Բայց սրանք ընդամենը վարկածներ են:
Հեյզու, Չինաստան
Չինաստանի հարավում գտնվում է աշխարհի ամենացնցող անոմալ գոտիներից մեկը` Հեյզու հովիտը, որը թարգմանաբար նշանակում է «Սև բամբուկի հովիտ»: Այստեղ խորհրդավոր պայմաններում տեղի են ունենում դժբախտ պատահարներ, և մարդիկ անհետանում են խիտ մառախուղի մեջ: Պատճառներն անհայտ են մնում: Ոմանք կարծում են, որ անտառում աճում են բույսեր, որոնք արտադրում են թունավոր նյութեր: Մյուսները կարծում են, որ տարօրինակ իրադարձությունների պատճառն ուժեղ գեոմագնիսական ճառագայթումն է: Իսկ առեղծվածների սիրահարները պնդում են, որ հովտում զուգահեռ աշխարհ տանող պորտալ կա:
