Կարդացին Նորաձևության մեջ թրենդները փոխվում են այնքան արագ, որ չես հասցնում աչքդ թարթել ու հարմարվել մեկին, անմիջապես հայտնվում են նոր, առավել անսովոր թրենդներ: Իհարկե, անհնար է հետևել բոլոր թրենդերին, սակայն կարելի է տեղեկացված լինել ու ընտրել թրենդերից ձեզ հոգեհարազատ ու ձեր ոճին համապատասխանները: Ահա 2020 թվականի նորաձևության բոլոր տենդենցները, որպեսզի դուք կարողանաք ընտրել նրանք, որոնք հոգեհարազատ են ձեզ:
Նորաձև քրոփ-տոպեր
Ասիմետրիկ և քառակուսի վզով թրոփ-տոպերը համարվում են առավել նորաձև: Դրանք ընդգծում են ուսերը և հիշեցնում հեռավոր 70-ականները:
Բազային շապիկներ ուռուցիկ ուսերով և բարձիկներով
Ուռուցիկ ուսերով և բարձիկներով շապիկներն այս տարվա նորաձևության հիթերից են: Mango-ն, Zara-ն, Stradivarius-ն արդեն ներառել են նման գերժամանակակից շապիկների բազմաթիվ մոդելներ իրենց ամառային հավաքածույում:
Լապտերի թևեր
Հագուստի ևս մեկ ժամանակակից տարբերակ են լապտեր թևերով վերնազգեստները, որոնք հիշեցնում են վիկտորիանական ոճը:
Նորաձև ակնոցներ
Հետքաքրքիր թրենդ են նաև ակնոցների շղթաները, որոնք ոճային տեսք են հաղորդում:
Բացի լուսանկարում ներկայացված ակնոցներից, գերժամանակակից ակնոցների ցանկում կարելի է ներառել նաև գունավոր ակնոցները, ուղղանկյուն ապակիներով և ավիատոր ակնոցներ:
Կիսատաբատներ կամ շորտեր
Բնական գույներով մինիմալիստական շորտերն այժմ առավել արդիական են: Նախապատվություն պետք է տալ լայն և ազատ մոդելներին: ⠀
Նորաձև կոշիկներ
Կոշիկների հարցում ամեն ինչ շատ պարզ է՝քառակուսի առաջամաս, մյուլիներ, սաբոներ, ժապավեններով սանդալներ:
Նորաձև կոշիկների մասին արդեն խոսել ենք մանրամասն մեր նախորդ հոդվածներից մեկում:
Տաբատներ
Ոմանք ցնցված են տաբատի ներքևի մասում կապիչների նոր տենդենցից, սակայն պետք է հարմարվել, քանի որ դրանք նորաձև են: Թրենդային են նաև սովորական բանանը, պալազզո և բացվածքով տաբատները:
Հիշեք, որ մենք պարզապես տեղեկացնում ենք նորաձև թրենդերի մասին՝ այն մասին, ինչ տեղի է ունենում նորաձևության աշխարհում, և եթե ձեզ դուր չեն գալիս որոշ թրենդներ, պարտադիր չէ դրանք ներառել ձեր զգեստապահարանում: Չէ՞ որ սեփական ոճն ավելի կարևոր և մնայուն է, քան՝ նորաձևությունը: