Կարդացին Արդեն մի քանի օրից՝ նոյեմբերի 11-ին, չինական AliExpress-ում հայտնի «11.11» ակցիայի շրջանակում կմեկնարկեն տարվա գլխավոր զեղչերը: Կազմակերպիչները շոփինգի սիրահարներին մինչև 90% զեղչեր են խոստանում, և այն էլ՝ բոլոր ապրանքատեսակների համար: Եկեք հասկանանք՝ ի՞նչ է պետք իմանալ խոշորագույն ակցիաներից այս մեկի մասին:
Երբ կսկսվեն զեղչերը
Ակցիայի նախապատրաստական շրջանն արդեն իսկ սկսվել է՝ AliExpress-ում ամեն օր կարելի է զեղչերի կուպոններ հավաքել ու զամբյուղ ուղարկել անհրաժեշտ ապրանքները: Բուն զեղչերը կմեկնարկեն նոյեմբերի 11-ին՝ Երևանի ժամանակով ժամը 12:00-ին, ու կտևեն մինչև նոյեմբերի 13-ը՝ ժ. 11:59-ը: Փաստացի, զեղչերից հնարավոր է օգտվել երկու օրվա ընթացքում:
Նախորդ տարվանից ելնելով՝ կարելի է ենթադել, որ որոշ վաճառողներ այս տարի ևս կորոշել ենկարաձգել զեղչերը, քանի որ սովորաբար սերվերների մեծ ծանրաբեռնվածության պատճառով ոչ բոլորին է հաջողվում գրանցել պատվերները: Արդյունքում՝ «11.11» զեղչերը բազմաթիվ կատեգորիաների համար կարող են գործել մոտ երկու շաբաթ:
Ինչպես է ընթանում ակցիան
Հարմարավետության համար AliExpress-ն արդեն ստեղծել է տասնյակ էջեր՝ ըստ ապրանքատեսակների, որտեղ հավաքված են ամենաձեռնտու ու, ինչու ոչ՝ հաճելի առաջարկները: Օրինակ՝ կարելի է ուսումնասիրել վաճառքների առաջատարներին, այցելել հայտնի ընկերությունների ֆիրմային խանութներ կամ ստուգել ամենամեծ զեղչերով բաժինը:
Ակցիայի մասնակիցները կարող են նախապես ամրագրել ընտրված ապրանքը. դրա համար անհրաժեշտ է այն ուղարկել զամբյուղ ու վճարել դրա արժեքի 10%-ը: Ամրագրումը, այսպիսով, կերաշխավորի, որ ձեր ցանկացած ապրանքը կարողանաք գնել էլ ավելի ցածր գնող՝ ամբողջական մուծումը կատարելով «11.11»-ի մեկնարկից հետո:
Ինչ տեսակի կուպոններ են լինում
Առավելագույն տնտեսման համար անհրաժեշտ է կուպոններ օգտագործել: Դրանք երեք տեսակի են լինում՝ AliExpress-ի տրամադրած կարմիրները, հատուկ կամ վաճառողների տրամադրած դեղինները, և հատուկ նշանով նշվածները: AliExpress-ն իր կուպոնները տրամադրում է զեղչերի էջերն այցելելու ընթացքում. դրանք նաև կարելի է ձեռք բերել մինի-խաղերում՝ ակցիայի հատուկ էջում:
Վաճառողներն իրենց կուպոնները բաժանում են անվճար՝ կուպոնների կենտրոնում: Դրանք կարող են կիրառվել միայն այն խանութներում, որոնք էլ տրամադրում են: Եվ վերջապես հատուկ կուպոնները ամեն ապրանքի համար զեղչ են ենթադրում ու հարմար են նրանով, որ դրանք կարելի է առանց սահմանափակումների համադրել այլ կուպոնների հետ: Դրանք, ի դեպ, տրամադրվում են կայքում տարբեր աշխուժություններին մասնակցելու համար:
Ինչ զեղչեր են սպասվում
«11.11» ակցիայի ընթացքում իրոք կարելի է տնտեսել, բայց, ամեն դեպքում, անհրաժեշտ է նախապես պատրաստվել գնումների ու գնահատել զեղչերի չափը: Բանն այն է, որ AliExpress-ի վաճառողների մեծ մասը ակցիայի մեկնարկից մի շաբաթ առաջ բավականին բարձրացնում են գները, իսկ հետո 60-70%-անոց «լավ» զեղչեր առաջարկում:
Սովորաբար բոլոր զեղչերը բաժանվում են երեք տեսակի՝ կեղծ, պայմանական ու շահավետ: Հասկանալու համար՝ որ զեղչն է ձեզ հանդիպել, կարելի է բրաուզերների համար հատուկ ծրագրեր օգտագործել, որոնք հետևում են գների դինամիկային: Օրինակ, ասում են՝ լավագույններից են AliPrice-ը, LetyShops-ն ու AliTools-ը: Բացի այդ, ապրանքների գների դինամիկային կարելի է հետևել Aliprice.com-ում:
Գնումների ինչ ռիսկեր կան
Զեղչերից օգտվելու են տասնյակ միլիոնավոր մարդիկ ամբողջ աշխարհից: AliExpress-ը զգուշացնում է՝ կայքում գործողությունները կարող են դժվարանալ: Օրինակ՝ կուպոնը չի ակտիվանա, իսկ վճարման էջը «կկախի» ու այն չի անցնի: Դա պայմանավորված է սերվերների հսկայական ծանրաբեռնվածությամբ: Սովորաբար նման խնդիրներ առաջանում են մեկնարկից անմիջապես հետո:
Բացասական կետերից ևս մեկն այն է, որ երկու օրում չինական ընկերությունները տասնյակ միլիոնավոր պատվերներ են ստանում, ինչի արդյունքում առաքման ժամկետները կարող են բավականին երկարել: Օրինակ՝ 2-3 շաբաթվա փոխարեն պատվերը կարող է տեղ հասնել մոտ երկու ամսվա ընթացքում: Այնպես որ, ինչպես ասում են՝ համբերությունը ոսկի է: