Կարդացին Facebook- ը անվճար գովազդ է տրամադրում Առողջապահության համաշխարհային կազմակերպությանը՝ COVID-19-ի մասին ապատեղեկատվության դեմ պայքարելու համար:
Ցուկերբերգն ասում է, որ ԱՀԿ-ն կունենա այնքան գովազդ, որքան անհրաժեշտ է:
Ֆեյսբուքը Առողջապահության համաշխարհային կազմակերպությանը (ԱՀԿ) անվճար գովազդային տարածք է տրամադրում՝ COVID-19- ի՝ նորահայտ կորոնավիրուսի վերաբերյալ ապատեղեկատվության դեմ պայքարելու համար: Իր գրառման մեջ, Ֆեյսբուքի գործադիր տնօրեն Մարկ Ցուկերբերգը հայտարարել է, որ սոցիալական ցանցը ԱՀԿ-ին տրամադրում է «այնքան անվճար գովազդ, որքան անհրաժեշտ է»: Այն նաև այպես ասած «գովազդային վարկեր» է տրամադրում այլ կազմակերպություններին և սերտորեն համագործակցում է հիվանդությունների վերահսկման և կանխարգելման կենտրոնների (ՔՀՀ), ՅՈՒՆԻՍԵՖ-ի և առողջապահության նախարարությունների հետ:
Այս ծրագիրն արդեն ընթացքի մեջ է: Ցուկերբերգի հավաստմամբ՝ եթե հենց հիմա Facebook-ում փնտրեք «coronavirus» կամ «COVID-19», ապա որոնման առաջին արդյունքն ուղղված է լինելու տեղական առողջապահական կազմակերպության կայքէջին:
Facebook-ը կենտրոնացած է նաև վիրուսի մասին ապատեղեկատվության և կեղծ լուրերի տարածումը կանխարգելելու վրա: Պլատֆորմը պլանավորում է հեռացնել կեղծ տեսությունները և արգելափակել այն գովազդները, որոնք առաջարկում են կեղծ նորություններ բուժման տաբերակների վերաբերյալ կամ այլ կեղծ պնդումներ:
Կասկած չկա, որ այս բնույթի հաջող արշավը ողջունելի է: Դեռևս, ինչպես գիտենք, Facebook-ը խոստանում է դադարեցնել ապատեղեկատվության հոսքը, և Facebook-ը իրոք դադարեցնում է ապատեղեկատվության հոսքը շատ տարբեր բաներ են, և կեղծ գովազդներ հեռացնելը նախկինում էլ Ֆեյսբուքի համար դժվար է եղել:
Ֆեյսբուքը բազմաթիվ տեխնոլոգիական ընկերություններից մեկն է, որ անվճար ծառայություններ է տրամադրում ի աջակցություն վիրուսի կանխարգելման: Google-ը նույնպես հայտարարել է, որ G Suite-ի բոլոր սպառողների համար Hangout-ի առաջադեմ հնարավորությունները կլինեն անվճար մինչև հուլիսի 1-ը:
Մինչ օրս գրանցվել է կորոնավիրուսի ավելի քան 92,000 հաստատված դեպք և ավելի քան 3000 մահ: Չնայած դեպքերի ճնշող մեծամասնությունը դեռ գտնվում է Չինաստանում, կան նաև բռնկումներ Հարավային Կորեայում, Իտալիայում, Իրանում և Ճապոնիայում: ԱՄՆ-ում կա ավելի քան 100 հաստատված դեպք: