Կարդացին Կանայք՝ հանուն արտաքին գեղեցկության պատրաստ են դիմել տարբեր խորամանկությունների: Իսկ ոճաբաններն, ովքեր նորաձևություն թելադրողներն են ու գիտեն ոճի մասին ամեն ինչ տալիս են խորամանկ խորհուրդներ՝ էլ ավելի գեղեցիկ և խնամված տեսք ունենալու համար: Առանձնացրել ենք 7 փոքրիկ խորամանկ խորհուրդներ ոճաբանների կողմից:
Խորհուրդ N1
Պետք է ուշադիր լինել, որ տաբատի տակ դրված շապիկը կամ վերնաշապիկը չհավաքվի և չստեղծի խորդուբորդություններ։ Դրա համար շապիկի եզրերը պետք է փոքր ինչ թույլ թողնել, որպեսզի մարմնի և հագուստի միջև օդ մնա։
Խորհուրդ N2
Ամենօրյա լակոնիկ պայուսակ ընտրելիս խորհուրդ ենք տալիս ընտրել առավել պարզ տարբերակ՝ պարզ կապիչով։ Գույնի ընտրության հարցում դուք միանգամայն ազատ եք, սակայն չմոռանաք նախապատվություն տալ պայուսակի առավել պարզ մոդելներին։ Շղթայով տարբերակները՝ չնայած որ շատ ակտուալ են հիմա, այնուամենայնիվ առավել հարմար են երեկույթների համար։
Խորհուրդ N3
V-աձև կոշիկները վիզուալ ավելի երկար են ցույց տալիս ոտքերը։ Ոչ բարձրահասակ աղջիկները կգնահատեն այս խորհուրդը։ Մաքսիմալ էֆեկտի համար կոշիկի գույնն ընտրեք մարմնագույն կամ ներքևի հագուստի գույն։ Հիշեք, որ նմամ կոշիկներով ոտնաթաթը նույնպես ավելի երկար է երևում։ Այնպես որ, եթե ձեր ոտքի չափսը 39 և ավելի է, խորհուրդ ենք տալիս խուսափել նման կոշիկներ կրելուց։
Խորհուրդ N4
Եթե չգիտեք ինչ համադրել գունավոր և ծաղկավոր կիսաշրջազգեստի հետ, ընտրեք կիսաշրջազգեստի վրայի գույներից մեկով բլուզ։ Օրինակ այս նկարում երկնագույն վերնաշապիկը կրկնում է կիսաշրջազգեստի պրինտի գույնները։ Նույն կանոնը գործում է նաև աքսեսուարներն ընտրելիս՝ պայուսակներ, գոտիներ, ակնոցներ։
Խորհուրդ N5
Կազմեք շոփինգի ցուցակ: Շոփինգ լիստը անհրաժեշտ և մտածված գնումների ցուցակն է։ Սովորաբար նմամ ցուցակ կազմում են զգեստապահարանը վերադասավորելուց հետո, որպեսզի գնեք իրեր, որոնք անհրաժեշտ են ձեր լուքերը լրացնելու համար։ Խորհուրդ ենք տալիս խանութներ այցելելուց և գնումներ կատարելուց առաջ նախ այցելել խանութներով օնլայն՝ ավելի հեշտ կողմնորոշվելու և խելամիտ շոփիմգ կատարելու համար։ Այցելեք Ubimarket.am, շրջեք խանութներով՝ առանց տանից դուրս գալու:
Խորհուրդ N6
Օգտագործեք Իտտենի գունային շրջանը: Գունային շրջանն իսկական օգնական է, որ քեզ կարող է բավականին օգնել գույներն համադրելու հարցում։ Ուսումմասիրեք գույներն ու ստեղծեք գունային տարբերվող համադրություններ։
Խորհուրդ N7
Սվիտերներն ու տրիկոտաժը պահեք դարակներում, որպեսզի գործվածքը չլայնանա։ Պիջակնեդն ու ժակետները պահեք կախիչների վրա՝ կոճկած վիճակում, որպեսզի դրանք պահպանեն իրենց տեսքը և չդեֆորմացվեն։
Նշված խորհուրդներից որո՞նք եք կիրառում դուք: Կիսվեք մեզ հետ մեր ֆեյսբուքյան էջի մեկնաբանություններում: