Կարդացին Հարգելի ընթերցող, սիրով ողջունում ենք ձեզ մեր բլոգում, քանի որ սա մեր առաջին նյութն է ցանկանում ենք մանրամասն պատմել ձեզ «Ubimarket»-ի մասին։
Նախ առաջարկում ենք եւս մի անգամ վերհիշել, թե ինչ է «Ubimarket»-ը.
Ubimarket-ն ապրանքների որոնման առցանց համակարգ է, որն ունի տարբեր ոլորտային ուղղվածություն ունեցող ապրանքատեսականուց բաղկացած մեծ բազա։ Այն օգնում է գնորդներին հեշտությամբ ծանոթանալ խանութների տեսականիներին, տեղյակ լինել զեղչերից եւ համեմատել շուկայում առկա գները։
Բոլոր առցանց խանութները կարող են ներկայացնել իրենց ապրանքատեսականիները եւ դրա հետ կապված ողջ ինֆորմացիան մեր համակարգում եւ ունենալ մարքեթինգային անվճար հարթակ ու թիրախավորված լսարան։
Ինչպես առաջացավ գաղափարը
21-րդ դարն արդարացիորեն կարելի է համարել ինֆորմացիոն համակարգերի ժամանակաշրջան։
Բոլորս ամեն օր այս կամ այն կերպ առնչվում ենք համացանցին եւ ակամա ստանում ինչպես պիտանի, այնպես էլ ոչ պիտանի ինֆորմացիա,որն ուղղակի ծանրաբեռնում է մեր ուղեղը։ Ենթադրենք համացանցով փնտրում եք որեւէ իր, որը ցանկանում եք գնել։Ցանկալի տարբերակը գտնելու համար վստահ ենք, որ փորփրում եք մի քանի կայք, համեմատում եք տեսականիները, գները, առավելություններնու թերությունները։ Համաձայնեք, շատ ժամանակատար է։
Քանի, որ մենք եւս սիրում ենք առցանց գնումներ, ուստի որոշեցինք ստեղծել մի այնպիսի համակարգ, որը կհեշտացնի բոլորիս գործը եւ հնարավորություն կտա միանգամից մի քանի վաճառողի ապրանքատեսականու ծանոթանալ եւ համեմատականներ անցկացնել։
Գրավիչ է հնչում, այնպես չէ՞։
Այլեւս կարիք չի լինի մի քանի կայքում նույն ապրանքը որոնել, մենք դա անելու ենք Ձեր փոխարեն եւ ներկայացնելու ենք արդյունքը։
Այսուհետ դուք կկարողանաք առանց տանից դուրս գալու «շրջել» տարբեր խանութներով, ծանոթանալ տեսականիներին, տեղեկանալ զեղչերի եւ ակցիաների մասին եւ թողնել ձեր կարծիքը տվյալ ապրանքի վերաբերյալ։
Ubimarket-ում ներկայացված են լինելու ոչ միայն տեղական, այլեւ ամբողջ աշխարհի առցանց խանութները։
Հնարավորությունները
Ubimarket-ում ներկայացված խանութներից գնումներ կարող են անել եւ՛ Հայաստանից, եւ՛ նրա սահմաններից դուրս։
Ubimarket-ը խանութների համար շատ պարզ մարքեթինգային գործիք է, որի օգնությամբ ավելի հեշտ կլինի ներկայացնել ապրանքները եւ մատուցել հենց այն օգտատերերին, ովքեր նմանատիպ ապրանքներ են որոնում համացանցում։
Ubimarket Blog
Մեր բլոգում մենք պարբերաբար անդրադառնալու ենք տարբեր թեմաների, անելու ենք վերլուծություններ, համեմատելու ենք տարբեր ապրանքներ։ Կխոսենք առցանց գնումների, դրանց էֆեկտիվ կազմակերպման եւ գնորդների նախասիրությունների մասին։
Մի խոսքով խոսելու ենք այն ամենից, ինչը հետաքրքրում եւ հուզում է բոլորիս։
Կօգնենք ճիշտ կողմնորոշվել գնումներ անելիս՝ ներկայացնելով տարբեր մասնագետների կարծիքն այս կամ այն ապրանքի վերաբերյալ եւ բերելով հիմնավորված փաստեր։
Օրինակ, եթե դուք ապագա մայրիկ եք եւ փնտրում եք մանկասայլակ ձեր փոքրիկի համար, կամ փնտրում եք ինչ-որ նվեր սիրելիներին ուրախացնելու համար, ուրեմն բաց մի թողեք մեր բլոգի նյութերը, քանի որ մենք մանրամասն պատմելու ենք՝ ինչ գնել, ինչու եւ որտեղից գտնել։
Իհարկե, մեր բլոգը լինելու է շատ ինտերակտիվ եւ անչափ կարեւոր են ձեր ակտիվությունն ու կարծիքները։
Ubimarket-ի մեկնարկը
Այսօր՝ տրվում է Բետա մեկնարկը՝ խանութների համար, եւ այսօրվանից սկսած խանութները կկարողանան մուտք գործել համակարգ եւ ավելացնել իրենց ապրանքները։
Հոկտեմբերին նախատեսվում է համակարգի հիմնական մեկնարկը։
Կցանկանայինք ավելացնել, որ համակարգը լինելու է վեբ-կայքի եւ ios ու android հավելվածների տեսքով։
Սիրով՝ Ubimarket թիմ