Ինչպես ընտրել իդեալական լողազգեստ

Ամառվա շոգից փախչելու լավագույն միջոցներից մեկը լողավազան այցելելն է: Իսկ լողավազանում ինքնավստահ զգալու և հանգիստը լիարժեք վայելելու համար իդեալական լողազգեստն անհրաժեշտություն է: Լողազգեստի դեպքում նորաձևությունից առավել կարևոր լողազգեստի՝ ձեր կազմվածքին համապատասխան լինելն է: Ո՞ւմ է պետք թրենդային լողազգեստը, եթե այն ընդգծում է մարմնի թերությունները: Այդ պատճառով լողազգեստ ընտրելիս պետք է հաշվի առնել մարմնի թերություններն ու առավելությունները և ընտրել այնպիսի լողազգեստ, որ կթաքցնի թերություններն ու կընդգծի առավելությունները: Այսօրվա բլոգում մենք օգնելու ենք ձեզ ընտրել իդեալական լողազգեստ՝ հենց ձեր կազմվածքի համար:

Նախ պետք է հիշել հետևյալ կանոնները՝

Կանոն N1

Մարմնի այն հատվածի համար, որը ցանկանում եք ընդգծել, ընտրեք վառ գույն, պրինտ կամ դեկոր: Իսկ եթե պետք է վիզուալ փոքրացնել չափերը, ընտրեք հանգիստ երանգներ:

Կանոն N2

Մենք ինքներս ենք ուղղորդում մարդկանց հայացքները, թե ուր պետք է նայել: Եվ որքան էլ որ տարօրինակ է, հիմնականում այն հատվածները, որոնք պրոբլեմային են, սխալմամբ ավելի ենք ընգգծում: Օրինակ այն աղջիկները, որոնք փորիկ ունեն, ընտրում են խոշոր պուտերով լողազգեստ և ավելի ընդգծում ոչ այդքան իդեալական հատվածները:

Կանոն N 3

Ինչքան խոշոր է մարմինը, այնքան շատ է կտոր պետք, այլապես տպավորություն կստեղծվի, որ պարզապես կտորը չի բավականացրել լողազգեստ կարելիս:

Իսկ այժմ անդրադառնանք լողազգեստների օրինակներին և հասկականք, թե ինչպես ընտրել իդեալական լողազգեստ՝

1. Շատ կարևոր է լողազգեստի ճիշտ չափսը:Հիմնականում մենք ընտրում ենք լողազգեստ, որ փոքր է և այսպես ասած՝ մխրճվում է մաշկի մեջ ու առաջացնում անցանկալի շերտեր, կամ ընտրում ենք մեծ չախս, որն էլ իր հերթին սահում կամ լողում է մեզ վրա:

2. Եթե կոնքերն ավելի են լայն են, քան կրծքավանդակը, պետք է ընտրել պրինտերով հարուստ կրծկալ և միատոն կիսավարտիք: Իսկ եթե ձեր դեպքում հակառակն է, հետևաբար ընտրությունն էլ պետք է հակառակ ձևով կատարել:

3. Եթե ցանկանում եք ընդգծել կոնքերը, տարատեսակ կապիչներն ու ժանյակները ողջունելի են:

4. Եթե ցանկանում եք ընդգծել կրծքի հատվածը, երրորդ կետում նշված տրամաբանությամբ՝ ընտրում եք կրծկալը:

5. Եթե ձեր իրանը այդքան էլ բարակ չէ, դա կարելի է վիզուալ շտկել ուղղահայաց գծերի և բացվածքների միջոցով:

6. Փորիկի առկայությոան դեպքում փայլատ գործվածքը ձգող էֆեկտ է տալիս: Իսկ օրինակ վառ արտահայտված դեկոլտեն կշեղի ուշադրությունը փորիկից:

7. Մեծ կրծքի համար լայն կանթերն անհրաժեշտություն են: Իսկ եթե ցանկանում եք շեղել ուշադրությունը մարմնի խոշոր հատվածից, հիշեք վերոնշյալ կանոններից մեկը՝ ընտրեք հանգիստ գույներով՝ նախընտրելի է սև, և առանց պրինտ տարբերակ:

Իսկ լողազգեստի ո՞ր մոդելն է ձեզ դուր գալիս: Կիսվեք ձեր կարծիքով մեր ֆեյսբուքյան էջի մեկնաբանություններում: