Ինչպես ընտրել դպրոցական հագուստ: Այն ամենը ինչ պետք է իմանա ցանկացած ծնող

Դպրոցներում շուտով կմեկնարկի նոր ուսումնական տարին: Իսկ դա նշանակում է, որ ժամանակն է պատրաստվել և գնել դպրոցական հագուստ, որ կլինի որակյալ, հարմարավետ և կծառայի հնարավորինս երկար:

Ինչպես գիտենք, մեր հանրապետությունում դպրոցական համազգեստ կրելն այլևս պարտադիր չէ, ինչը հնարավորություն է տալիս ձեր երեխայի համար առավել հարմար հագուստ: Սակայն ի՞նչպես ճիշտ կողմնորոշվել խանութների առաջարկած ապրանքների բազմազանության մեջ: Մեր խորհուրդները կօգնեն ձեզ:

1. Ինչ հագուստ է պետք աշակերտներին

Նախ եկեք կազմենք անհրաժեշտ հագուստի ցանկ, որպեսզի հասկանաք, թե ինչ հագուստ է պետք երեխային և խուսափեք ավելորդ ծախսերից:

Աղջիկներին անհրաժեշտ է.

• բաճկոն,

• տաբատ,

Կիսաշրջազգեստ

• զգեստ

• ժիլետ (ըստ ցանկության);

• բաց գույների մի քանի վերնաշապիկ,

• մարզահագուստ՝ ֆիզիկուլտուրայի դասերի համար;

• կոշիկ՝ամենօրյա և սպորտային:

Տղաներին անհրաժեշտ է.

• ամառային և ձմեռային տաբատներ,

• պիջակ,

• բաճկոն,

• փողկապ կամ աղեղ փողկապ,

• բաց գույների մի քանի վերնաշապիկ կամ բլուզ,

• ամենօրյա կոշիկներ,

• սպորտային կոշիկներ և սպորտային հագուստ՝ ֆիզկուլտուրայի դասի համար:

Վերադասավորեք զգեստապահարանն ու կազմեք անհրաժեշտ հագուստի ցանկ:

2. Ինչ կտորից հագուստ ընտրել

Երեխաների առողջությունն անչափ կարևոր է, այդ պատճառով դպրոցական հագուստ ընտրելիս նախապատվությունը պետք է տալ բնական գործվածնքներին, քանի որ բնական գործվածքները թույլ են տալիս, որ մաշկը շնչի: Իսկ սինթետիկ հագուստի պատճառով մաշկը չի շնչում, որի հետևանքով առաջանում է քրտնարտադրության և հագուստի տակ կուտակվում են վնասակար միկրոօրգանիզմներ: Ըստ նորմերի՝ դպրոցական հագուստի բաղադրության մեջ պետք է գերկշռեն բանական մանրաթելերը՝

• Վերնաշապիկների և շապիկների բաղադրության մեջ բնական բաղադրիչները պետք է կազմեն առնվազն 65%:
• Կոստյումների դեպքում՝ 45% , սակայն պարտադիր է, որ աստառը լինի բնական գործվախքից կամ  վիսկոզա:

Առավել հարմար գործվածքներն են բուրդը (կամ կիսաբրդյա գործվածքներ), բամբակը կամ վիսկոզան, քանի որ հաճելի են և շնչող:

Աշնանն ու գարնանր ընտրեք բամբակ և վուշ, իսկ ձմռանը՝ բուրդ և կաշմիր:

Սակայն բնական գործվածքները շուտ են կորցնում իրենց գույնը և տեսքը, պահանջում են հատուկ խնամք, այդ պատճառով հագուստի բաղադրության մեջսինթետիկայի որոշակի քանակությունը օգնում է, որ հագուստը ավելի երկար պահպանի իր տեսքն ու ծառայի ավելի շատ:

Որպեսզի դպրոցական հագուստը ավելի երկար ծառայի, գեղեցիկ նստի և ավելի քիչ ճմռթվի, գործվածքների մեջ փնտրեք հետևյալ քիմիական մանրաթելերը.

• պոլիեսթեր (պոլիեսթեր, պոլիէթիլենային տերեֆլատատ կամ լավսան),

• պոլիամիդ (նեյլոն կամ կապրոն),

• պոլիակրիլոնիտրիլ (ակրիլ կամ նիտրոն):

Սովորաբար պիտակների վրա դրանք ներկայացվում են համապատասխանաբար՝ PE, PA և PAN հապավումներով:

Գործվածքի բաղադրության մեջ սինթետիկայի պարունակությունը չպետք է գերազանցի 50% -ը, իսկ պոլիամիդի դեպքում` նույնիսկ 20% -ը:

Նախապատվությունը տվեք այն մոդելներին, որոնց վերին մասը խառը գործվածքից է, իսկ աստառը (մարմնին հնարավորինս մոտ հատվածը)՝ բնական:

Գնեք բամբակյա վերնաշապիկներ ու շապիկները, քանի որ ամբողջությամբ սինթետիկ նյութերից պատրաստված հագուստը ստեղծում է «սաունայի էֆեկտ»՝ խախդելով ջերմափոխանակությունը: Այն կուտակում է ստատիկ էլեկտրականություն, կպչում է մարմնին և կարող է առաջացնել ալերգիկ ռեակցիաներ:

3. Ինչ գույնի և ձևի դպրոցական հագուստ ընտրել

Դպրոցական հագուստը  չպետք է լինի պարտադրված: Այն պետք է դուր գա ձեր բալիկին, քանի որ հենց նա է կրելու դա: Իսկ որքան լավ զգա իրեն երեխան դպրոցական հագուստով, այնքան դա լավ կանդրադառնա ուսման գործընթացի վրա: Ուղղորդեք ձեր երեխաներին և թույլ տվեք, որ նրանք կատարեն վերջնական ընտրությունը:

Սակայն գույների և դիզայնի հարցում փորձեք նախապատվություն տալ առավել պարզ և հանգիստ մոդելներին, որպեսզի վառ գույներն ու արտահայտիչ դետալները չշեղեն երեխայի ուշադրությունը:

Բացի այդ, հոգեբանները պնդում են, որ պայծառ գույները, այդ թվում սևն ու սպիտակը, նյարդայնացնում և հոգնեցնում են: Փոխարենը բեժ, շագանակագույն և կապույտ գույների հանդարտ, զուսպ երանգները հանգստացնող են և օգնում են կենտրոնանալ դասերի վրա:

4. Ինչպիսի չափս ընտրել

Շատ ծնողներ սխալմամբ կարծում են, որ եթե մեծ չափսի հագուստ գնեն, այն ավելի երկար կծառայի: Սակայն դա այդպես չէ: Մեծ հագուստը նախևառաջ անհարմար է հենց երեխայի համար, իսկ երբ նա մեծանա, հագուստը կորցրած կլինի իր տեսքը:

Այնպես որ, եթե ուզում եք դպրոցական հագուստը երկար ծառայի, ընտրեք երեխայի չափով:

Դպրոցական հագուստը չպետք է խոչընդոտի երեխայի շարժումներին, չպետք է սեղմի կամ, ընդհակառակը, կախված լինի:

Ձեռքերն իջեցնելիս բաճկոնի բացվածքը չպետք է առանձնա: Թևերը պետք է ծածկեն դաստակները, բայց ոչ վերնաշապիկի մանժետները. դրանք պետք է 1,5-2 սմ դուրս լինեն:

Ինչ վերաբերում է պիջակի երկարությանը, ապա դա հեշտ է ստուգել պարզ թեստի միջոցով: Խնդրեք երեխային ձեռքերով դիպչել հատակին: Եթե ​​նրան հաջողվի դա անել առանց կռանալու կամ ձեռքերը բարձրացնելու, մոդելը ճիշտ է ընտրված: