Կարդացին Ամանորին ամենաքննարկվող միրգն արքայախնձորն է: Դրա մասին ստեղծվում են բազմաթիվ հումորային մեմեր և ամեն ընտանիքում հնչում են զավեշտալի արտահատություններ: Կան մի շարք հետաքրքիր փաստեր արքայախնձորի մասին, որոնք արժե իմանալ իմանալ: Մենք առանձնացրել ենք ամենահետաքրիր 15 փաստերը:
Արքայախնձորը կարող եք աճեցնել ինքներդ
1. Արքայախնձոր աճեցնելն իսկապես հեշտ է: Արքայախնձորները վերածնվում են: Պետք է պարզապես կտրել արքայախնձորի գագաթը և այն կրկին հողի մեջ դնել՝ մասամբ չորացնելուց հետո: Այսպիսով, ցանկության դեպքում կարող եք արքայախնձորի բիզնես սկսել:
2. Մինչև 3 տարի ժամանակ է պահանջվում, որպեսզի արքայախնձորը հասունացած բերք տա: Եթե մշակումը ճիշտ կատարվի, ապա արդյունքն ավելի արագ կլինի:
3. Բերքահավաքը կատարվում է հասունանալուց առաջ, քանի որ հասուն արքայախնձորը թարմ է մնուն առավելագույնը 2 օր նորմալ պայմաններում և առավելագույնը մեկ շաբաթ՝ սառնարանային պայմաններում:
Իսկ երբ Արքայախնձորները հավաքում են հասունանալուց առաջ, հետո նրանք այլևս չեն հասունանում:
Այսպիսով, արքայախնձորի բերքը հավաքում են ամբողջովին հասունանլուց մի փոքր առաջ, որպեսղի այն հնարավոր լինի պահել:
4. Յուրաքանչյուր արքայախնձորի բույս տալիս է ընդամենը 1 պտուղ 1 սեզոնում:
5. Արքայախնձորի բույսը վայրի բնության մեջ կարող է կենդանի մնալ և բերք տալ մինչև 50 տարի:
6. Արքայախնձորի 1 բույսի վրա աճում են 200-ից ավել ծաղիկներ: Այդ ծաղիկներն առանձին պտուղներ են տալիս, որոնք իրար միանալով դառնում են 1 արքայախնձոր: Այդ 200 ծաղիկները սովորաբար ունեն տարբեր գույներ՝ սկսած մանուշակագույնից մինչև կարմիր:
7. Արքայախնձորի միջուկը բաղկացած է 86% ջրից:
Արքայախնձորն օգտակար է մեր օրգանիզմի համար
8. Չափավոր քանակությամբ արքայախնձորն օգտակար է առողջության համար։ Այն բարելավում է մարսողությունը և նոսրացնում է արյունը: Սակայն չպետք է մոռանալ, որ արքայախնձորը հակացուցված է ստամոքսային հիվանդություններ ունեցող մարդկանց:
9. Արքայախնձորը պարունակում է ֆերմենտներ, որոնք հեշտացնում են սպիտակուցների կլանումը մարդու մարմնի կողմից: Արքայախնձորով պատրաստված ուտեստները օգնում են մարսել ճարպը և բարելավում են նյութափոխանակությունը:
10. Տարածված է արքայախնձորի դիետան, որը, սակայն, չպետք է չարաշահել, քանի որ այս միրգը կարող է վնաս պատճառել բերանի լորձաթաղանթին:
11. Արքայախնձորը հարուստ է այնպիսի նյութերով, ինչպիսիք են B և A վիտամինները, կալիումը, երկաթը, կալցիումը, ցինկը, մագնեզիումը, յոդը, ասկորբինաթթուն, մանգանը:
Արքայախնձորը կարելի է ամբողջությամբ օգտագործել
12. Արքայախնձորն ամբողջությամբ կարող է օգտագործվել ալկոհոլի և քացախի արտադրության համար: Հայտի է արքայախնձորի գինին:
13. Այն մասերը, որ մենք չենք ուտում, ըստ էության, կարող են օգտագործվել որպես տնային կենդանիների համար սնունդ:
Արքայախնձորը լայնորեն օգտագործվում է կոսմետիկայի մեջ
14. Արքայախնձորն օգտագործվում է որպես ցելյուլիտի դեմ պայքարի հզոր միջոց: Այն ի վիճակի է պայքարել նարնջի կեղև հիշեցնող մաշկն ու հարթեցնել այն: Տեսնենք, թե ինչպես պատրաստել կոմպրեսը, որը պետք է օգտագործվի շաբաթական երեք անգամ մեկ ամիս:
15. Արքայախնձորը հիանալի միջոց է դեմքի մաշկը սնուցելու և կնճիռների առաջացումը դանդաղեցնելու համար: Շնորհիվ իր հակաօքսիդիչ և սնուցող հատկությունների, այն մեր մաշկին հաղորդում է պայծառություն և փափկություն: Կարելի է պատրաստել բազմաթիվ դիմակներ: Հատկապես օգտակար է յուղոտ մաշկ ունեցողների համար:
Սնուցող և հակատարիքային դիմակ
Կնճիռների դեմ պայքարի համար կարող եք պատրաստել այս դիմակը՝
Բաղադրությունը. 3 կտոր արքայախնձոր, 125 մլ յոգուրտ, մի թեյի գդալ մեղր:
Կտրատեք արքայախնձորը, ավելացրեք յոգուրտն ու մեղրը և մի լավ խառնեք: Պետք է քսել մաքուր և չոր դեմքին, թողնել15 րոպե, Լվանալ սառը ջրով: Օգտագործեք այս դիմակը շաբաթը մեկ անգամ: Դիմակը կարելի է մինչև 7 օր պահել սառնարանում: