Կարդացին CES 2020 էլեկտրոնիկայի ցուցադրությանը Mercedes-Benz-ը ներկայացրել է էլեկտրական մեքենայի նոր նախատիպ, որը լիովին համապատասխանում է գիտաֆանտաստիկ «Avatar» ֆիլմին, որի երկրորդ մասի պրեմիերան նախատեսված է 2021 թվականին:
Ընկերությունը հայտարարել է, որ Vision AVTR-ը մարդու, բնության և տեխնոլոգիայի միավորումն է: Mercedes-Benz-ը նշում է, որ այս մեքենան ստեղծելու ոգշնչման աղբյուրը ֆիլմի հերոսների սիմբիոտիկ հարաբերություններն են: (Նման փոխհարաբերություններ սովորաբար հանդիպում են համակեցություններում՝գոյության ընդհանուր միջավայրում ապրող օրգանիզմների միջև)
Նոր Mercedes-ը հնարավոր է վարել երկու կողմից: Ըստ մշակողների՝ Vision AVTR-ի վերին մասում տեղակայված են 33 «բիոնային փականներ», որոնք ունակ են շարժվել և կապ հաստատել արտաքին աշխարհի հետ: Մեքենայի դիզայնի շնորհիվ՝ ինտերիերը հասանելի է նույնիսկ դրսից և երևում է ինտերիերի ամբողջականությունը:
Vision AVTR- ի առանձնահատկություններից է այն, որ յուրաքանչյուր անիվի վրա կա առանձին սկավառակ, ինչը թույլ է տալիս շարժվել ոչ միայն ստանդարտ ձևով, այլև՝ կողային՝ 30 աստիճան անկյան տակ: Ինժեներները նշում են, որ մեքենայի այս առանձնահատկությունը նման է «ծովախեցգետնի քայլքի» և կարող է օգտակար լինել մեքենան մեգապոլիսներում կայանելիս:
Էլեկտրական մեքենան ունի օրգանական վերալիցքավորվող գրաֆենային մարտկոց, որը հեշտ վերամշակվող է: Ընկերության տվյալներով՝ մեկ լիցքավորումը բավարարում է մոտ 700 կմ երթի համար:
Նոր Mercedes-ը քիչ ընդհանրություններ ունի սովորական մեքենաների հետ: Օրինակ, այս էլեկտրական մեքենան չունի ղեկ և ոտնակներ: Դրանց փոխարինում է հիմնական վահանակի վրա տեղակայված կենսաչափական կառավարման բլոկը: Այսինքն, մեքենան շարժի գցելու համար վարորդն ընդամենը պետք է ձեռքը դնի դրա վրա: Այնուհետև համակարգը կարդում է շնչառության ու սրտի զարկի տվյալները և ինքնուրույն շարժի է ընկնում: Առավել տպավորիչ է, որ վահանակի լուսավորությունը վարորդի սրտի զարկերին համահունչ ցնցվում է, ինչն ըստ ընկերության ներկայացուցիչների՝ հատուկ կապ է ստեղծում մեքենայի և մարդու միջև և ներշնչում է «կապվածության և անվտանգության զգացում»:
Մեքենան վարելու պրոցեսն իրականացվում է ժեստերի միջոցով: Մենյուն ներկայացված է վարորդի առջև դրված հատուկ մոնիտորի վրա, որը նախագծում է տարրերը ձեռքի վրա: Մենյու մուտք գործելը հասանելի է ոչ միայն վարորդին, այլև բոլոր ուղևորներին, միայն թե հնարավորությունների այլ տարբերակով:
Vision AVTR- ի ինտերիերը պատրաստված է վերականգնվող նյութերից: Մասնավորապես, նստատեղերը պատրաստված են «Dinamica» էկոլոգիական կաշվից և Karuun փայտից: Արդյունքում, Mercedes-Benz VISION AVTR- ը ցուցադրության ամենաանսովոր մոդելն էր: Ընկերությունը հավատացած է, որ ապագայում վարորդի և այս տրանսպորտային միջոցի համակեցությունը առավել քան իրական է: