Կարդացին Համաձայն որոշ վիճակագրությունների՝ 1960-ականներին ամբողջ աշխարհում միջին հաշվով կանայք ունենում էին հինգ երեխա, իսկ արդեն 2018-ին՝ ընդամենը երկու: Ի թիվս այլ օբյեկտիվ պատճառների, ծնողները հաճախ մտահոգվում են ֆինանսական խնդիրներով և որոշում են ունենալ միայն մեկ կամ երկու երեխա: Այնուամենայնիվ, փորձառու մայրերը գիտեն, թե ինչպես կարելի է գումար խնայել երեխաների վրա՝ առանց նրանց վնասելու:
Փորձառու ծնողները նշել են մի շարք իրեր, որոնց վրա հարկ չկա մեծ գումարներ ծախսել, քանի որ ոչ դուք, ոչ էլ ձեր երեխան նույնիսկ չեք նկատի դա:
Նորածնի օրորոց
Ծնողները նշել են, որ նորածնի օրորոց գնելն ամենատարածված ավելորդ ծախսերից մեկն է եղել: Հղի կանայք երբեմն շատ զգացմունքային և սենտիմենտալ են, և փոքրիկ օրորոցը՝ ամբողջովին ժանյակապատ, «խնդրում է» գնել իրեն: Սակայն, փաստորեն, պարզվում է, որ երեխայի համար ավելի անվտանգ է քնել իր մոր կողքին, պատկերների նկատմամբ էլ փոքրիկն անտարբեր է, իսկ մի քանի ամիս հետո էլ նա ընդհանրապես չի տեղավորվելու նման անկողնում:
Եթե օրորոցի վրա գրված է, որ այն նախատեսված է մինչև 5 ամսական երեխաների համար, այն գնելն անիմաստ է: Գործնականում, մեր օրերում երեխաներն ավելի վաղ են մեծանում և բավականին հմտորեն սկսում են կախվել փոքր օրորոցից: Մի քանի անգամ նկատեցի, որ դուստրս հստակ պլանավորում էր փախչել այդ բոլոր օրորոցներից, և նրան տեղափոխեցի պակաս գեղեցիկ՝ հասարակ մահճակալ: Եվ գիտե՞ք ինչ: Դուստրս չի էլ նկատել փոփոխությունը:
Մեր տղան հենց ծննդյան օրից օրորոցի համար չափազանց մեծ էր և մենք պարզապես ստիպված էինք սովորական մանկական մահճակալ գնել:
Հագուստ՝ «կմեծանա, կհագնի»
Երբեմն հաջորդ սեզոնի համար կարող եք շահավետ գնով կամ զեղչով իրեր գնել: Բայց չափազանց մեծ չափսի հագուստ գնելն այդքան էլ լավ գաղափարը չէ: Դժվար թե կարողանաք ճշգրիտ կանխատեսել, թե ինչ հասակի կլինի ձեր երեխան, ինչ չափի հագուստ կլինի նրան համապատասխան, երբ գա ժամանակը և սեզոնը մեկ տարի առաջ գնված զգեստը հագցնելու համար:
Տարաներով պյուրե
Պատրաստի կերակուրներով ձեր երեխային կերակրելն արագ և հարմար է: Այնուամենայնիվ, այդպիսի մանկական կերերը էժան չեն, և երեխան էլ, որպես կանոն, չի ուտում ամբողջը, իսկ մեկ օր անց դուք ստիպված եք թափել մնացորդները: Փոխարենը դուք կարող եք ինքներդ պատրաստել կարտոֆիլի պյուրե անհրաժեշտ քանակությամբ և խնայել պատշաճ գումար:
Ոչինչ չի փոխարինի տնական սնունդին: Մենք շոգեխաշում էինք բանջարեղենը և մանրացնում դրանք ձեռքի բլենդերով: Կարող եք միանգամից ավել պատրաստել կարտոֆիլի պյուրեն և մի քանի օր պահել սառնարանում: Մեր փոքրիկին դուր էր գալիս այս կերակուրը, և դա չէր վնասում մեր բյուջեին:
Մերսում
Եթե երեխայի համար չկա բժշկի կողմից հատուկ ցուցում, և դուք պարզապես ցանկանում եք ձեր երեխային տալ ընդհանուր ամրացնող մերսում, դա արեք ինքներդ: Ինտերնետը լի է ձեռնարկներով և տեսանյութերով: Ամենակարևորը՝ ընտրեք հեղինակավոր աղբյուրներ, որոնց կարող եք վստահել:
Քայլակներ
Նման փոքր իրերը ակտուալ են մեկ կամ երկու ամիս, սակայն դրանց մեջ երեխան չի մնում այնքան, ինչքան կցանկանար մայրիկը: Բացի այդ, ինչպես ասում են մանկաբույժները, քայլակները չեն սովորեցնում երեխային քայլել, այլ, ընդհակառակը, կարող են դանդաղեցնել այս գործընթացը:
Սեղանիկ՝ երեխայի հագուստը փոխելու համար
Թերեւս, առաջին 3-4 ամիսների ընթացքում հարմար կլինի երեխայի հագուստը փոխել հատուկ սեղանի վրա, այլ ոչ թե՝ բազմոցի կամ մահճակալի: Այնուամենայնիվ, երբ երեխան սովորում է գլորվել, այս սեղանիկը վտանգավոր է դառնում, և դուք երեխայի հագուստը փոխելու եք անկողնու վրա: Հետևաբար, կամ կարող եք հրաժարվել նման սեղանիկներից, կամ կարող եք հետևել այս հնարամիտ երիտասարդ հայրիկի օրինակին:
Խանութներում հարմարավետ կահույքի մեծ տեսականի կա, բայց փոքրիկ բնակարանում դրանք տեղավորելը խնդիր է,դրանց գինը՝ նույնպես: Ես գտա լավ լուծում: Չափում ենք մահճակալը և որպես հիմք վերցնում ենք տախտակի ցանկացած համապատասխան կտոր: Կտրում ենք հիմքը և կողմերը, ամրացնում ենք կողմերը պտուտակներով: Կաշվից պատրաստում ենք ծածկոց և կտրում այն մեքենայով: Ծածկոցն ամրացնում ենք կահույքին: Անհրաժեշտության դեպքում, այս հարմարանքը տեղադրվում է բազմոցի, բազկաթոռի կամ նույնիսկ հատակի վրա. այն փափուկ է, հարմարավետ, և կողմերը թույլ չեն տա, որ երեխան ընկնի:
Հագուստ նորածնի համար
Ապագա մայրերը ցանկանում են ամենալավը գնել իրենց երեխայի համար և հաճախ գնում են բազմաթիվ գունագեղ ներքնազգեստներ, տոտիկներ և շապիկներ, հաշվի չառնելով, որ երեխաներն այնքան արագ են աճում, որ ժամանակ չունեն կրելու այդ ամենը: Հետևաբար, եթե դուք ունեք ընկերներ, որոնք լավ պահված նորածինների հագուստ են տալիս ձեզ, հանգիստ կարող եք վերցնել դրանք :
Տակաշորեր
Տակաշորերի հետ կապված իրավիճակը հակառակն է. Դրանք շատ պետք կգան ձեզ, եթե չեք պատրաստվում անընդհատ երեխային պահել տակդիրներով: Տակդիրները ոչ միայն օգտակար չեն, այլև՝ թանկ են: Գնեք մի քանի հաստ և մի քանի բարակ տակաշորեր, որոնցով երեխային կարող եք տանել զբոսանքի: Տնային օգտագործման համար էլ կարող եք կարել տարբեր տակաշորերը:
Ռադիոդայակ
Ժամանակակից ծնողները ձգտում են ձեռք բերել բոլոր նոր հայտնաբերված գյուտերը, որոնք կօգնեն հոգ տանել երեխայի մասին: Իրականում, մանկական ռադիոդայակը կարող է օգտակար լինել միայն այն դեպքում, եթե դուք ապրում եք մեծ առանձնատանը և ձեր երեխայից 30 մետր հեռու եք քնում: Մնացած բոլոր դեպքերում, հաստատ կլսեք, երբ երեխան արթնանա և ուշադրություն պահանջի:
Մանկական կոսմետիկ միջոցներ
Ավելի լավ է նորածնին լողացնել խոտաբույսերի եփուկներով, այլ ոչ թե գնված լոգանքի պարագաներով: Հանգիստ կարող եք վերցրել տնային արտադրության շամպուններ և օճառներ: Որպես կանոն, դրանք բաղադրությամբ չեն տարբերվում գովազդվող ապրանքանիշերից, բայց գինը շատ ավելի ցածր է: Իսկ շատ քսուքներ ու փոշիներ և տարբեր յուղեր երբեմն ընդհանրապես անհրաժեշտ չեն երեխայի համար:
Առաջին օրերին ես այնքան քսուքներ էի քսել երեխայի վրա, քանի որ բոլոր գովազդներում ասվում է. «Գնե՛ք և քսեք»: Մի օր պարզապես մոռացա քսել կրեմը և հագցրեցի տակդիրը՝ առանց որևէ քսուք կիրառելու: Արդեն տանը՝ տակդիրը հանելով, ես նկատեցի, որ իսկապես տարբերություն չկա՝ կրեմով, թե առանց դրա: Եվ հետո ես հասկացա, թե որքան գումար ենք վատնել ավելորդ միջոցների վրա:
Օրորոցի պարագաներ
Եթե եզրերը իսկապես կարող են հարմար լինել, ապա հովանոցը միանգամայն անօգուտ և փոշի կլանող իր է, որը ծնողները սովորաբար հանում են երեխայի ծնվելուց հետո մի քանի օրվա ընթացքում: Նորածին երեխան բարձի կարիք նույնպես չունի. ապացուցված է, որ դա միայն վնասում է նորածիններին, ինչպես նաև վերմակը, քանի որ այն կարող է հանգեցնել գերտաքացման:
Էլեգանտ զգեստներ և կոստյումներ
Երեխային հաջողվում է առավելագույնը 3 անգամ հագնել մի զգեստը, նախքան մեծանալը: Թեմատիկ հագուստները հիմնականում նախատեսված են որոշակի տոների համար և հագցնել դրանք երեխային հնարավոր է միայն մեկ անգամ: Հետևաբար, հանդերձանքը վարձելը շատ ավելի ձեռնտու է՝ մոտ 3-4 անգամ ավելի էժան, քան նոր զգեստ գնելը:
Ես հաճախ եմ օգտվում վարձակալման սրահների ծառայություններից: Ես հագուստ եմ վարձում բոլոր տոնակատարությունների և միջոցառումների համար, նաև ֆոտոսեսիայի մասնակցելիս և՛ ինձ, և՛ երեխաների համար: Գները բավականաչափ ողջամիտ են: Դա ավելի լավ է, քան մեկ օրվա համար հագուստ գնելը:
Իսկ քանի՞ երեխա ունեք և ո՞ր կետերի հետ եք համաձայն: Կիսվեք մեզ հետ ձեր կարծիքով: