Կարդացին Ո՞վ չէր ցանկանա շատ գումար աշխատել՝ առանց մեծ ջանքեր թափելու: Աշխարհում կան մարդիկ, ովքեր կարողացել են գտնել իրենց երազանքի աշխատանքը, որը նրանք կատարում են ամեն օր և հաճույք են ստանում դրանից:
Ներկայացնում ենք ձեզ աշխարհի ամենաանսովոր և բարձր վարձատրվող մասնագիտությունները, այն պարագայում, որ մենք, գուցե, համաձայն լինեինք կատարել դրանք բացարձակ անվճար՝ հաճույքի համար:
1. Վարձով կին
1990-ականների սկզբից Ճապոնիայում մարդկանց վարձակալության ծառայությունը մեծ տարածում ստացավ: Մասնագիտացված գործակալությունում դուք կարող եք դերասան կամ մի ամբողջ ընտանիք վարձել՝ որպես ձեր ընկեր, հարազատ կամ աշխատանքային գործընկեր հանդես գալու համար, կարևոր առիթների ձեզ հետ գալու կամ միայնակ ժամանակ ընկերակցելու համար:
Օրինակ՝ մի տարեց ճապոնացի, ով կորցրել է իր կնոջը և վիճել դստեր հետ, մի քանի ժամով վարձել է կին և դուստր՝ 370 դոլարով՝ նրանց հետ միասին սրճարանում նստելու, զրուցելու և կրկին իրեն սիրված հայր և հոգատար ամուսին զգալու համար:
2. Մարդկանց հրող
Երբևէ մտածե՞լ եք, որ կարող եք վարձատրվել՝ մարդկանց պարզապես աշտարակից հրելու համար: Նման անսովոր «երազանքի աշխատանք» կա AJ Hackett էքստրեմալ ատրակցիոնների ընկերությունում: Այս աշխատանքի պաշտոնական անվանումը «բանջի թռիչքի օպերատոր» է: Այս պատասխանատու աշխատանքի համար աշխատողները ստանում են բավականին բարձր աշխատավարձ՝ տարեկան մոտ 46,000 ԱՄՆ դոլար: Նրանք պետք է կատարեն հրահանգավորում աշխարհի ամենաբարձր թռիչքների հարթակում, վերահսկեն անվտանգության կանոնների ապահովումը, ինչպես նաև՝ հրեն անվճռական ցատկողներին 233 մ բարձրությունից:
3. Վատ լուրերի առաքիչ
Ոչ ոք չի սիրում զեկուցել վատ նորությունների մասին՝ կապված մեզ հարազատ մարդկանց հետ, հետևաբար աշխարհին ահրաժեշտ են հատուկ մարդիկ, ովքեր անում են դա շատ պրոֆեսիոնալ և նրբորեն: Պաշտոնապես, նրանց աշխատանքը կոչվում է «ծանր կորուստների համակարգող», և նրանք տարեկան ստանում են մոտ 57,000 դոլար: Նրանց աշխատանքը հեշտ չէ, քանի որ նրանք մշտապես գտնվում են սթրեսային պայմաններում, որպեսզի օգնեն նրանց, ովքեր հայտնվել են ծանր իրավիճակներում:
4. Կենդանի մանեկեն
Կցանկանայի՞ք պարզապես կանգնել գեղեցիկ հագուստով և 1 ժամում վաստակել 100 դոլար: Այդքան գումար են վճարում կենդանի մանեկեններին, որոնք կանգնած են խանութի պատուհանների մոտ և գրավում են անցորդների ուշադրությունը: Պարտադիր պահանջ է մի քանի ժամ անընդմեջ կանգնած մնալը:
5. Մարմնի մեկ մասի մոդել
Մոդել դառնալու համար պարտադիր չէ ունենալ կատարյալ մարմին, շքեղ մազեր և ձյունաճերմակ ժպիտ: Դուք կարող եք, օրինակ, շատ ֆոտոգենիկ ձեռքեր ունենալ, որոնց վրա թանկարժեք զարդերը կատարյալ տեսք կունենան նկարահանման ժամանակ: Բառացիորեն՝ ձեր սեփական ձեռքերով կարող եք վաստակել 20-ից 1000 ԱՄՆ դոլար ֆոտոնկարհանման դիմաց: Մասնակի մոդելներին հարկավոր չեն դաժան դիետաներ, մարզումներ, դիմահարդարների և կոսմետոլոգների թանկարժեք ծառայություններ:
6. Պաղպաղակ համտեսող
Սիրո՞ւմ եք փորձել պաղպաղակի նոր համեր: Իսկ կուզեի՞ք, որ ձեզ վճարեին տարեկան մոտավորապես 56,000 ԱՄՆ դոլար՝ պաղպաղակ համտեսելու համար: Եթե այո, ապա պաղպաղակ համտեսողի աշխատանքը հենց ձեզ համար է: Պաղապաղակից բացի կարող եք ձեր ճաշակով մեկ այլ տեսակ սննունդ համտեսողի աշխատանք գտնել սննդի խոշոր ընկերություններում: Օրինակ, հիանալի կլինի շոկոլադ համտեսողի աշխատանքը:
Հիմնական պահանջն այն է, որ դուք ունենաք համապատասխան մասնագիտական կրթություն և սննդի հանդեպ սեր՝ նաև գիտական տեսանկյունից:
7. Կանխատեսումների հեղինակ
Ձեզ դու՞ր է գալիս կարճ, զվարճալի տեքստեր գրելն ու մարդկանց ոգեշնչելը: Կցանկանայի՞ք ստանալ տարեկան 53,000 դոլար այդպիսի աշխատանքի համար: Ուրեմն դուք անպայման պետք է փորձեք ձեր ուժերը՝ որպես կանխատեսումների հեղինակ: Միայն Միացյալ Նահանգներում տարեկան արտադրվում է ավելի քան 3 միլիարդ թխվածքաբլիթ՝ թաքնված արտահայտություններով, ուստի նման աշխատանքի համար միակ պայմանն անսպառ երևակայությունն է:
8. Ջրային սղարանների փորձարկող
Ջրաշխարհ այցելելն անվճար չէ, բայց կա աշխատանք, որտեղ ջրային սղարանների որակը ստուգելու համար ձեզ կվճարեն տարեկան 34,000 դոլար: Դուք պետք է գնահատեք, թե որքանով է ատրակցիոնն անվտանգ, հետաքրքիր և էքստրեմալ՝ նախքան այցելուների օգտվելը: Այս աշխատանքը նրանց համար, ովքեր չեն վախենում «թրջել» իրենց հեղինակությունը և չեն պատկերացնում կյանքն առանց ադրենալինի:
9. Ներողություն խնդրելու փորձագետ
Ըստ երևույթին, Ճապոնիայում շատ դժվար է ասել «կներեք», այնպես որ մի շարք մասնագիտացված գործակալություններ առաջարկում են դա անել մարդկանց փոխարեն: Դուք նույնիսկ կարող եք պատվիրել զուգընկերոջից նուրբ ձևով բաժանվելու ծառայություն: Եվ զարմանալի չէ, որ նման ծառայություններից օգտվողների ավելի քան 40%-ը 20-ից 40 տարեկան կանայք են: Նման աշխատանք ստանալու համար հարկավոր է տիրապետել մարդկանց հետ շփվելու նուրբ արվեստին և անցնել հատուկ դասընթացներ, որտեղ ձեզ կսովորեցնեն ճիշտ ներողություն խնդրել: Անհատական «ներողության» արժեքը մոտ 240 դոլար է, իսկ էլեկտրոնային փոստով կամ հեռախոսով «ներողության» արժեքը՝ 96 դոլար: Որոշ փորձագետներ առաջարկում են 1 ժամյա սեանսի համար վճարել 33 դոլար:
10. Պառկելու մասնագետ
Եթե դուք սիրում եք երկար պառկել անկողնում, ապա NASA-ն հատուկ առաքելություն ունի ձեզ համար: Տիեզերական գործակալությունն իրականացրել է ուսումնասիրություն և հավաքագրել կամավորների, ովքեր կարող էին 70 օր պառկել անկողնում և այս պարզ առաջադրանքի դիմաց ստանալ 18 հազար դոլար: Արդյունքում՝ դուք ոչ միայն գումար եք ստանում, այլև նպաստում եք տիեզերագնացների կյանքի ուսումնասիրությանը: Այս ուսումնասիրությունների տվյալները կօգտագործվեն այնպիսի մեթոդների մշակման համար, որոնք տիեզերագնացներին կօգնեն ավելի հեշտ հարմարվել առօրյա կյանքին՝ տիեզերքից վերադառնալուց հետո:
Նյութի աղբյուրը՝ այստեղ
Ո՞ր արտասովոր աշխատանքն է ձեր սրտով: Գրեք մեկնաբանություններում: